Wana ni mbaktumba hi Oze-d’a 4:13 - Bible azumeina

¹³ A ngat ahle suma ngat buzuna akulo yam ahinad’a yat ta ked’iwurenga, a ngal dubang ma his djivid’ina akulo yam yima ndingâ, ad’u agu sena, ad’u agu pepliyena, ad’u agu tereben suma anguzuna b’uguma mi. Ni kayam ndata ba, grogi suma aropma a nga le gaulangâ, grogina amiyôzina a nga le mizeuna mi.

Wana ni mbaktumba hi Oze-d’a 4:13 Iomraidhean Croise

2 Amuleina 17:7

Ndak ndata ti mba yam Israel-lâ, kayam azi le tchod’a avok Ma didina Alo mazi ma pad’azï woi yam andaga d’a Ezipte-d’a abo amulâ Faron-na, a kud’or alo ma ding ma tetengâ mi.

2 Amuleina 23:7

Josiyas mi to gongîyona hi suma gaulangâ suma a nga kur gulumuna hi gong nga kud’ora hi Ma didinid’ina woyo. Ni gongîyo suma aropma a nga tchil baru d’a a le ki sunda malo d’a a yat ala Asera-d’a kuana.

Isai 1:29

Gagazi, agi mba mbud’ugi zulona kagu ma terben agi tinigi hurugi kama, agi mba mbud’ugi zulona kasine ma agi manam ma agi nga tuwalagizina mi.

Isai 57:5

Agi ni suma hologi tagi ad’u atchinda ad’u agu ma lara ge ma angusîna d’uo zu? Agi ni suma a nga ngad’agi grogina kä kur hora angra ahuniyônina mi d’uo zu?

Isai 57:7

Ni yam ahina d’a fiyak ka akulo dei ba, agi nga tinigi azang magi ma burâ kua á le tchod’a. Ni kua ba, agi nga djagagi á hagi ahle suma ngat buzuna mi.

Jeremi 2:20

Ma didina mi dala: Agi kuzugi djuk ma kelegina woi nadjeu dei, agi bud’ugi vun ma djin ma adigeina woyo, agi dagi ala: Ami min lang sunda d’uo d’a. Kayam ndata, agi igi akulo yam yima ndingâ, ad’u agu ma lara ma angusâ agi grivigi kä ad’um á mbud’ugi tagi gaulangâ mi.

Jeremi 3:13

Mi de kua ala: Vama djivina ar agi wagi tcho magid’a, ar agi wagi ala agi sogi vunan an Ma didina Alo magina, agi walagi woi ki sed’enu, agi i zlabagi kalo ma dingâ ad’u agu ma angus ma lara, agi humun nga vunan ndi.

Jeremi 3:6

Kur atchogoid’a hi Josiyas-sa Ma didina mi dan ala: Ang we vama Israel suma a tcha tatana a luma zu? A i yam ahina d’a lara ge d’a fuyogeid’a, ad’u agu ma angus ma lara a mbut tazi gaulangâ.

Jeremi 44:8

Ni kayam me ba, agi zalan hurun ki sun nda agi lat kabogid’a á ngalagi dubang ma his djivid’ina malo ma ding ma yam ambas sa Ezipte d’a agi mba á kagagi kua á dabagi tagi woi á mbud’ugi tagi vama ge vuna ki vama zulona aduk andjaf suma yam andagad’ina ge?

Ezekiyel 16:16

Ndak yo baru mak ma nga kandjaf d’udjod’a teteng atama, ndak minim akulo yam yima ndingâ ndak le gaulangâ kamu. Wani vama hina mi le nga avok yam tu d’i, vama hina mba mi mba bugol luo mi.

Ezekiyel 16:25

Ndak min yima ndingâ avun lovot ta lara ge pet, ndak mbut tak ndjendjed’a ki djif ma’â, ndak he tak mi sama lara ma nga mi kalâ, ndak nga i ki gaulang ma’â avogovogo.

Ezekiyel 6:13

Azi mba wala an ni Ma didina ni fata mad’azi mba mi tchuk kä aduk filei mazi ma tetengâ gen yi mazi ma ngal ahle suma ngat buzu ma tetengâ, yam yi mazi ma nding ma lara, yam ahuniyô suma fuyogei suma lara, ad’u agu ma lara ma angusâ, ad’u agu sen ma d’uf ma lara ma guguluîna, ata yima azi ngal dubang ma his djivid’ina mi filei mazina kuana pet.

Wana ni mbaktumba hi Oze-d’a 10:8

Yima nding ma teteng ma a tinim iram vam ma Bet-Aven ma Israel-lâ a le tchod’a kuana, a mba b’lagam mbeyo. Kekerezeuna kaweid’a a mba deî ata yi mazi ma ngal ahle suma ngat buzu ma tetengâ. A mba de mahuniyôna ala: Agi ngeyemiya, a mba de mi yima nding ma tetengâ ala: Ang dris kä kamiya.

Wana ni mbaktumba hi Oze-d’a 11:2

Wani Israel-lâ a wal tazi woi ki an Ma ni yazina, a hahle suma ngat buzuna mi Bäl, a ngal dubang ma his djivid’ina mi fileina mi.

Wana ni mbaktumba hi Oze-d’a 2:13

An mba ni d’elet furî mata kur vun til matna, kur vun til mat ma ti luwum kur bur ma tilâ mi deî awilina, kur bur mat ma sabatna, kur vun til mat ma lara ge pet ma a ngama mi.

Amos 7:17

Kayam ndata, Ma didina mi dala: Amanga mba d’i le gaulangâ kur azì ma ngolâ, grong suma andjofâ ki grong suma aropma, a mba tchazi avun ayîna, a mba b’rau ir andaga manga ki ziyona. Ang mba mit ni yam andaga d’a ndjendjed’a. A mba yo Israel-lâ magomba, a mba izi woi dei kandaga mazid’a.