Hebre-na 3:13 - Bible azumeina

¹³ Wani agi gigid’egi tagi teteu d’igi mbaktumba hAlonid’a ti de na ala: Ini ar sa adigagi tchod’a lobom á b’al hurum mbi.

Hebre-na 3:13 Iomraidhean Croise

Zla d’a d’ogolâ 28:26

Sama mi tin hurum yam mam tam gona ni sama lilid’a, wani sama nga mi tit ki ned’ina mba mi kak ki halasa.

Isai 44:20

Mi tin hurumî yam butna, djib’er mam mba kurumba vid’im mbeyo. Mi ndak á prut tam mbei d’i, nga mi de d’ala vama abon wana ni vama hawa ya’â d’uo zi ge d’a d’uo mi.

Abdiyas 1:3

Yam mba ad’eng magid’a ti vid’igi wa woyo. Agi suma nga kak aduk ahuniyôna ata yima sana ndak á lagi va kua d’uo na, agi nga dagi ala: Ni nge ba, mba mi digimi woi kua ge?

Sunda hi suma a sunuzinid’a 11:23

Kid’a mi mbaza kua mi we ni nana ba, Alona mi b’e vunam kazi ge d’a, mi le furîd’a. Mi gigid’ezi ala a ka’î suma d’engzengâ ki hur ma tuna yam Salad’a.

Romê-na 7:11

Ni kayam vun ma hed’a ba, tchod’a ti fe lovota á lobonu. Ni yam vun ma he máma ba, tchod’a ti tchan ndei mi.

Efes-sâ 4:22

Kayam ndata, ar agi fogogi sama adjeuna woi ki sun mam mba led’a. Sama nga kurugi adjeuna, ni ma nga mi lobogi á igi kur b’lakina.

1 Tasaloni’â 2:11

Agi wagi ala ami lami ki nge nge pî adigagi d’igi abud’a nga mi le ki groma na.

1 Tasaloni’â 4:18

Kayam ndata, ar agi b’lengêgi hur tagi ki zla ndata.

1 Tasaloni’â 5:11

Kayam ndata, ar agi gigid’egi tagiya, agi minigi tagi akulo d’igi agi nga lagi na.

2 Timote 4:2

Kayam ndata, ang tchi wal zlad’a hAlonid’a, ang ve tang kua kur yima djivina, d’oze ata yima tchona. Ang vazi ki zlad’a, ang ngobozi yam tcho mazid’a, ang gigid’ezi ki ve tad’a kur hata pet mi.

Hebre-na 13:22

Wani b’oziyona, an nga ni tchenegiya, agi humugi zla d’a giget ndata ki ve tad’a, kayam zla d’a an b’irigizid’a ti nga fiyak ki.

Jacques 1:14

Wani sama lara pî, ata yima d’od’oka hi hliwimba ti kal kama, djib’er mam mba tchod’a ti vum ki dauna.