Wana ni mbaktumba hi Oze-d’a 5:1 - Bible azumeina

¹ Ma didina mi de kua ala: Agi suma ngat buzuna, agi humugiya, agi suma avok Israel-lîna, agi tinigi humagiya, agi suma avo hamulîna, agi humugiya, kayam sariya d’a ka ndata ni kagiya, kayam agi mbud’ugi ni dau ma yam sum manina avo Mispa, agi mbud’ugi nabei d’a gunda kä yam sum manid’a yam ahina d’a Tabor-ra,

Wana ni mbaktumba hi Oze-d’a 5:1 Iomraidhean Croise

Jeremi 11:7

Gagazi, an le glangâsâ mabuyogi ngolo, tinï ad’ud’a ni kur bur ma an ni buzuguzï woi kur ambas sa Ezipte-d’a dei gak ini. An nga ni mba á lazi glangâsâ ala: Agi humundi vunanu.

Jeremi 13:18

Ang de mamulâ kasum mba amula ala: Agi bululugi kä andaga kayam avaval magi d’a amula ti nde wa kä woi kagi da’.

Jeremi 46:18

An amul ma simiyên ala Ma didin ma ad’engên kal petna na ni dala: An gun tan ki an ma bei matna ala: Ma djangûna nga djï d’igi Tabor ri nga akulo aduk ahuniyôna na, d’igi Karmel li nga akulo avun alum ma ngolâ na mi.

Wana ni mbaktumba hi Oze-d’a 10:15

An Ma didina nga ni dagiya: Agi suma Betel-lâ, an mba ni le ki sed’egi ni hina dedege yam asa’at magi d’a ngol la kala, a mba tchamul ma Israel-lâ tchi tua ba yina fo.

Wana ni mbaktumba hi Oze-d’a 13:8

An nga ni lad’agi d’igi ambur urs sa a yot grotnid’a na, an nga ni zagagi hurugi woyo, an nga ni kizagagi woi d’igi azlo d’a ti kizak ahlena woi d’a na, amburei suma abageina a mba kizagagi woi kikizek mi.

Wana ni mbaktumba hi Oze-d’a 4:1

Agi Israel-lâ, agi humugi zlad’a hi Ma didinid’a. Mi dala: An nga ki zlad’a ki suma a nga kaka kur ambasina, kayam d’engzenga d’oze sumad’a a nga kur ambasa d’i. A wan nga ala an nAlona d’i.

Wana ni mbaktumba hi Oze-d’a 6:9

Adesâ hi suma ngat buzunina nga mi tchi suma a i kud’or Alona kur lovot ta Sikem-mbina, d’igi suma tchigeta a nga bur suma kä na. Wana ni vama tcho ma ndjendje ma kalâ!

Wana ni mbaktumba hi Oze-d’a 9:8

Sama kak ndjola yam suma Efraim-ma ni ma djok vuna zlapa kAlona, wani dauna mi nga gunda kä kur lovot mam mba lara ge d’a mam nga mi tit kuad’a. Kur ambasa hAlo mamid’a, mam fe ni d’ugura vat tu.

Joel 1:2

Agi suma nglona, agi humugi zla d’a wanda. Agi suma nga kaka kur ambasina, agi tinigi humugiya. Vama hina na mi le kur atchogoi magid’a d’oze mi le kur atchogoid’a habuyogid’a zu?

Amos 3:1

Agi Israel-lâ, agi andjaf ma an buzugumi woi yam ambas sa Ezipte-d’ina, agi humugi zla d’a an dagizid’a.

Amos 7:9

An mba ni b’lak yima ndingâ handjafâ hi Isa’â woyo, an mba ni b’lak gongîyo suma kud’ora hi Israel-lîna woyo, an mba ni ngop suma hi Jerobowam-ma kayî ma durâ mi.

Mise 3:1

Mise mi dala: Agi andjafâ hi Jakob ma avok sumina, agi suma ka sariya suma Israel-lâ, an nga ni dagiya, agi humugiya. Ni agi ba wagi sariya d’a ka d’a d’ingêra d’uo zu?

Mise 3:9

Agi andjafâ hi Jakob suma avok sumina, agi suma nglo suma Israel-lâ, agi suma nga gologi sariya d’a d’ingêra isâ, agi suma gunugi d’ingêrina, agi humugiya.

Mise 7:2

Sama d’engzeng nga kur ambasa d’i, sama irat nga d’uo mi. Azi pet ni suma a bur suma kä á tchid’ina, nge nge pî nga mi gun dauna kä yam wiyema.

Malatchi 1:6

Ma didin ma ad’engêm kal petna, mi de mi suma ngat buzuna ala: Gorâ nga mi hu abumu, azongâ nga mi hu salama mi. Wani le an nabugiya ni, hu manda nara mi ge? Le an ni Salagina ni, ge yam mba kä avoronda nga ni lara? Agi nga lazan simiyênu, wani agi nga dagi ala: Ami nga lazang simiyêngî ki me ge?

Malatchi 2:1

Ma didin ma ad’engêm kal petna mi dala: Wana ni vun ma hed’a mi agi suma ngat buzuna:

Suma ka sariyad’a 4:12

Suma a mba de mi Sisera ala: Barak Abinowam goroma mi mba nga yam ahina d’a Tabor-ra.

Suma ka sariyad’a 4:6

Ti ge sunda ti yï Barak Abinowam goroma ei Kedes-Neftali, ti dum ala: Ma didina Alona hi Israel-lîna mi hang vuna ala: Ang i yo suma ad’u andjafâ hi Neftali-na kandjafâ hi Zabulon-na 10.000, ang i ki sed’ezi yam ahina d’a Tabor-ra.

1 Samuel 7:16

Bizad’a ki bizad’a mam nga mi ngui tita Betel, Gilgal ki Mispa á ka sariyad’a kur azì ma nglo ma hindi máma.

1 Samuel 7:5

Samuel mi he vuna ala: Agi togogi Israel-lâ pet avo Mispa. An mba ni tchen Alona kagiya.

1 Samuel 7:6

Azi tok avo Mispa, a gul mbina, a vom mbei avok Ma didina, a d’el tazi bei te tena. Kur bur máma a de woi ala azi le tchod’a avok Ma didina. Navo Mispa ba, Samuel mi kak ma ngolâ avok Israel-lâ.