Hebre-na 7:9 - Bible azumeina

⁹ Ndak á ded’a hina ala Levi tam ma ve vun ahle suma dodogona abo sumina, mi he vun ahle suma dodogona d’igi Abraham mi he na mi.

Hebre-na 7:9 Iomraidhean Croise

Ad’u Tinda 14:20

Ei suburi Alo ma sä akulo ma kal tegles ma hang mang suma djangûna abongâ. Abram mi hum vun ahlena pet suma mam hurumuzï ata yima ayînina, nala, dogo mam pad’am tu, dogo mam pad’am tu.

Matiye 7:8

Kayam nge nge pî ma nga mi tchena, Alona mba mi humu; sama nga mi halâ, mba mi fe; sama nga mi dap vun gongina, a mba malamziya.

Romê-na 5:12

Tchod’a ti mba kur duniyad’a ni yam sama tuna, nala, Adam. Tcho mamba ti mba ki matna, gak matna ndja abom mbei yam suma pet, kayam suma pet a le tchod’a.

Gat ta a hat á mbàd’id’a 26:12

Moise mi de kua ala: Le biza d’a hindi d’a le dima ndak wa ni, agi pad’agi vun ahle magina dima pepet, agi hazi mi ma hi Levi-na kangeina ki ma hokuyod’a katcha d’a modonod’a. A tumu, a le furîd’a ki sed’egi avun aziyagi mi.

Hebre-na 7:10

Wani ata yima Levi mi nga kur abum ngolo bei vuta tua na, Melkisedek mi ngaf ki Abraham.

Hebre-na 7:4

Agi gologi ngola hi sa mámid’a. Ni ma abui ngolo Abraham mi pad’am vun ahle suma dodogo suma mi hurumuzï ata yima ayînina.

Hebre-na 7:8

Suma hi Levi suma a nga ve vun ahle suma dodogona abo sumina, ni suma a nga ad’u ad’enga hi matnina. Wani d’igi mbaktumba hAlonid’a ti de na ala Melkisedek ma ve vun ahle suma dodogonina ni ma a nga le glangâsâ kam ala ni ma bei matna na.