Wana ni mbaktumba hi Oze-d’a 6:5 - Bible azumeina

⁵ Kayam ndata, an nga ni zut suma djok vuna á togiya, an nga ni tchagi ki zla d’a de d’a avunanda. Sariya manda mba d’i ndeï woi d’igi b’o d’a faleid’a na.

Wana ni mbaktumba hi Oze-d’a 6:5 Iomraidhean Croise

Ad’u Tinda 18:25

Ang nga ki djib’er ra hina d’a á tchi suma d’ingêrâ zlapa ki suma tchona d’i? D’oze suma d’ingêrâ a ndak á mbut suma tchona d’uo hina d’uo zu? Ang Ma ka sariyad’a yam suma petna, mbeî ang mba ka sariyad’a ndak á le vama d’ingêrâ d’uo zu?

1 Amuleina 14:6

Kak hina ndjö wani, Ahiya mi humut aset ma tita avun aziyamu, mi de ki delem akulo ala: Atchad’a hi Jerobowam-mba, ndak kalïya! Ni kayam me ba, ndak mbut tak d’igi atcha d’a dinga hina na ge? Kayam ndata, an nga ki zla d’a ad’enga á daksiya.

1 Amuleina 17:1

Elie ma Tisbe ma nga kaka Galät-na, mi de mamulâ Ahap ala: An nga ni dang ngei avok Ma didin ma bei matna Alona hi Israel-lâ ma an nga ni lum sundina: Gola! Biza d’a ar avok wanda wani, mbad’ï mba d’i ge d’i, alo mba mi se d’uo mi, gak bur ma an mba ni tchenema tua mbeî!

1 Amuleina 18:17

Ata yima mi wuma, mi dum ala: Ni ang ma mba ndaka yam Israel-lîna d’ä?

1 Amuleina 19:17

Suma a mba prut tei avun ayîna hi Hazayel-lâ, Jehu mba mi tchaziya; suma a prut tei avun ayîna hi Jehu-na, Elise mba mi tchazi mi.

2 Amuleina 1:16

Elie mi de mamulâ ala: Ang gola! Ma didina mi dang ala: Kayamba ang sun suma á djop Bäl-Zebup alo ma Ekron-na d’igi Alona mi nga navo Israel á djobom zlad’a d’uo na d’a, ang mba tchol akulo woi yam azang ma ang nga burâ kuana d’i, wani gagazi, ang mba mid’a.

2 Sunda Hamuleinid’a 21:12

Bur tu, mbaktumba ti tcholï abo Elie ma djok vun Alona, ti fumu, mi dum ala: Ma didina Alona habung ngolo David-na mi dala: Ang tit nga yam lovota habung Josafat-ta ki d’a hi Asa amul ma Juda-nid’a d’i,

Wana ni mbaktumba hi Job-pa 15:30

Mba mi wal ki nduvunda d’i, sin akud’a mba d’i som abo agu mama woyo, Alona mba mi felem mbei dei ki fo d’a avunamba.

Wana ni mbaktumba hi Job-pa 34:10

Agi suma wäd’u zlad’a, agi humunu! Alona nga ni sama asa’atna d’uo, Ma ad’engêm kal petna ni ma le sun nda ata yat tuo d’ina d’uo mi.

Sawal la giled’a 119:120

Hliwin nga mi zlak ki mandarâ djidjik avorongû, an nga ni ring mandara sariya mang nga kad’a mi.

Sawal la giled’a 37:6

Mam mba mi ndang d’ingêr manga woi d’igi b’od’a na, sariya mang nga irata mba d’i nde woi d’igi afat ta faleid’a na.

Isai 11:4

Wani mba mi ka sariyad’a yam suma houd’a ki d’ingêra ki gagazid’a, mba mi we hohowa suma hohou suma yam andagad’ina, zla mam mba ded’a mba d’i mbut ni totogo d’a mi to ki suma yam andagad’ina, mba mi tchi ma asa’atna woi ki fo d’a avunamba mi.

Isai 58:1

Agi eregi ad’ugi akulo, agi bagi d’i, agi eregi ad’ugi akulo d’igi sana mi bu adifa na, agi tagagi sum mana tchila mazid’a, agi tagazi tchod’a hi suma hi Jakob-mid’a mi.

Jeremi 1:10

Gola! An tining ini yam andjaf suma ki leud’a tala ang pat teyo, ang to kä woyo, ang b’lak keyo, ang pleî woyo, ang min akulo, ang pe mi d’a.

Jeremi 1:18

Gola! An tining ini yam ambas ndata pet d’igi azì ma ngol ma ad’eng ma ngunguna na, d’igi grak ka kawei ma wurana na, d’igi gulumun ma kawei ma hleuna na á dur kamulei suma Juda-na ki mazi suma nglona ki mazi suma ngat buzuna ki suma kur ambasina pet mi.

Jeremi 13:13

ata yi máma ang hulong dazi ala: Ma didina mi dala: Gola! An mba ni gurut suma a nga kaka kur ambas ndatina ki süm máma, zlapa kamulei suma a nga kaka yam zlam mba amula hi David-tina ki suma ngat buzuna ki suma djok vuna ki suma Jerusalem-ma pet mi.

