Hebre-na 5:2 - Bible azumeina

² Mam tamba nga mi we hohowa suma bei wed’a ki suma vit teina, kayam mam tamba ni ma amangeîna.

Hebre-na 5:2 Iomraidhean Croise

Buzuk ka Abud’a 32:8

A d’es wa woi atogo zak kur lovot ta an tagazizid’a, a yor wa gor amuhlâ, a grif wa kä avoromu, a hum wa ahle suma ngat buzuna, a dala: Gol alo mei ma pad’eï woi kur ambas sa Ezipte-d’ina ba wana!

Isai 29:24

Suma djib’er mazid’a vit teina a mba humunu, suma a nga gureîna a mba he tazi á hata mi.

Isai 30:11

A ni suma a nga dazi ala: Agi d’ezegi woi kur lovota, agi walagi woi ki lovot ta gureid’a, agi hud’ugi sä woi ki Ma tin tam irat vat yam Israel-lîna hina dei avoromiya na.

Wana ni Zla d’a Djivi d’a Luc mi b’irita 22:32

wani an tchen wa Alona kangû, kayam he gagazi manga kid’ak ki. Wani ata yima ang hulong kur lovot mangina, ar ang sira b’oziyongâ.

2 Korente-na 11:30

Le an subur tan mbeyû ni, ar an subur tan ni yam ahle suma a tak amangeî manda woina.

2 Korente-na 12:5

Ni kayam sa máma ba, an mba ni subur tanu. Wani an mba ni subur tan yam tan ndi. Wani an mba ni subur tan ni yam amangeî manda.

Galat-na 4:13

Agi wagiya, ata yima an tchagi wal Zla d’a Djivid’a avo’â, an ni ki tugud’eid’a.

Efes-sâ 4:18

Djib’er mazid’a ti mbut nduvunda, azi wal lei dei kari d’a Alona mi hat mi sumid’a, yam vit mazid’a, yam hur mazi ma b’ala mi.

1 Timote 1:13

Adjeu an ni ma las Alona, ni ma djop vun suma, ni ma ngul suma mi. Wani Alona mi wan hohowonu, kayam an le hina ni bei wed’a, bei he gagazid’a mi.

Hebre-na 12:13

Agi tid’igi kur lovot ta djivi d’a d’ingêra, kayam asegi ma dileîd’a mi hulongeî d’i, wani mi sira ni sira.

Hebre-na 2:17

Kayam ndata, mbeî mi mbut tamî d’igi b’oziyoma na kur ahlena pet, kayam mi mbut mazi ma ngol ma ngat buzu ma d’engzeng ma we hohowa suma kur sun mamba avok Alona, kayam Alona mi vat hurum mbei yam tchod’a hi sumid’a.

Hebre-na 2:18

Wani ki tchetchemba, mi ndak á ndjun suma Seitan nga mi kuguzina, kayam a kugum mam tamba avok ata yima mi fe ndakina.

Hebre-na 4:15

Kayam ngol mei ma ngat buzu máma ni ma ndak á hat hurum yam amangeî meid’a d’uo na d’i, kayam a kugum kur ahlena pet d’igi ei na, wani mi le nga tcho d’i.

Hebre-na 7:28

Kayam gata hi Moise-sa ti tin suma amangeîna suma nglona hi suma ngat buzunina. Wani gun nda Alona mi gun tam bugol gatid’a, ti tin Gorâ ngol ma ngat buzu ma ndak memetna gak didin.

Hebre-na 9:7

Wani ni ma ngol ma ngat buzuna hol ba, mi kal kur zlub’u d’a mbàd’a yam tu kur bizad’a. Mi kalî ki buzu ma mam ngad’am yam tcho mambina, yam tchod’a hi suma d’a a lat kur vitid’a mi.

Jacques 5:19

B’oziyona, le sama ding adigagi wal lei ki gagazid’a, le sama ding hulongômïya ni,

1 Pierre 2:25

Kayam adjeu agi ni d’igi tumiyô suma a vit teina na, wani ki tchetchemba, agi hulongôgi wa gen Ma pol ma ngomogina.

Suma ka sariyad’a 2:17

Hina pet pî, azi nga hum vun mazi suma a nga avorozina d’i. Kayam azi mbut tazi gaulangâ kalo ma dingâ teteng, a nga grif kä avoromu, a d’es sei atogo zak kur lovot ta abuyozi ngolo suma a ge yazi kä ad’u vun ma hed’a hi Ma didinina a tit kura, a le ni sun nda dinga vaziya.