Wana ni mbaktumba hi Oze-d’a 8:14 - Bible azumeina

¹⁴ Israel-lâ a mar yam an ma lazina, a min azì ma amula. Suma Juda-na a min azì ma nglo ma ad’eng ma ngunguna ablaud’a. Wani an mba ni do azì mazi ma nglo máma akud’a. Akud’a mba d’i ngalazi azì mazi ma djifâ woi mi.

Wana ni mbaktumba hi Oze-d’a 8:14 Iomraidhean Croise

1 Amuleina 12:31

Jerobowam mi min gong nga kud’ora ata yima ndingâ, mi man suma ngat buzuna aduk suma a nga nandjafâ hi Levi-na d’uo na.

1 Amuleina 16:31

Mi golî d’igi ni vama akid’eina iram na á tit bugol tcho d’a Jerobowam Nebat goroma d’a mi lata, mi i ve ni Jezabel Etbäl amul ma Sidon-na goromba, mi nde le sunda malo ma a yum ala Bäl-lâ, nga mi kud’urom mi.

2 Amuleina 18:13

Kur biza d’a dogo yam fid’i d’a Ezekiyas nga mi tamulid’a, Sanakerip amul ma Asiri-na mi mba á dur ayîna kazì ma nglo ma Juda ma ad’eng ma ngunguna pet, mi yomu.

2 Sunda Hamuleinid’a 26:10

Mi min gong nga fiyak ka ndjola abagei hur fulâ, mi ka golongeîna ablaud’a mi, kayam mam nga ki d’uwarâ ablaud’a kur andagad’a kä ata yima ligitimid’a, a nga abagei hur fulâ mi, mi nga ki suma zuma ablaud’a ki suma ngom guguzlud’a abagei yam ahina d’a Karmel-la mi, kayam mam mi sama hurum ve zuma heîna.

2 Sunda Hamuleinid’a 27:4

Mi min azì ma nglona akulo yam yima nding ma Juda-na, mi min gong nga fiyak ka ndjola kazì ma ad’eng ma ngungu ma aduk agud’ina mi.

Sawal la giled’a 106:21

Azi mar Alo ma sud’uzi ma lahle suma ndandalâ avo Ezipte-na woyo,

Sawal la giled’a 95:6

Agi mbeyegïya, agi grivigi kä, ei kud’oreigi Ma didin ma leina.

Isai 17:10

Agi Israel-lâ, agi maragi yam Alo ma sud’ugina, agi djib’eregi nga yam ahina magi d’a ad’enga d’i. Kayam ndata, agi pagi nagu ma agi tinigi hurugi kama, agi pagi nandjaf guguzlud’a hi suma dingîd’a.

Isai 29:23

Fata grozina a mba we sun nda an lat kabon adigazid’a, a mba tinin simiyên iram vamu, a mba han an Ma tin tan irat vat yam suma hi Jakob-mina ngola, a mba lan an Alona hi Israel-lîna mandaran mi.

Isai 42:13

Ma didina nga mi djï d’igi grang ma durâ na, zlezleû mamba nga d’i zud’um d’igi ma dur ayîna na, nga mi yi tau d’a durâ, nga mi er ad’um akulo, nga mi kus yam mam suma djangûna mi.

Isai 42:25

Kayam ndata, mi mba kayî mam ma bibiliuna kaziya, mi mba kayî ma dur ma tchona kazi mi. Nga mi ngalazi ata yima lara ge pet, wani azi min nga á we va tu d’i. Mi nga mi ngalaziya, wani a nga tin humazi kam mbi.

Isai 43:21

Suma an lazina a mba de woi yam subur manda.

Isai 9:10

Ma didina mba mi mba ki suma djangûna hi Resin-na kaziya, mba mi he mazi suma djangûna ahle suma dur ayîna aboziya.

Isai 9:9

Derengel ma mi to kä woina, ami mba hulong minim kahina d’a tcheta; diyaga d’a a kat teid’a, ami mba hulong pami agu sedrena blangâd’u!

