Wana ni mbaktumba hi Oze-d’a 13:6 - Bible azumeina

⁶ Ata yima an hagi tena ndak yam mei magid’ina, agi hobogiya, agi hlagi yagi akulo. Ni kayam ndata ba, agi maragi kanu.

Wana ni mbaktumba hi Oze-d’a 13:6 Iomraidhean Croise

Nehemi 9:35

Kid’a azi nga kaka kur amul mazid’a yam ambas mazid’a tua d’a, a nga aduk ahle suma djivi suma ablau suma ang hazizina, a nga yam ambas sa bibini d’a tub’a d’a ang hazizid’a. Wan pî, a lang nga sun ndi, a ar nga sun mazi d’a tcho d’a a nga lata woi d’uo mi.

Sawal la giled’a 10:4

Wana ni djib’era hi sama asa’atnid’a ki yam mba ad’eng mamba nga mi dala: Alona mba mi van ki zlad’a d’i! Kur djib’er mamba pet mi dala: Alona mi nga d’i!

Zla d’a d’ogolâ 30:9

Le an nde kur duzîd’a ni, dam an mba ni tin vunan ni dala: Ma didina ni nge ge kla. Le houd’a kal kanu ni, dam an mba ni kula, ni ngulung simiyêng ang Alo mana kla.

Isai 17:10

Agi Israel-lâ, agi maragi yam Alo ma sud’ugina, agi djib’eregi nga yam ahina magi d’a ad’enga d’i. Kayam ndata, agi pagi nagu ma agi tinigi hurugi kama, agi pagi nandjaf guguzlud’a hi suma dingîd’a.

Jeremi 5:7

Ma didina mi dala: Ndak Jerusalem, Ni nana ba, an mba ni vat hurun ndei kak ke? Kayam gro’â a nga aran ndeyo, a nga gun tazi kalo ma nga nalona d’uo na. An hobozi ki tena, wani azi le ni mizeuna, a nga tok tazi avo hi gaulangâ.

Ezekiyel 23:35

Ni kayam ndata ba, an Salad’a Ma didina ni dala: Kayamba ndak aran ndei ndak han huyogoka, ndak mba d’i zi aneka hi sun mak ka batranga ki gaulang ma’îd’a mi.

Ezekiyel 28:5

Yam we mang nga kal heîd’a ki mbut abo mangâ, ang tok ndjondjoîd’a ngola; yam ndjondjoî manga, ang hle yang akulo.

Wana ni mbaktumba hi Oze-d’a 10:1

Adjeu Israel-lâ a ni guguzlu d’a djivid’a vut heîd’a. Le d’i vut ngola kala ni, a min yima ngal ahle suma ngat buzuna ablaud’a kal mi. Le ambas mazid’a ti mbut ambas sa djif fa heî d’a kala ni, azi tin ahle suma ge humba teteng kal mi.

Wana ni mbaktumba hi Oze-d’a 12:8

Agi suma Efraim-ma, agi ni suma mbut abogina, kilo ma mbut ira mi nga abogiya, agi minigi ni mbut ir suma tu.

Wana ni mbaktumba hi Oze-d’a 2:13

An mba ni d’elet furî mata kur vun til matna, kur vun til mat ma ti luwum kur bur ma tilâ mi deî awilina, kur bur mat ma sabatna, kur vun til mat ma lara ge pet ma a ngama mi.

Wana ni mbaktumba hi Oze-d’a 2:7

kayam asuzi natcha d’a gaulangâ, ta vud’uzid’a ti le nahle suma zulona. Nga d’i dala: An ringî bugol buniyôn suma a nga han te mana ki mbiyo manina, ni suma a nga han tumus tumiyô mana ki baru man nda luluîd’a ki mbul mana ki süm guguzlu mandina mi.

Wana ni mbaktumba hi Oze-d’a 4:6

Sum mana a mba puk kä, kayamba a wan nga d’uo d’a. Wani ang tanga wan nga d’uo mi. Kayam ndata, an mining ngi, ang mba kak man ma ngat buzuna d’uo mi. Kayamba ang mar yam gata hi an Alo mangîd’a, an mba ni mar rei yam grongâ mi.

Wana ni mbaktumba hi Oze-d’a 4:7

Suma ngat buzuna ki zla tazi pet, a d’es sei kur lovot ta an tagazizid’a, a vrak filei ma ndjendjed’a blangân an mala ni subur mazid’a na.

Wana ni mbaktumba hi Oze-d’a 5:14

Kayam an mba ni mbut ni d’igi azlona na yam suma Efraim-ma, d’igi azlo ma azongâ na yam suma Juda-na, an mba ni kizaga, ni ge tan ni iya, an mba ni ve va, sama mba mi prud’um abona nga d’i.

Wana ni mbaktumba hi Oze-d’a 7:14

Ata yima azi nga yana, a nga yan ki hur ma tuna d’i, wani azi nga tchi kur azang mazina, azi nga ze tazi d’igi suma bei wanina na á fe gemena, á fe guguzlud’a mi. wani azi nga son vunanu.

Wana ni mbaktumba hi Oze-d’a 8:14

Israel-lâ a mar yam an ma lazina, a min azì ma amula. Suma Juda-na a min azì ma nglo ma ad’eng ma ngunguna ablaud’a. Wani an mba ni do azì mazi ma nglo máma akud’a. Akud’a mba d’i ngalazi azì mazi ma djifâ woi mi.

Wana ni mbaktumba hi Oze-d’a 8:4

A nga tin amuleina bei vun man ma hed’a, a nga tin suma nglo suma avok sumina bei an we ba, a nga yo kawei ma hapma ki lor mazid’a á yor fileina. Ni kayam ndata ba, azi mba b’lak tazi woyo.

Gat ta a hat á mbàd’id’a 32:18

Gagazi, agi Israel-lâ, agi maragi woi yam ahina d’a ndjunugid’a, agi maragi woi yam ma tchugugina, agi gologi Alo ma hagi arid’ina is mi.