Wana ni mbaktumba hi Oze-d’a 4:10 - Bible azumeina

¹⁰ Azi mba te, wani azi mba hop pi, azi mba le gaulangâ, wani azi mba zul li, kayam azi noyôn an Ma didina woi á le gaulangâ.

Wana ni mbaktumba hi Oze-d’a 4:10 Iomraidhean Croise

2 Sunda Hamuleinid’a 24:17

Bugol matna hi Jehojada-na, suma nglo suma avok suma Juda-na a mba grif kä avok amulâ, a tchenemu; mam humuzi mi.

Sawal la giled’a 125:5

Wani suma a nga tit kur lovot ta gundina, ang b’lagazi woi ki suma murud’umba. Ar ang mba ki b’leng nga halasa yam Israel-lâ!

Sawal la giled’a 36:3

Nga mi subur tam katam vam tala ar tcho mamba nde woi abu d’uo d’a, nga mi ar tcho mam ndata woi d’uo mi.

Zla d’a d’ogolâ 13:25

Sama d’ingêrâ nga mi te mi hoba, wani sama asa’atna hurum nga tchi u’uyur abo meid’a.

Jeremi 34:15

Wani agi hulongôgï ini á le sun nda djivid’a avoronu. Agi tchagi wala ala: Nge nge pî mi ge ndrama akulo, agi djinigi vunagi avoron kur gong nga a nga kud’uron kuad’a.

Jeremi 9:12

Sama ne ma mi wäd’u ahle ndazina ni nge ge? Sama Ma didina mi dum zlad’ina, ar mi de woi mi vad’ud’a kayam me ambasa ti b’lak keyo, kayam me ti ngal lei d’igi hur ful ma sa nga mi kal kua d’uo na na!

Ezekiyel 18:24

Wani le sama d’ingêrâ mi ar sun mam mba d’ingêra woi mi le sun nda ndjendje d’a sama asa’atna nga mi lata ni, mam mba mi kak karid’a zu? Sun mam mba d’ingêra pet a mba ndumumzi kam mbi. Wani yam sun nda ata yat tuo d’a ki tcho d’a mam he tam kat á led’id’a, mba mi mit tei kad’u.

Ezekiyel 22:9

Suma tchuk zla d’a aboina yam suma á tchi sumina a nga kurungû. Suma a tahle suma a hazi mi fileina akulo yam ahuniyônina a nga kurungû, suma a nga le sun nda batrangina a nga kurung mi.

Wana ni mbaktumba hi Oze-d’a 4:14

An mba ni mba á ngop grogi suma aropma yam gaulang mazina d’oze grogina amiyôzina yam mizeu mazina d’uo mi. Ni agi ba, an mba ni ngobogiya, kayam agi tagid’a zlabagi karop suma gaulangâ kur gong magi d’a kud’or fileina, agi nga hagi ahle suma ngat buzuna mi fileina ki sed’ezi d’igi suma bei wed’a a nga ring á i kur bad’a na.

Wana ni mbaktumba hi Oze-d’a 7:4

Azi pet ni suma le mizeuna, a hle tazi ni d’igi aku d’a für ra sama lavungôna mi vata na, ata yima nga mi tib’ek afutina, nga mi zud’ut akulo d’i gak afuta ti fak tua.

Sunda hi suma hi Levi-nid’a 26:26

Ata yima an mba ni d’el avungô maginina, aropma dogo a mba gavungôna kur für ma tuna, a mba ngagizi ni ngä; agi mba tumu, wani mba mi hobogi d’i.

Mise 6:14

Agi mba tagi avuna, wani agi mba hobogi d’i, agi mba tchigi meid’a, agi mba tinigi ahlena á ngomba, wani agi mba wazi zlazi d’a ngomba d’i. Ahle suma agi mba ngomozina, an mba ni ar suma durâ a yoziya.

Sofoni 1:6

An mba ni dap suma a noyôn an Ma didina suma a nga halan nduo suma a nga djobon yam va d’uo na woyo.

Wana ni mbaktumba hi Aze-d’a 1:6

Agi nga zumugi ngola, wani agi nga dud’ugi akid’eid’a; agi nga tagiya, wani agi nga hobogi d’i; agi nga tchagiya, wani nga vagi laud’a d’i; agi nga tchugugi baruna atagiya, wani tagi nga d’i ve d’ut ti. Sama le sunda nga mi ve bege mamba, wani nga d’i ndagam mbi.