Wana ni mbaktumba hi Oze-d’a 4:1 - Bible azumeina

¹ Agi Israel-lâ, agi humugi zlad’a hi Ma didinid’a. Mi dala: An nga ki zlad’a ki suma a nga kaka kur ambasina, kayam d’engzenga d’oze sumad’a a nga kur ambasa d’i. A wan nga ala an nAlona d’i.

Wana ni mbaktumba hi Oze-d’a 4:1 Iomraidhean Croise

1 Amuleina 22:19

Wani Mise mi dum ala: Ang hum zla d’a Ma didina mi data. An we Ma didina mi nga kaka yam zlam mam mba amula, azungeî mam suma sä akulona pet a nga tchola gevem yam bigam mba ndjufa ki d’a gulad’a.

Sawal la giled’a 81:9

Sum mana, agi humugiya, an nga ni gagi humagiya! Israel-lâ, ladjï agi tinigi humagi á humunu ni!

Isai 1:10

Agi suma nglo suma b’lagagi woi d’igi suma Sodom-ma na na, ar agi humugi zlad’a hi Ma didinid’a. Agi suma yagi nga kagi d’uo d’igi suma Gomor-râ na na, agi tinigi humagi yam gata hAlo meinid’a!

Isai 1:18

Ma didina mi dala: Mbeigïya, ei dei tei zlad’a. Le tcho magid’a ti ni hleud’a diliu pî, mba d’i mbut hapa d’igi nesâ na; le d’i ni hleud’a kekeng d’igi gangeîna na pî, mba d’i b’o hapa d’igi b’od’a hi tamasid’a na.

Isai 28:14

Kayam ndata, agi suma las suma, agi suma nga tagi yam suma Jerusalem-mina, ar agi humugi zlad’a hi Ma didinid’a.

Isai 34:1

Agi andjaf suma, agi hud’ï go á humba agi suma, agi tinigi humagiya. Ar andagad’a kahle suma kurutna pet a huma, ar duniyad’a kahle suma a nga kurutna pet a hum mi.

Isai 34:8

Kayam ni bur ma hlatchugula hi Ma didinina, ni biza d’a a wurak nge nge pî yam sun nda tcho d’a mi lat ki Siyon-ndid’a.

Isai 5:3

Wani ki tchetchemba, agi suma nga kaka avo Jerusalem-ma ki suma Juda-na, agi kami sariyad’a adigami ki guguzlu manda.

Isai 59:4

Agi nga kalagi yam tagi ata lovod’ot ti, agi nga dagi zlad’a ki gagazid’a d’i, agi tinigi hurugi ni yam ahle suma hawa ya’â, agi dagi ni zla d’a kad’a, agi nga vagi wir ra tchod’a, agi vud’ugi ni murud’umba.

Isai 59:8

Agi wagi nga lovot ta halasa d’i, agi nga tid’igi kur lovot ta gagazid’a d’i, agi tid’igi ni kur lovot ta gunda. Sama nga mi tit kuana nga mi we halasa d’uo mi.

Isai 66:5

Agi suma nga humugi zlad’a hi Ma didinid’a ki mandarâ ki zlakina, agi humugi zla d’a b’oziyogi suma a noyôgi a aragi woi yam simiyêna a nga data. A nga dala: Ar Ma didina mi tak subur mamba woyo, ami wami furî magid’a mi. Wani ni azi ba, a mba mbut zulona.

Jeremi 11:7

Gagazi, an le glangâsâ mabuyogi ngolo, tinï ad’ud’a ni kur bur ma an ni buzuguzï woi kur ambas sa Ezipte-d’a dei gak ini. An nga ni mba á lazi glangâsâ ala: Agi humundi vunanu.

Jeremi 19:3

Ang dazi ala: Agi amulei suma Juda-na ki suma a nga kaka avo Jerusalem-ma, agi humugi zlad’a hi Ma didinid’a. Ma didin ma ad’engêm kal petna, Alona hi Israel-lîna, mi dala: Gola! An nga ni mba ki ndaka yam yima wana. Ni ndak ka sama lara ma mi humatna humum mba d’i ngel lei abotna.

Jeremi 2:4

Agi suma hi Jakob-ma, agi humugi zlad’a hi Ma didinid’a. Agi andjafâ hi Israel-lîna pet, agi humugi mi.

Jeremi 2:9

Ni kayam ndata ba, Ma didina mi dala: An nga ni le sariyad’a ki sed’egiya, an mba ni le sariyad’a ki grogi ngolona kua d’ei.

Jeremi 25:31

Delem mba nga d’i ngir kä d’a, ti i gak ti ndeza woi avun dabid’a handagad’id’a, kayam Ma didina nga mi le sariyad’a kandjaf suma, nga mi ka sariyad’a yam andjaf suma pet, mi tchi suma asa’atna ki mbigeu d’a fiyaka. Ma didina mi de na.

Jeremi 34:4

Wani Sedekiyas amul ma Juda-na, ang hum zlad’a hi Ma didina d’a mi dat kanga. Mi dala: A mba tchang ki mbigeu d’a fiyaka d’i.

Jeremi 4:22

Ma didina mi dala: Gagazi, sum mana yazi nga d’i. A wan nga d’i, a ni gro suma lilid’a, suma bei wad’ud’a, a ne heî ná le tchod’a hol, a we nga djivi d’a led’a d’i.

Jeremi 4:28

Kayam ndata, ambasa ti nga kur yor tad’a, akulod’a ti mbut nduvunda mi, kayam an dala: An nga hurun yam zla ndata da’, an nga ni djok vunan ndi, an nga ni hulong bugol luo mi.

