Hebre-na 8:5 - Bible azumeina

⁵ Kayam suma a nga le sunda hahle ndazinina, ni vama taka yam angus vama akulona. Ata yima Moise mi nga mi min á ve zlub’ud’ina, Alona mi dum ala: Ang gol tang djivi ang lahle ndazina pet dedege d’igi an tagangzï akulo yam ahinad’a na.

Hebre-na 8:5 Iomraidhean Croise

1 Sunda Hamuleinid’a 28:12

Mi hum nga d’a mam ngat kurumba pet hi gulumuna hi gong nga kud’ora hi Ma didinid’a ki hur gongîyo suma nguyut suma kazi irazi vazi á ngom ahle suma kur gonga hAlonid’ina ki gong nga ngom ahle suma ndjondjoî suma a tinizi irazi vazi mAlona kuad’a.

1 Sunda Hamuleinid’a 28:19

David mi dala: Ma didina mi tagan nga d’a pet ta mam b’irindji kabomba tala an le sunda yam nga d’a mam ngata d’a.

Buzuk ka Abud’a 25:40

Moise, ang gol tang djiviya, ang i lahle ndazina dedege d’igi an tagangzï akulo yam ahinad’a ka hî na.

Buzuk ka Abud’a 25:9

Agi lagizi kahle suma a le ki sunda kurutna pet d’igi an nga ni tagagizi na.

Buzuk ka Abud’a 26:30

Moise, ang ve zlub’u ndata akulo d’igi an tagangzi ka hî yam ahinad’a na.

Buzuk ka Abud’a 27:8

Agi lagi yima ngal ahle suma ngat buzuna ni kagu ma bebed’ena, agi aram hurum zula kä hawa, agi lumî d’igi an tagangzi yam ahinad’a kä na.

Ndumba 8:4

Aguwat máma a lumî ki lor ra a bed’eta, ei asem kä dei i ata abom ma gahl ma tetengâ. A lumî d’igi Ma didina mi tagam mi Moise na.

Matiye 2:12

Wani Alona mi tagazi kur adïd’a ala ar azi hulong gen Herot ti. Kayam ndata, a i yam andaga mazid’a ki lovot ta dinga.

Sunda hi suma a sunuzinid’a 7:44

Abuyoi ngolo a nga ki zlub’ud’a á le glangâsâ yam Alona hur fulâ. Azi minit ni d’igi Alona mi de mi Moise na ala: Ang le dedege d’igi vama ang wuma na.

Kolos-sâ 2:17

Ahle ndazina nangus ahle suma djivi suma a nga mbana, wani tazi tata ni Christ.

Hebre-na 10:1

Gata hi Juif-fîd’a nangus ahle suma djivi suma a nga mbana, nga nahle ndazina tazi d’a gagazid’a d’i. Hina, ahle suma ngat buzu suma a nga hazi bizad’a ki bizad’a yam gat ndatina a ndak á mbut suma a hut go gen Alonina memet ti.

Hebre-na 11:7

Ni yam he gagazid’a ba, Noe mi hum zla d’a Alona mi dum yam vama suma a wum nga d’uo tua na. Noe mi ge yam kä avok Alona, mi min batod’a á sut suma avo hatama. Ni hina ba, mi ka sariya d’a matna yam suma yam andagad’ina. Alona mi mbud’um sama d’ingêrâ yam he gagazi mamba.

Hebre-na 12:25

Agi gologi tagi djiviya, ar agi noyôgi mam ma nga mi dagi zlad’ina d’i. Kayam le suma a noî mam ma nga mi gigid’ezi yam andagad’a ka hina a prut nga woi d’uo, le ei nga humî gigeta hi mam Ma akulona d’uo mi ni, ei mba prud’i woi ni nana ge?

Hebre-na 13:10

Ei nga ki yima ngal ahle suma ngat buzuna ma suma ngat buzu suma a nga le sunda kur zlub’ud’ina a ndak á te kua d’uo na.

Hebre-na 9:9

Wana ni vama taka yam atchogoi d’a tchetchem wanda. Nala, suma a nga he he d’a hawad’a kahle suma ngat buzuna mAlona, wani ahle ndazina a ndak á mbut sama kud’or Alonina memet ki djib’er ra kurum krovod’a d’i.

Josue 22:28

Ami dami ala: Le a mba de zla d’a hina d’a avin mi ami d’oze mandjavamiya ni, ami mba hulongôzi ded’a ala: Agi gologi yima ngal ahle suma ngat buzuna hi Ma didina ma abuyomi a minima ba wana. Wani nga ná hahle suma ngat buzu suma ngala d’oze ahle suma ngat buzuna kam mbi. Wani ni vama glangâsâ adigami ki agiya.

Vama ndum mbeina 15:5

Bugol ahle ndazina, an we vun gong nga kud’ora hAlona d’a akulod’a ti mal leyo, zlub’u d’a glangâsa hAlonid’a ti nga kua.