Wana ni mbaktumba hi Oze-d’a 5:2 - Bible azumeina

² agi mbud’ugi ni zul la yiyik ka tchi matna avo Kitim mi. Wani an Ma didina mba ni ngobogi ki zla tagi pet.

Wana ni mbaktumba hi Oze-d’a 5:2 Iomraidhean Croise

Isai 1:5

Ata yima agi tcholi ad’enga ngingring i avogovo’â, agi min ala mi togi nata yima lara d’ei ge? Yagi pet ni mbuleina, hurugi pet ni tugud’eid’a mi.

Isai 29:15

Ni zla d’a hohoud’a yam suma a nga ngei nga hur mazina kä avok Ma didina suma a nga le sunda kur nduvunda suma a nga dala: Ni nge mi golei mi wei ge na.

Jeremi 18:18

Ata yi máma suma a nga dala: Ki tchetchemba, ei ndjagei vunei yam Jeremi, kayam ei mba kid’agei suma ngat buzuna á had’ei d’i, d’oze suma ned’a á dei d’alâ, d’oze suma djok vuna á djogei zlad’a hAlonid’a d’uo mi. Ei i toïzi ki zla d’a de d’a asa’ata, ar ei tini humei yam zla mam mba ded’a d’uo mi.

Jeremi 5:3

Ma didina, ang halî d’engzenga d’uo zu? Ang toziya, wani a gol to ndata ni va d’i. Ang lazi á dabazi woyo, wani azi hum nga gat ndata d’i. A le yam mba ad’enga, a noî á hulongî gevengû.

Jeremi 6:28

Jeremi mi dala: Azi pet ni suma bei hum vuna ba na, azi ni suma las suma. Azi ni d’igi kawei ma hleuna ki ma wurana na, azi pet ni suma a b’lak keina.

Wana ni mbaktumba hi Oze-d’a 4:2

Arî gun tad’a, ka zlad’a ki mbut ira, arî tchi tad’a, kula, mizeuna ki murud’umba, a nga tchi matna kam kua kam kua mi.

Wana ni mbaktumba hi Oze-d’a 6:5

Kayam ndata, an nga ni zut suma djok vuna á togiya, an nga ni tchagi ki zla d’a de d’a avunanda. Sariya manda mba d’i ndeï woi d’igi b’o d’a faleid’a na.

Wana ni mbaktumba hi Oze-d’a 6:9

Adesâ hi suma ngat buzunina nga mi tchi suma a i kud’or Alona kur lovot ta Sikem-mbina, d’igi suma tchigeta a nga bur suma kä na. Wana ni vama tcho ma ndjendje ma kalâ!

Wana ni mbaktumba hi Oze-d’a 9:15

Asa’at mazid’a ti nde woi navo Gilgal. Ni kua ba, an noyôzi woyo. An mba ni digizi woi avo hatan yam tcho mazi d’a azi lata, an mba ni le kazi baba d’uo d’a, kayam mazi suma nglo suma avorozina pet a ni suma bei hum vuna ba na.

Vama ndum mbeina 3:19

Suma an nga ni le kazina pet, an nga ni ngoboziya, an nga ni gad’azi mi. Kayam ndata, ar ang b’at tang á mbut hurung yam tcho manga.