Jeremi 5:4

Ata yi máma an dala: A le ni sunda hi kem mba gureid’a. A we nga va d’i, a we nga minda hi Ma didinid’a d’i, a we nga gata hAlo mazinid’a d’uo mi.

Jeremi 51:5

Kayam ambas sa Babilon-nda ti oî ki tchod’a avok Ma tin tam irat vat yam Israel-lîna. Hina pet pî, Israel-lâ ki suma Juda-na, Alo mazi Ma didin ma ad’engêm kal petna mi arazi nga woi d’i.

Jeremi 6:13

Kayam tin ad’ud’a ata gugureina dei gak mba ata suma nglona, azi pet a nga ki d’od’oka ata ahlena hi sumina. Tin ad’ud’a ata suma djok vuna dei gak mba ata suma ngat buzuna, azi pet ni suma mbut ira.

Jeremi 7:28

Bugola, ang dazi ala: Agi nandjaf ma bei hum vun Ma didina Alo magina. Agi ni suma min hum ngopa d’uo na, agi aragi d’engzenga woyo, agi tuvot tei mi.

Jeremi 9:20

Agi aropma, agi humugi zlad’a hi Ma didinid’a, agi tinigi humagi yam zla d’a ti ndavunamba. Agi had’agi grogi suma aropma hor ma ged’a, agi had’agi tagi hor ma ged’a mi!

Jeremi 9:3

Ma didina mi dala: Sinazi d’i nga ni ndira woi ata zla d’a kad’a d’igi suma a ndir yeûd’a á yeta na, nga ni ki d’engzenga ba, azi nga fad’enga kur ambasa d’i, a nga i navogovok kasa’ata, a wan nga d’uo mi.

Jeremi 9:7

Ni kayam ndata ba, an Ma didin ma ad’engên kal petna ni dala: Gola! An nga ni yoroziya, ni kuguziya. Le hina d’uo ni, an mba ni le ni nana yam sum mana ge?

Ezekiyel 16:35

Ndak atcha d’a gaulangâ, ndak hum zlad’a hi an Ma didinid’a.

Wana ni mbaktumba hi Oze-d’a 12:2

Suma Efraim-ma a te ni simetna, a nga tit bugol simet ma abo ma yorogonina. Burâ ki burâ a de ni zla d’a kad’a, a nga hurum ahlena, a djin vunazi ki suma Asiri-na, a nga i ki mbulâ avo Ezipte mi.

Wana ni mbaktumba hi Oze-d’a 12:3

Ma didina mi nga ki zlad’a ki suma Juda-na. Mba mi mba á ngop suma hi Jakob-ma yam tit mazi d’a tchod’a, mba mi wuragazi yam sun nda tcho d’a azi lata.

Wana ni mbaktumba hi Oze-d’a 5:1

Ma didina mi de kua ala: Agi suma ngat buzuna, agi humugiya, agi suma avok Israel-lîna, agi tinigi humagiya, agi suma avo hamulîna, agi humugiya, kayam sariya d’a ka ndata ni kagiya, kayam agi mbud’ugi ni dau ma yam sum manina avo Mispa, agi mbud’ugi nabei d’a gunda kä yam sum manid’a yam ahina d’a Tabor-ra,

Wana ni mbaktumba hi Oze-d’a 5:4

Sun mazid’a nga d’i arazi lovota á hulongî gen an Alo mazina d’i, kayam muzuk ma gaulangâ mi nga adigaziya, kayam azi wan nga an Ma didina d’i.

Joel 1:2

Agi suma nglona, agi humugi zla d’a wanda. Agi suma nga kaka kur ambasina, agi tinigi humugiya. Vama hina na mi le kur atchogoi magid’a d’oze mi le kur atchogoid’a habuyogid’a zu?

Amos 3:1

Agi Israel-lâ, agi andjaf ma an buzugumi woi yam ambas sa Ezipte-d’ina, agi humugi zla d’a an dagizid’a.

Amos 7:16

Ki tchetchemba, ang Amasiya, ang hum zlad’a hi Ma didinid’a. Ang mala an djok vuna mi Israel-lâ d’uo an ngir hum andjafâ hi Isa’â d’uo mi na.

Mise 6:2

Agi ahuniyôna kandaga d’a ad’ut ta ge d’a ngingid’a, agi humugi zlad’a hi Ma didinid’a kayam Ma didina mi nga ki zlad’a ki sum mama, mi min b’ak zlad’a ki Israel-lâ.

Jean 8:55

Agi wum nga d’i, wani an wumu. Ladjï an dala: An wum nga d’uo ni, an mbut ni sama ka zlad’a d’igi agi na mi. Wani an wumu, an nga ni ge yan kä ad’u zla mamba mi.

Romê-na 1:28

D’igi azi noî á wAlona na, Alona mi arazi kur djib’er mazi d’a tchod’a á lahle suma ata yazi d’uo na.

1 Korente-na 15:34

Ar agi zlid’igi akulo, ar agi tid’igi d’ingêr, ar agi lagi tchod’a d’i, kayam suma dingâ adigagi a we nga Alona d’i. An de hina ná mbud’ugi zulona.

Vama ndum mbeina 2:11

Sama nga ki humbina, ar mi hum vama Muzu’â hAlonina nga mi dum mi Tokina. Suma a mba kus ayînina, mat ma mbàna mba mi tchazi d’i.

Vama ndum mbeina 2:29

Sama nga ki humbina, ar mi hum vama Muzu’â hAlonina nga mi dum mi Tokina.