Hebre-na 7:11 - Bible azumeina

¹¹ Sun nda ngat buzuna d’a a hat mi suma hi Levi-nid’a, nad’u tinda hi gat ta Alona mi hat Israel-lîd’a. Wani ladjï sun mazi d’a ngat buzuna ti nda’î memed’u ni, ni kayam me ba, a hal ma ngat buzu ma ding ma d’igi Melkisedek na ba, nga d’igi Aron na d’uo ge?

Hebre-na 7:11 Iomraidhean Croise

Galat-na 2:21

An nga ni mbut sumad’a hAlonid’a vama hawana d’i. Le sana mi mbut d’ingêr avok Alona ni yam sunda hi gat ta mi lata ni, matna hi Christ-sâ ni hawa.

Galat-na 4:3

Ei ni hina mi. Kid’a ei ni gugureina tua d’a, ei ni magumeina hahle suma yam andagad’ina.

Galat-na 4:9

Wani ki tchetchemba, agi wagi wa Alona, kal pet Alona mi wagi mi. Ni nana ba, agi dok hulongôgi ata hat ta adjeu d’a amangeî d’a hohoud’a d’ei ge? Agi min mbud’ugi magumei mazina d’ei zu?

Hebre-na 5:10

Ata yi máma, Alona mi yum ala mam mi Ma ngol ma ngat buzuna d’igi Melkisedek na.

Hebre-na 5:6

Mi de kua ala: Angî ma ngat buzuna gak didin d’igi Melkisedek na.

Hebre-na 6:20

Ni yima Jesus mi kal kua avok kei á ndjunina, kayam mi mbut Ma ngol ma ngat buzuna gak didin d’igi Melkisedek na.

Hebre-na 7:10

Wani ata yima Levi mi nga kur abum ngolo bei vuta tua na, Melkisedek mi ngaf ki Abraham.

Hebre-na 7:12

Wani le a mbut sunda hi suma ngat buzunid’a kä ni, mbeî a mbut gata kä mi.

Hebre-na 7:13

Wani Salei ma a de zla ndata kama mi nad’u andjaf ma dingâ. Sa tu ad’u andjavam mi le nga sun nda ngat buzuna avok Alona d’i.

Hebre-na 7:15

Kayam ei wei tetet ala ma ngat buzu ma dingâ mi nde tam mbei pid’ak mi hle tam d’igi Melkisedek na.

Hebre-na 7:21

Wani suma hi Levi-na a mbut suma ngat buzuna bei gun tad’a. Wani Jesus mi mbut ma ngat buzuna ni yam gun tad’a ata yima Alona mi de woi kam ala: An Ma didina ni gun tanu, nga ni djok vunan ndi: Ang mba mbut ma ngat buzuna gak didina.

Hebre-na 8:7

Ladjï vun ma djin ma avo’â mi ni bei tchod’a ni, mi nga mba ki ma mbàna d’uo d’a.

Hebre-na 9:6

Ata yima a min ahlena petna, suma ngat buzuna a nga kal kur zlub’u d’a avoka burâ ki burâ á le sun mazid’a.