Wana ni mbaktumba hi Oze-d’a 5:14 - Bible azumeina

¹⁴ Kayam an mba ni mbut ni d’igi azlona na yam suma Efraim-ma, d’igi azlo ma azongâ na yam suma Juda-na, an mba ni kizaga, ni ge tan ni iya, an mba ni ve va, sama mba mi prud’um abona nga d’i.

Wana ni mbaktumba hi Oze-d’a 5:14 Iomraidhean Croise

Wana ni mbaktumba hi Job-pa 10:16

Le an ve tan á hle yan akulo ni, ang nga nduwanan d’igi azlona mi nduwan azarâ na. Ang nga ton kahle suma atchapma kua d’ei!

Wana ni mbaktumba hi Job-pa 10:7

Ang we tetet ala zla nga kan ndi, sama mi prud’un ndei abongâ nga d’uo mi.

Sawal la giled’a 50:22

Agi suma maragi kana, agi wagi djiviya, le d’uo ni, an mba ni kizagagi woi kikizak bei sa mi prud’ugi woi abon ba.

Sawal la giled’a 7:2

Ma didina, Alo mana, an nga ni hal yima ngeid’a natangû, ang sud’un ndei abo suma pet suma a nga djobon vunana, ang prud’un ndeyo.

Isai 5:29

A tchi ni d’igi azlod’a na, a oî ni d’igi azlo ma azungeîna na, a nga to beîd’a a nga vik ahlena, a nga i ki sed’eziya, wani sama mi mba á prud’uzi abozina nga d’i.

Jeremi 25:38

Ma didina mi ar yam ma kaka woi d’igi azlona mi ar domi mama woi na, ambasa ti mbut djona, ti b’lak kei abo ayî ma durâ, abo ayî mam ma bibiliuna.

Hor ma tchina 3:10

Mi mbut kan ni d’igi ambur urs ma mi bur kä á ve vanina na d’igi azlo ma mi ngei tam kana na mi.

Wana ni mbaktumba hi Oze-d’a 13:6

Ata yima an hagi tena ndak yam mei magid’ina, agi hobogiya, agi hlagi yagi akulo. Ni kayam ndata ba, agi maragi kanu.

Wana ni mbaktumba hi Oze-d’a 2:12

Ki tchetchemba, an nga ni fogot baruna woi atat ir buniyôtna, sama mba mi sud’ut abona nga d’i.

Wana ni mbaktumba hi Oze-d’a 6:1

Agi mba dagi ala: Agi mbeyegïya, ei hulongeî gen Ma didina. Mam ma kizagei mbuleinina, mba mi tchiliya, mam ma toina, mba mi djini mbiliya.

Amos 2:14

Sama mi ring heîna mba mi fe lovota á ringâ d’i, ma ad’engâ mba mi fe lovota á le va kad’eng mamba d’i, ma dur ayîna heîna mba fe lovota á sut tam mbuo mi.

Mise 5:8

Ang hlabong akulo yam mang suma djangûna, ar ang kizagazi woi pet!

Gat ta a hat á mbàd’id’a 28:31

Amuzlei magina a mba ngad’azi kä iragi hina, wani agi mba mud’uzi hliwizi d’i. A mba yo koro magina kad’enga kä iragi hina, a mba hulongôgizi d’i. Magi suma djangûna a mba yo d’uwar magina, wani sama mba á ndjunugina nga d’i.

Gat ta a hat á mbàd’id’a 32:39

Ki tchetchemba, agi wagi woi ala ni an tu ba nAlona. Alo ma ding nga ki sed’en ndi. Ni an ba ni tchi sana; ni an ba ni ar sana karid’a; ni an ba ni ka sana mbilâ; ni an ba ni tchilim mbilim mi. Sama ndak á prut sana woi abona nga d’i.