Jeremi 17:27

Wani le agi humun nga d’uo, le agi tinigi nga bur ma sabatna iram vam mbuo, le agi yogi ahlena kagi á kalagi ki vun agrek ma Jerusalem-ma ni, ata yi máma an mba ni do akud’a atazi ma ngolâ, mba mi ngal azì ma nglo ma djif ma Jerusalem-ma woyo, ti mba d’i mit tei d’i.

Jeremi 2:32

Na ni gor weid’a ti mar ahle mat suma ti tchuguzi atat á djif ki tatna, d’oze gor weid’a a teleta, ti mar yam vama ti djinim furutna zu? Wani agi sum mana, agi maran ndei nadjeu dedei burâ ablaud’a bei ndumba ba.

Jeremi 23:27

Azi hal á maran simiyên ndei ir sum mana kadï mazi d’a de d’a azi nga vat ad’ut mi tazid’a d’igi abuyozi ngolo a maran simiyên ndei yam Bäl na mi.

Jeremi 3:21

A nga hum dela yam ahuniyô suma fuyogeina. Ni tchina ki tchen nda hud’a hi Israel-lîd’a, kayam azi mbut lovot mazi d’a gunda kur tit mazid’a, a mar rei yam an Ma didina Alo mazina mi.

Jeremi 5:17

A mba b’lagagi awu magina ki te magina, a mba tchagi grogi suma andjofâ ki grogi suma aropma, a mba tchagi d’uwar magi ma gureina ki ma nglona woyo, a mba b’lagagi guguzlu magid’a ki tulumei magina woyo, a mba togi aziyagi ma nglo ma ad’eng ma ngungu ma agi tinigi hurugi kama kä woi kayî ma durâ mi.

Ezekiyel 23:35

Ni kayam ndata ba, an Salad’a Ma didina ni dala: Kayamba ndak aran ndei ndak han huyogoka, ndak mba d’i zi aneka hi sun mak ka batranga ki gaulang ma’îd’a mi.

Wana ni mbaktumba hi Oze-d’a 13:6

Ata yima an hagi tena ndak yam mei magid’ina, agi hobogiya, agi hlagi yagi akulo. Ni kayam ndata ba, agi maragi kanu.

Wana ni mbaktumba hi Oze-d’a 2:13

An mba ni d’elet furî mata kur vun til matna, kur vun til mat ma ti luwum kur bur ma tilâ mi deî awilina, kur bur mat ma sabatna, kur vun til mat ma lara ge pet ma a ngama mi.

Wana ni mbaktumba hi Oze-d’a 4:6

Sum mana a mba puk kä, kayamba a wan nga d’uo d’a. Wani ang tanga wan nga d’uo mi. Kayam ndata, an mining ngi, ang mba kak man ma ngat buzuna d’uo mi. Kayamba ang mar yam gata hi an Alo mangîd’a, an mba ni mar rei yam grongâ mi.

Amos 1:10

an mba ni do akud’a ata gulumun ma Tir-râ, ti mba d’i ngal azì ma ad’eng ma ngunguna woi mi.

Amos 1:12

an mba ni do akud’a ata azì ma Teman-na, ti mba d’i ngal azì ma ad’eng ma ngungu ma Bosra-na woi mi.

Amos 1:14

an mba ni do akud’a ata gulumun ma Raba-na, ti mba d’i ngal azì ma ad’eng ma ngunguna woi kur bur ma ayîna ki siwela d’igi babarâ ki mbirlimba a siwela na.

Amos 1:4

An mba ni do akud’a ata azì ma amula hi Hazayel-lâ, ti mba d’i ngal azì ma ad’eng ma ngunguna hi Ben-Hadat-na woi mi.

Amos 2:5

an mba ni do akud’a ata azì ma ngol ma Juda-na, ti mba d’i ngal azì ma ad’eng ma ngungu ma Jerusalem-ma woi mi.

Efes-sâ 2:10

Kayam nAlona ba, mi leya, mi geya, mi zlabei tu ki Jesus Christ, kayam ei i avogovok á le sun nda djivi d’a mi minit kei avok dei á led’id’a.

Gat ta a hat á mbàd’id’a 32:18

Gagazi, agi Israel-lâ, agi maragi woi yam ahina d’a ndjunugid’a, agi maragi woi yam ma tchugugina, agi gologi Alo ma hagi arid’ina is mi.