Wana ni mbaktumba hi Oze-d’a 2:1 - Bible azumeina

¹ Ma didina mi de kua ala: Hina pet pî, Israel-lâ a mba zul d’igi les ma avun alum ma ngol ma sa ndak á ngam mboze á ndumum mbuo na na. Ata yima a mba dagi ala: agi nga ni sum mana d’uo na, a mba dagi ala: Agi nAlo ma bei matna groma.

Wana ni mbaktumba hi Oze-d’a 2:1 Iomraidhean Croise

Ad’u Tinda 22:17

an mba ni b’e vunan kangû, an mba ni zulung andjavang avok d’igi tchitchiud’a na, d’igi les ma avun alum ma ngolîna na mi. Andjavang mba mi kus yam mam suma djangûna.

Jeremi 31:33

Ma didina mi de kua ala: Wana ni vun ma djin ma an mba ni djinim ki Israel-lâ bugol bur mámina: An mba ni tin gat manda kuruziya, an mba ni b’irit krovo kur mugulazi mi. An mba ni ka’î Alo mazina, azi mba ka’î sum mana mi.

Jeremi 32:38

Azi mba mbut sum mana, an mba ni arî Alo mazina mi.

Jeremi 51:5

Kayam ambas sa Babilon-nda ti oî ki tchod’a avok Ma tin tam irat vat yam Israel-lîna. Hina pet pî, Israel-lâ ki suma Juda-na, Alo mazi Ma didin ma ad’engêm kal petna mi arazi nga woi d’i.

Ezekiyel 11:20

tala agi tid’igi yam gat manda, agi ngomogi vun man ma hed’a mi d’a. Hina wani, agi mba mbud’ugi sum mana, an mba ni arî Alo magina mi.

Ezekiyel 36:11

An mba ni zul suma ki d’uwarâ kagiya. Azi mba zula, a mba vut grona ablaud’a. An mba ni kak suma kagi d’igi avok na, an mba ni lagi djivid’a kal la avoka. Hina wani, agi mba wagi ala an ni Ma didina.

Ezekiyel 36:28

Agi mba kagagi yam ambas sa an hat mabuyogi ngolod’a, agi mba mbud’ugi sum mana, an mba ni arî Alo magina mi.

Ezekiyel 37:27

An mba ni min yan ma kaka nadigaziya. An mba ni ka’î Alo mazina, azi mba ka’î sum mana mi.

Wana ni mbaktumba hi Oze-d’a 2:2

Suma Juda-na ki Israel-lâ a mba zlap tu, a mba pat amulâ tu, a mba te yam ambasa. Bur máma ni bur ma ngolâ hi Jisreyel-lâ.

Wana ni mbaktumba hi Oze-d’a 2:23

An Ma didina nga ni dagu: Kur bur máma an mba ni arî Alo ma hulong humba, an mba ni hulong humba makulod’a. Akulod’a mba d’i hulong humba mandagad’a,

Zakari 13:9

An mba ni tchuk suma kur abo ma hindi mámina akua, an mba ni yorozi d’igi a yor kawei ma hapma na, an mba ni kuguzi d’igi a kuk lora na, a mba tchenenu, an mba ni humuzi mi. An mba ni dala: Sum ndazina a ni sum mana; azi mba dala: Ma didina nAlo meina mi.

2 Korente-na 4:1

Alona mi wami hohowomiya, mi hami sun ndata abomiya. Kayam ndata, ami tami nga tchuk lus kat ti.

1 Timote 1:13

Adjeu an ni ma las Alona, ni ma djop vun suma, ni ma ngul suma mi. Wani Alona mi wan hohowonu, kayam an le hina ni bei wed’a, bei he gagazid’a mi.

1 Pierre 2:10

Adjeu agi ni suma hAlonina d’i, wani ki tchetchemba, agi ni sum mama. Adjeu mi wagi nga hohowogi d’i, wani ki tchetchemba, mi wagi wa hohowogiya.