Jeremi 23:29

Zla manda ni d’igi akud’a na, ti ni d’igi marto d’a ad’eng nga ti to ahinad’a woid’a na mi d’uo zu? An Ma didina ni de na!

Jeremi 5:14

Ni kayam ndata ba, Ma didin ma ad’engêm kal petna mi dala: Kayamba azi de hina d’a, an nga ni tin zla man nda d’igi akud’a na d’a avunang ang Jeremi. Sum ndazina a mba mbut ni d’igi aguna na mi. Aku ndata mba d’i ngalazi woyo!

Ezekiyel 11:4

Kayam ndata, ang djogozi vuna. Ang gor sana, ang djok vuna.

Ezekiyel 3:9

An mba ni mbud’ung yang ad’enga d’igi ahina diyamanda na, ad’enga kal ahina d’a ad’enga mi. Ar ang lazi mandarazi d’i, ar vunadigang pat avorozi d’uo mi, kayam azi nandjaf ma bei hum vuna ba na.

Ezekiyel 32:18

Ang gor sana, ang tchi yam suma ablau suma Ezipte-na, ang zud’uzi kä, zlapa ki gro aropma handjaf suma ad’engîna kä ad’u andagad’a, zlapa ki suma a i kä azuleina.

Ezekiyel 43:3

Vama mi nde tam mbei iran máma mi ni d’igi vama mi nde tam mbei iran adjeu ata yima Alona mi mba á b’lak Jerusalem-ma na, mi ni d’igi vama mi nde tam mbei kid’a an nga avun alum ma Kebar-rîd’a na mi. An grif kä avoromu.

Sofoni 3:5

Ma didina nga mi le sun nda d’ingêra kurumu, nga mi le vama tcho d’i, yorogo d’a lara ge pî nga mi nde ka sariya mamba woi pid’agi, nga mi hel li. Hina pet pî, suma mbut ira zulona nga mi lazi d’i.

Sunda hi suma a sunuzinid’a 7:31

Kid’a Moise mi we hina d’a, mi le atchap yam vama mi nde tam mbei irama. Ata yima mi hut go á sizarama, mi hum dela hi Salad’id’a. Mi dum ala:

Romê-na 2:5

Wani yam hur mang ma b’ala, yam bei mbut hur mang ma yam tchod’ina, ang nga to’î ayî ma ngolâ hAlonina kang kur bur ma Alona mba mi nde ayî mama ki sariya mam mba d’ingêra woina.

Efes-sâ 6:17

Agi kulubugi suta kagi d’igi djumba na, agi vagi zlad’a hAlonid’a d’igi mbigeu d’a fiyak ka Muzu’â hAlonina mi hagizid’a na.

Hebre-na 4:12

Kayam zlad’a hAlonid’a narid’a, ti nga d’i le sunda. Te matna kal mbigeu d’a fiyak ka siyat mbàd’a. Nga d’i te gak ti wal tad’a ki muzu’â, gak ti wal ir aso’â kandjulora mi. Ti nga d’i ka sariyad’a yam djib’era hi sana d’a mi ngat kurum krovod’a.

Vama ndum mbeina 1:16

Tchitchiud’a kid’iziya a nga ved’a abom ma ndjufâ, mbigeu d’a fiyak ka te d’a siyat mbàd’a, ti nde woi avunamu. Iram mba gola nga d’i wile d’igi afat ta faleid’a na.

Vama ndum mbeina 2:16

Kayam ndata, ang mbut hurung yam tcho manga. Le hina d’uo ni, an nga ni mba atogo zak á dur ayîna ki sum ndazina ki mbigeu d’a fiyak ka avunanda.

Vama ndum mbeina 9:15

Mi but malaika suma fid’i ndazina. A minizi wa yam ler ndata, yam bur máma, yam til máma, yam biza ndata mi, kayam azi tchi suma a walazi aduk hindina abozi ma tuna woyo.

Vama ndum mbeina 9:21

Sum ndazina a mbut nga huruzi yam tchi mat mazina ki kum mazi ma ved’a ki mizeu mazina d’oze kul mazid’a d’i.

1 Samuel 13:13

Samuel mi dum ala: Ang le ni sun nda lilid’a; ang ngom nga vun ma he ma Ma didina Alo mangâ hangzina d’i. Le ang ngomom á djïya ni, Ma didina mba mi he lovota mandjavang á te yam Israel-lâ didin.

1 Samuel 15:22

Samuel mi dum ala: Na ni Ma didina tam mbi lum djivid’a yam he d’a hawa d’a ngala ki vama ngat buzuna kal ge yam mba kä ad’u zla mambid’a zu? Nga na d’i! Wani ge yam mba kä d’a kal ahle suma ngat buzuna; hum vun Alona kal ahok suma mbul suma a ngad’amzina.

1 Samuel 15:32

Bugola, Samuel mi dazi ala: Agi mbanï Agak amul ma Amale’â. Agak mi mba gevem ki furîd’a, nga mi djib’er ala: Gagazi, aglara hi matnid’a kal lei da’!

1 Samuel 15:33

Samuel mi dum ala: D’igi mbugiyo mang suma fuyogeina a ar aropma bei grona na, asung mba d’i ar bei gorâ na mi. Samuel mi ngat Agak kä woi avok Ma didina avo Gilgal.