Wana ni mbaktumba hi Oze-d’a 12:11 - Bible azumeina

¹¹ An de zla manda mi suma djok vuna, an ar ahlena a nde tazi woi irazi teteng, an de zlad’a woi ki d’ogolâ mi suma djok vuna mi.

Wana ni mbaktumba hi Oze-d’a 12:11 Iomraidhean Croise

1 Amuleina 17:1

Elie ma Tisbe ma nga kaka Galät-na, mi de mamulâ Ahap ala: An nga ni dang ngei avok Ma didin ma bei matna Alona hi Israel-lâ ma an nga ni lum sundina: Gola! Biza d’a ar avok wanda wani, mbad’ï mba d’i ge d’i, alo mba mi se d’uo mi, gak bur ma an mba ni tchenema tua mbeî!

2 Amuleina 17:13

Wan pî, Ma didina mi sun mam suma djok vuna pet ki suma a nga wahle suma a nga mbana pet á ge hum Israel-lâ ki suma Juda-na kad’enga ala: Agi hulongôgiya, agi aragi sun magi d’a tchod’a woyo, ar agi gagi yagi kä ad’u vun man ma hed’a ki zla manda, ar agi tid’igi yam gat ta an he vuna kat mabuyogi ngolo avun azungeî man suma djok vuna ki hurugi pet mi.

Jeremi 10:15

Azi nahle suma hawa ya’â, ni sun nda lop ira. Fata mba mi ngobozid’a, a mba dap peyo.

Jeremi 10:8

Azi pet ni suma yazi nga d’uo na, ni suma lilid’a mi. Hat ta azi nga had’at yam filei mazinid’a ni hat ta hawa yaka.

Jeremi 2:20

Ma didina mi dala: Agi kuzugi djuk ma kelegina woi nadjeu dei, agi bud’ugi vun ma djin ma adigeina woyo, agi dagi ala: Ami min lang sunda d’uo d’a. Kayam ndata, agi igi akulo yam yima ndingâ, ad’u agu ma lara ma angusâ agi grivigi kä ad’um á mbud’ugi tagi gaulangâ mi.

Jeremi 2:28

An mba ni hulongôgi humba fata ndaka mba kagid’a ala: Alo magi ma agi minima, mi nga ni lara ge? Le mi ndaga ni, ar mi tchol akulo mi sud’ugiya, kayam agi suma Juda-na, agi nga kalona ngad’a yam azì magi ma nglona gagang.

Ezekiyel 17:2

Ang gor sana, ang tin zla d’a mudurid’a kä avok Israel-lâ, ang dazi zla d’a d’ogola.

Wana ni mbaktumba hi Oze-d’a 10:1

Adjeu Israel-lâ a ni guguzlu d’a djivid’a vut heîd’a. Le d’i vut ngola kala ni, a min yima ngal ahle suma ngat buzuna ablaud’a kal mi. Le ambas mazid’a ti mbut ambas sa djif fa heî d’a kala ni, azi tin ahle suma ge humba teteng kal mi.

Wana ni mbaktumba hi Oze-d’a 10:2

Azi mbut suma hur ma mbàmbàna, a mba zi tcho mazid’a kaziya. Ma didina mba mi b’lagazi yi mazi ma ngal ahle suma ngat buzu ma tetengâ kä woyo, mba mi b’lagazi ahle mazi suma azi tinizi á ge humbina woi mi.

Wana ni mbaktumba hi Oze-d’a 4:15

Agi Israel-lâ, le agi hagi tagi á le mizeuna pî, ar suma Juda-na zlad’a vazi d’i, ar agi igi Gilgal li, ar agi igi Bet-Aven ndi, ar agi gunugi tagi ala: Ma didina ni ma bei matna d’uo mi!

Wana ni mbaktumba hi Oze-d’a 6:8

Galät nazì ma ngol ma suma kuruma ni suma murud’umbina, kurumî buzuna vam tu.

Wana ni mbaktumba hi Oze-d’a 8:11

Suma Efraim-ma a zul yima ngal ahle suma ngat buzuna yam tcho mazid’a, wani yi mazi ma ngal ahle suma ngat buzu ma teteng máma nga mi zud’uzi á le tcho d’a kala mi.

Wana ni mbaktumba hi Oze-d’a 9:15

Asa’at mazid’a ti nde woi navo Gilgal. Ni kua ba, an noyôzi woyo. An mba ni digizi woi avo hatan yam tcho mazi d’a azi lata, an mba ni le kazi baba d’uo d’a, kayam mazi suma nglo suma avorozina pet a ni suma bei hum vuna ba na.

Amos 4:4

Agi igi Betel, lagi tchod’a! Agi igi Gilgal, lagi tcho d’a kala! Agi hagi ahle magi suma ngat buzuna ki yorogo d’a lara ge pet! Burâ hindi agi mbagi ki dim magina, agi mbagi ki dim magina!

Amos 5:5

Agi halandi Betel li, agi igi Gilgal luo mi. Agi igi Berseba d’uo mi, kayam a mba yo suma Gilgal-lâ magomba ki zla tazi pet, Betel mba d’i mbut ni vama hawana mi.

Jonas 2:8

Ata yima an nga ni lá matnina, an djib’er kangû. Ma didina, tchen man nda an tchenenga, ang humunï kur gong mang nga kud’ora.

Ndumba 12:6

Mi dazi ala: Agi humugi zla manda djiviya! Ata yima sana mi mbut ma djogon vunana adigagina, an nde tan iramî nde, an dum zlad’a ni kur adïd’a.