Wana ni mbaktumba hi Oze-d’a 11:9 - Bible azumeina

⁹ An mba ni le d’igi hur man ma zal ma gugulu’â na d’i, an mba ni mba á b’lagagi agi suma Efraim-ma woi d’i. Kayam an nAlona, an nga ni sana d’i. An Ma bei tchod’a ni nga adigagiya, an nga ni mba ki hur man ma zala d’uo mi.

Wana ni mbaktumba hi Oze-d’a 11:9 Iomraidhean Croise

2 Samuel 20:10

Amasa mi ngom nga tam yam mbigeu d’a fiyak ka nga abo Jowap-pa d’i. Jowap mi pum mbigeu mam mba fiyaka kurumu, mi zugum aruwad’am kä woi andaga. Amasa mi mit bei Jowap mi tchogom yam á mbàd’a ba. Jowap azi ki wiyema Abisai a nde dik Seba Bikri goroma.

Sawal la giled’a 46:5

Aluma nga, ni ma mbiyom nga mi le suma avo hurazina hAlonina tazi djivid’ina. Azì máma ni yima kal tegles ma aduk yi ma kak ma tetengâ hi ma sä akulo ma kal teglesîna.

Sawal la giled’a 78:38

Wani mi wazi hohowoziya, mi vat hurum mbei yam tcho mazid’a, mi dabazi nga woi d’i, nga mi d’el tam kur ayî mam ma bibiliuna teteu.

Sawal la giled’a 85:4

Kur hur mang ma zala pî, ang hurung b’lengâ; kur ayî mang ma bibiliuna pî, ang hurung vat tei mi.

Isai 12:6

Agi suma avo Siyon-na, agi eregi ad’ugi akulo ki furîd’a, kayam Ma tin tam irat vat yam Israel-lîna ni ma ngol ma adigagina!

Isai 31:1

Ni zla d’a hohoud’a yam suma a nga i Ezipte á hal ndjundina. Azi ni suma a deng tazi yam akulumeinina, ni suma a tin huruzi yam pus ma dur ayîna yam ablau mambina, ni suma a tin huruzi yam suma djang akulumeina ala a ad’enga heyû na. Wani azi ni suma a nga tin irazi yam Ma tin tam irat vat yam Israel-lîna d’uo suma a nga hal Ma didina d’uo mi na.

Isai 41:14

Agi Israel suma hi Jakob-ma, agi suma suma a gologi d’igi ndjuvul ma gorâ na na, agi suma suma a mired’egi kä d’igi ndjuvulâ na na, agi lagi mandar ri! An tan nga ni mba á ndjunugiya! An Ma didin ma tin tan irat vat kagi Israel-lîna, ni dala: An nga ni hle zla magid’a hur abonu.

Isai 41:16

Agi mba sirizi woyo. Simetna mba mi siraziya, mbirlimba mba d’i ndjoyôzi woi mi. Wani agi mba lagi furîd’a kan an Ma didina, agi mba suburugi tagi kan an Ma tin tan irat vat kagi Israel-lîna mi.

Isai 48:9

Wani ni kayam simiyên ba, an d’el vun ayî mana; ni yam gile d’a ndak kan á giled’id’a ba, an ve tan kagi tala an dabagi woi d’uo d’a.

Isai 5:24

Kayam ndata, a mba mbut ni d’igi asu ma sod’a ki kuzad’a na, sin akud’a mba d’i ngalazi woyo, sideyezi mba mi tchim mbeyo, b’ozi mba d’i galal kä woi andaga mi, kayam azi noî gata hi Ma didin ma ad’engêm kal petnid’a woyo, azi gol zlad’a hi Ma tin tam irat vat yam Israel-lîna is mi.

Jeremi 26:3

Dam a mba huma, nge nge pî mba mi ar sun mam mba tchod’a woi kla. Hina wani, an mba ni ar tcho d’a an ngat kurun á lazizi yam sun mazi d’a asa’at ta azi lata woyo.

Jeremi 30:11

Ma didina mi de kua ala: An nga ki sed’egi á sud’ugiya, an mba ni dap andjaf ma lara ma an ndjoyôgi woi adigama woi pet, wani agiya, an mba ni dabagi woi d’i. An mba ni aragi hawa bei ngopa d’i, wani an mba ni ngobogi ni ki lovod’od’u.

Wana ni mbaktumba hi Oze-d’a 12:1

Suma Efraim-ma a nguyun kä ki zla d’a kad’a, andjaf suma Israel-lâ a nguyun kä ki mbut ira. Suma Juda-na a nga zlapa ki an Alona tua, a ni suma d’engzengâ avogon an Alo ma bei tchod’a ba na mi.

Wana ni mbaktumba hi Oze-d’a 14:4

Ma didina mi dala: An mba ni sut Israel-lâ woi kur sun mazi d’a ata yat tuo d’a, an mba ni tagazi o man nda gagazi d’a kazid’a, kayam ayî mana mi vat tei kazi da’.

Malatchi 3:6

Ma didin ma ad’engêm kal petna mi dala: An ni Ma didina, an nga ni mbut ti, agi Jakob groma, agi dabagi nga woi d’uo mi.

Ndumba 23:19

Alona mi nga ni sana á ka zlad’a d’i, mi nga ni sana á mbut djib’er mamba kä d’uo mi. Vama mi duma, mba mi lum mbuo zu? Vama mi de kama, mba mi ndagam vunam mbuo zu?

Gat ta a hat á mbàd’id’a 13:17

Ar agi hlagi ahle suma agi b’lagazi woina abogi d’i, kayambala Ma didina hurum vat tei kur ayî mam ma bibiliuna d’a. Le agi gagi yagi kä ad’u zlad’a hi Ma didina Alo maginid’a, le agi ngomogi vun ma he mama pet ma an hagizi inina, le agi lagi sun nda d’ingêra avok Ma didina Alo magina ni, mam mba mi wagi hohowogiya, mba mi zulugi ablaud’a d’igi mam hle vunam mabuyogi ngolo na mi.

1 Samuel 26:8

Abisai mi de mi David ala: Alona mi hang ini mang ma djangûna abongû. Aran an tchogom kasap mamba; ni b’alamzi kä woi andaga kabon ma tuna bei ni tchogom yan á mbàd’a ba!