Wana ni mbaktumba hi Oze-d’a 9:13 - Bible azumeina

¹³ Suma Efraim-ma a nata yima djivina d’igi Tir na, wani a mba he grozina abo ma tchi suma.

Wana ni mbaktumba hi Oze-d’a 9:13 Iomraidhean Croise

2 Amuleina 15:16

Ata yi máma Menahem mi b’lak azì ma Tifsa-na ki suma kuruma woi pet kandaga d’a nguyumba, tinï ad’ud’a Tifsa dei gak mba Tirsa, mi b’as hur arop mazi suma wirâ woi pepet mi. Mi le hina ni kayamba ata i mam mba Samari-d’a a aram nga lovota á kal avo hatazi d’uo d’a.

Wana ni mbaktumba hi Job-pa 27:14

Le mi nga ki grona ablaud’a pî, a mba dabazi woi tchid’a ki mbigeu d’a fiyaka avun ayîna, groma a mba hop ki tena d’uo mi.

Jeremi 7:15

An mba ni digigi woi avoron dei d’igi an dik b’oziyogina andjafâ hi Efraim-ma woi na mi.

Jeremi 9:21

Kayam matna mi djak wa ir fenetre meid’a, mi kal wa kur azì mei ma nglona, nga mi tchi kemba ir palumba, nga mi tchi azungeîna avun graka kä glovod’o.

Hor ma tchina 2:22

Ang yï ahle suma a mbud’un mandarîna kan ata yina pet d’igi suma a yi tazi kur bur ma vun tilâ na. Ma didina, kur bur ma ayî mangâ sama sut nga d’oze sama prut tei nga d’i. Gugurei suma an wuluzi ni le kazi heîna, man ma djangûna mi dabazi woyo.

Ezekiyel 27:3

ma nga kaka avun alum ma ngolâ ma nga mi mbut abom ki suma ablau suma a nga kaka avun alum ma ngolîna, ang dum ala: Salad’a Ma didina mi dala: Ang azì ma Tir ma nga subur tang yam djif mangîna!

Wana ni mbaktumba hi Oze-d’a 10:14

Kayam ndata, siwel la ayîna mba d’i tchol aduk sum magina, azì magi ma ad’eng ma ngunguna pet mba mi b’lak keyo, mba mi b’lak kei ni d’igi Salman mi b’lak Bet-Arbel kur bur ma ayî ma mi ndjirep asud’a ki grotna woina na.

Wana ni mbaktumba hi Oze-d’a 13:16

Suma Samari-na zlad’a mba d’i vaziya, kayam a kak djangûna kAlo mazina. A mba tchazi avun ayîna, a mba ndjirebezi grozi suma gureina woyo, amiyôzi suma wirâ, a mba zazi huruzi woi mi.

Wana ni mbaktumba hi Oze-d’a 13:8

An nga ni lad’agi d’igi ambur urs sa a yot grotnid’a na, an nga ni zagagi hurugi woyo, an nga ni kizagagi woi d’igi azlo d’a ti kizak ahlena woi d’a na, amburei suma abageina a mba kizagagi woi kikizek mi.

Wana ni mbaktumba hi Oze-d’a 14:1

Agi Israel-lâ, agi hulongôgï gen Ma didina Alo magina, kayam agi pugugi kä yam tcho magid’a.

Wana ni mbaktumba hi Oze-d’a 9:16

Suma Efraim-ma, a kazi woyo, sideyezi mi so woyo, a mba vut ti. Le azi nga ki grona pî, an mba ni tchazi grozi suma huruzi vazi heîna woyo.

Amos 7:17

Kayam ndata, Ma didina mi dala: Amanga mba d’i le gaulangâ kur azì ma ngolâ, grong suma andjofâ ki grong suma aropma, a mba tchazi avun ayîna, a mba b’rau ir andaga manga ki ziyona. Ang mba mit ni yam andaga d’a ndjendjed’a. A mba yo Israel-lâ magomba, a mba izi woi dei kandaga mazid’a.