Hebre-na 7:3 - Bible azumeina

³ Mam mi ma abum nga d’i, asum nga d’i, ad’u andjavam nga d’i, bur mam ma vuta nga d’i, nga mi mit tuo mi na. Mi hle tamî d’igi Alona Goroma na, mam mi Ma ngat buzuna gak didin.

Hebre-na 7:3 Iomraidhean Croise

Buzuk ka Abud’a 6:18

Kehat groma ba wana: Amram, Isar, Hebron ki Uziyel. Kehat mi le bizad’a ni kis yam dok hindi yam hindi, mi mid’a.

Ndumba 1:18

A tok ablau suma pet kur bur ma avo’â hi til ma mbànina, a b’irizi nad’u adezezi ad’u andjavaziya, a ndumuzi simiyêzi gagang tin ad’ud’a ata suma bizazi dok mbà dok mbàna ki suma bizazi kal dok mbà dok mbàna mi.

Matiye 4:3

Diable mi mba atamu, mi dum ala: Ang le nAlona Goroma ni, ang he vuna mahuniyô suma wana a mbut avuna.

Hebre-na 4:14

Ei nga ki ma ngol ma kal ma ngat buzu ma kal sä akulo avok Alonina. Ni Jesus, Alona Goroma. Kayam ndata, ar ei vei he gagazi meid’a ad’eng ngingring.

Hebre-na 7:1

Kayam Melkisedek máma namul ma Salem-ma, ni ma ngat buzuna mAlo ma kal teglesâ. Kid’a Abraham nga mi hulong avo bugol kus sa mi kus yam amuleinid’a, Melkisedek mi ngavam mi b’e vunam kamu.

Hebre-na 7:17

Kayam Alona mi de woi kam kur mbaktum mamba ala: Angî ma ngat buzuna gak didin d’igi Melkisedek na.

Hebre-na 7:2

Abraham mi pad’am vun ahlena tutu pet, nala, dogo mam hum tu, dogo mam hum tu. Melkisedek, ad’u simiyêm nala Amul ma d’ingêrâ; kal pet mam namul ma Salem-ma, nala Amul ma b’leng nga halasa.

Hebre-na 7:6

Wani Melkisedek ma ala nandjavazi d’uo na, mi ve vun ahle suma dodogona abo Abraham ma Alona hlum vunama, mi b’e vunam kam mi.