Hebre-na 9:11 - Bible azumeina

¹¹ Wani Christ mi mba d’igi ma ngol ma ngat buzuna hahle suma djivi suma a mba wa da na na. Zlub’u d’a mam nga mi le sun mam mba djivi d’a kal teglesa kuad’a, ni d’a bei sana mi minit kabomba, nala, ni vama yam andagad’a ka hina d’i.

Hebre-na 9:11 Iomraidhean Croise

Ad’u Tinda 49:10

Juda, totogo d’a amula mba d’i prut abong ngi; totogo d’a te leud’a mba d’i wal ki sed’eng nguo mi, gak mbad’a hi Sala totogo ndata. Ni ma suma a mba ge yazi kä avoroma.

Sawal la giled’a 40:7

Ang tang nga lang djivid’a yam vama ngat buzuna ki he d’a hawad’a hi d’uwarîd’a d’i, wani ang malan human ndei á hum zla manga. Ang min nga vama ngat buzu ma ngala, d’oze vama ngat buzu ma zlup yam tchod’a woina d’uo mi.

Isai 59:20

Ma didina mi dala: Ma wurak yam suma nga mi djï kur Siyon yam suma hi Jakob suma a ar tcho mazid’a woina.

Jeremi 33:8

An mba ni mbud’uzi woi yed’et kur tcho mazi d’a pet ta azi lat avoronda, an mba ni vat hurun ndei yam tcho mazi d’a azi lat avoron a son vunan ndeid’a mi.

Malatchi 3:1

Ma didin ma ad’engêm kal petna mi dala: Agi gologiya! An mba ni sunï man ma sunda; mba mi min lovota avoronu. Ata yi máma na wat Salad’a ma agi nga halama, mba mi kal kur gong mam mba kud’ora; gola! Sama an sunumî yam vun ma djinda ma agi minima nga mi djïya.

Matiye 11:3

á djobom ala: Angî ma nga mbana, d’oze ami djubumi ni sama ding zu?

Matiye 2:6

Ang azì ma Betelehem ma yam ambas sa Juda-d’ina, ang nga gogora aduk azì ma Juda-na d’i, kayam ma te yamba mba mi ndeï ni kurungû, mba mi pol man suma Israel-lâ.

Marik 14:58

Ami humumi mi dala: An mba ni to gong nga kud’ora hAlonid’a d’a suma a minit kabozid’a woyo, wani bugol kur bur ma hindina an mba ni min nda ding nga bei sana mi minit kabombid’a akulo.

Jean 1:14

Zla ndata ti mbut sana, ti kak adigamiya. Ti nga oîd’a ki sumad’a ki gagazid’a. Ami wami subura hi Gor ma tu gid’eng máma d’a Abum humzid’a.

Jean 4:25

Atcha ndata ti dum ala: An wala Mesi nga mi mba, ni ma a yum ala Christ-sâ. Fata mi mba wa ni, mba mi dami ad’u ahlena pet.

Sunda hi suma a sunuzinid’a 7:48

Wani Alo ma sä akulo ma kal teglesâ nga mi kak kur gong nga sana minit kabomba d’i. Ni d’igi ma djok vun Alona mi de na ala:

2 Korente-na 4:18

Kayam ami nga tinimi irami ni yam vama suma a nga wum ki irazina d’i, wani ami nga tinimi irami ni yam vama suma bei wum ki irazina. Kayam vama suma a wuma ni vama kak didina d’i, wani vama suma bei wuma ni vama kak gak didina.

2 Korente-na 5:1

Ami wami ala le zlub’u mami d’a yam andaga d’a ka hid’a ti b’lak keyo ni, Alona nga mi ngomomi yami ma kak ma sä akulona, ni ma mam tam minima, ni ma mba mi kak didina, ni ma sa mi minima d’i.

Kolos-sâ 2:11

A ngad’agi bayâgid’a á tinigi zlapa tu ki Christ. Nga ni bayâ d’a suma a ngad’ata d’i, wani ni ngat ta Christ mi ngad’agizid’a. Mi pad’agi woi kur ad’enga hi djib’er magi d’a tchod’id’a.

Hebre-na 10:1

Gata hi Juif-fîd’a nangus ahle suma djivi suma a nga mbana, nga nahle ndazina tazi d’a gagazid’a d’i. Hina, ahle suma ngat buzu suma a nga hazi bizad’a ki bizad’a yam gat ndatina a ndak á mbut suma a hut go gen Alonina memet ti.

Hebre-na 12:27

Zla d’a ala: Ar kua yan tu d’a, ti tagei nala ahle suma a lazina a mba giged’a, a mba kal leyo, kayam vama bei gigeta ba na, mi ar kaka.

Hebre-na 13:14

Kayam ei nga kazì ma ngol ma didina ka hî d’i, wani ei halei nazì ma ngol ma nga mi mbana.

Hebre-na 2:17

Kayam ndata, mbeî mi mbut tamî d’igi b’oziyoma na kur ahlena pet, kayam mi mbut mazi ma ngol ma ngat buzu ma d’engzeng ma we hohowa suma kur sun mamba avok Alona, kayam Alona mi vat hurum mbei yam tchod’a hi sumid’a.

Hebre-na 3:1

Kayam ndata, agi b’oziyon kretiyê suma Alona yagina, agi tinigi iragi yam Jesus ma Alona sunumï á mbut Ma ngol ma ngat buzuna yam he gagazi d’a ei nga dei woi kata.

Hebre-na 4:15

Kayam ngol mei ma ngat buzu máma ni ma ndak á hat hurum yam amangeî meid’a d’uo na d’i, kayam a kugum kur ahlena pet d’igi ei na, wani mi le nga tcho d’i.

Hebre-na 7:1

Kayam Melkisedek máma namul ma Salem-ma, ni ma ngat buzuna mAlo ma kal teglesâ. Kid’a Abraham nga mi hulong avo bugol kus sa mi kus yam amuleinid’a, Melkisedek mi ngavam mi b’e vunam kamu.

1 Jean 5:20

Ei wei ala Alona Goroma mi mba wa da’, mi hei wa ned’a á wei Alo ma gagazina. Ei nga zlapa tu kAlo ma gagazi máma ni yam Goroma Jesus Christ. Mam nAlo ma gagazina, mam nari d’a didinda mi.

2 Jean 1:7

Suma ka zlad’a ablaud’a a b’rau wa woi kur duniyad’a; ni suma a nga de woi ala: Jesus Christ mi mbut nga sana d’uo na. Sama hina na ni ma ka zlad’a, ni ma djangûna hi Christ-sâ mi.