Hebre-na 4:15 - Bible azumeina

¹⁵ Kayam ngol mei ma ngat buzu máma ni ma ndak á hat hurum yam amangeî meid’a d’uo na d’i, kayam a kugum kur ahlena pet d’igi ei na, wani mi le nga tcho d’i.

Hebre-na 4:15 Iomraidhean Croise

Buzuk ka Abud’a 23:9

Agi lagi angeina ndaka d’i, kayam agi tagi pî wagi kaka hangeinid’a, kayam agi tagi kagagï angoyogeina yam ambas sa Ezipte-d’a mi.

Isai 53:9

A kam zulumî aduk suma asa’atna, wani a tozomî ki suma ndjondjoîna. Hina pet pî, mi le nga sa tcho d’i, a fe nga zla d’a kad’a avunam mbuo mi.

Wana ni mbaktumba hi Oze-d’a 11:8

Agi suma Efraim-ma, an ndak á aragi woi zu? Agi Israel-lâ, an ndak á noyôgi woi zu? An ndak á le ki sed’egi d’igi an le ki Atma ki Seboyim na zu? Hurun mi b’lak yam zla ndata, hurun mi zal ngola mi.

Matiye 12:20

Mba mi kus tchereu ma lá kusina woi d’i; miyâ d’a nga d’i d’usa, mba mi tchat tei d’i. Mi mba mi le hina gak d’ingêra mba d’i te yam andagad’a.

Matiye 4:1

Ata yi máma, Muzu’â hAlonina mi i Jesus hur fulâ, kayam diable mi kugumu.

Wana ni Zla d’a Djivi d’a Luc mi b’irita 22:28

Wani agi suma vagi tagi ki an kur kuk mandina,

Wana ni Zla d’a Djivi d’a Luc mi b’irita 4:2

Mi le burâ dok fid’i kua, Diable nga mi kugum mi. Kur bur máma pet mi te nga va d’i. Kid’a bur máma dapa, meid’a nde d’i tchumu.

Jean 8:46

Ni nge adigagi ba, mi van ki zla d’a yam tcho d’a an lata ge? Le an nga ni de ni zla d’a gagazid’a ni, ni kayam me ba, agi hagi gagazid’a kan nduo ge?

Romê-na 8:3

Alona mi le vama gata hi Moise-sa ti ndak á lum mbuo na, kayam hliwi ma tchona mi mbud’ut amangeîd’a. Kayam ndata, Alona mi ka sariyad’a yam tchod’a yam sa mei ma adjeuna ata yima mi sunï Gorom ma mi hle tam dedege d’igi sama tchona na á pat tchod’a woina.

2 Korente-na 5:21

Christ ni sama bei tchod’a ba na, wani Alona mi mbud’um tchod’a keya, kayam ei mbud’i suma d’ingêrâ avorom zlapa tu ki mamu.

Hebre-na 4:14

Ei nga ki ma ngol ma kal ma ngat buzu ma kal sä akulo avok Alonina. Ni Jesus, Alona Goroma. Kayam ndata, ar ei vei he gagazi meid’a ad’eng ngingring.

Hebre-na 5:2

Mam tamba nga mi we hohowa suma bei wed’a ki suma vit teina, kayam mam tamba ni ma amangeîna.

Hebre-na 7:26

Jesus ni Ma ngol ma ngat buzu ma ndak memet keina, ni Ma d’ingêrâ, ni Ma bei zlad’a kama, ni Ma bei le tchod’a ba na. Alona mi walam mbei ki suma le tchod’a, mi hlum sä kur akulod’a gevemu.

Hebre-na 9:28

Hina mi, Christ mi he tam vama ngat buzuna yam tu á yo tchod’a hi suma ablaud’a woyo. Mam mba mi hulongî yam á mbàd’a ná yo tchod’a d’uo d’a, wani ná sut suma a nga djubuma.

1 Pierre 2:22

Mam le nga tchod’a d’uo, a hum nga zla d’a kad’a avunam mbuo mi.

1 Jean 3:5

Agi wagi ala Jesus Christ mi nde tam mbei ná hle tchod’a hi sumid’a woyo. Tchod’a nga kurum mbi.