Hebre-na 3:12 - Bible azumeina

¹² B’oziyona, agi gologi tagi djiviya, ar sa adigagi mi kak ki hur ma tcho ma bei he gagazid’a á wal lei kAlo ma arina d’i.

Hebre-na 3:12 Iomraidhean Croise

Ad’u Tinda 8:21

Ata yima ahle suma ngal ndazina his mazi ma afufuîna tchuk atchin Ma didinina, mi dala: An dok ni gandagad’a vuna yam sana d’uo d’a, kayam djib’er ra kur sanid’a ni tchod’a ki gogorom dei. An dok ni tchi ahle suma arina woi pet d’igi an tchazi avok na d’uo d’a.

Wana ni mbaktumba hi Job-pa 21:14

Wani a nga de mAlona ala: Ang huttcha woi gevemi dei, ami min tid’imi yam gat manga d’i.

Wana ni mbaktumba hi Job-pa 22:17

Sum ndazina a de mAlona ala: Ang huttcha woi dei ki sed’emiya! Ma ad’engêm kal petna mi ndak á lei me ge?

Sawal la giled’a 18:21

Ma didina mi lan djivid’a ni yam d’ingêr manda, mi hulong lan djivid’a ni kayamba abon do nga vama tcho d’uo d’a.

Zla d’a d’ogolâ 1:32

Kayam vita hi suma bei wäd’u zlad’a ba na nga d’i tchaziya, bei djib’era hi suma lilid’id’a nga d’i bazi woi mi.

Isai 59:13

Ami lami tchod’a avorongû, ami mbud’ung irangû, ami walami woi dei ki ang Alo mamina, ami dami ni zla d’a asa’ata, ami ni suma so vuna, ami dami ni zla d’a kad’a, ami ni suma guruyômi kä kurumi krovona.

Jeremi 11:8

Wani azi a humun nga vunan ndi, a tin nga humazi á humba d’uo mi. Azi pet nge nge pî mi tit ni yam djib’er mam mba yam mba ad’enga kurum krovo d’a bei wad’ud’id’a. Kayam ndata, an tinizi zlad’a hi vun ma djin ma an hazi vuna kam ala a tit kamu na kazi pet, wani azi tit nga kam mbi.

Jeremi 16:12

Agi tagid’a, agi lagi tchod’a kal abuyogi ngolo. Gola! Nge nge pî adigagi nga mi tit yam djib’er mam mba yam mba ad’eng nga kurum krovo d’a bei wad’ud’a bei humun vunan ba d’a.

Jeremi 17:5

Ma didina mi dala: Sama mi tin hurum yam sana d’oze mi deng tam yam sana mi wal lei ki an Ma didinina, an nga ni gum vuna.

Jeremi 17:9

Vama mbut ira d’igi hur sana na na nga d’i. Sana mi ndak á minim mbi, sana mi ndak á wum ad’um mbuo mi.

Jeremi 18:12

Wani a nga dala: Hawa yak! Ami tid’imi ni yam djib’er mamid’a, nge nge pî mi le ni ata djib’er ra yam mba ad’eng nga kurum krovod’a.

Jeremi 2:13

Kayam sum mana a le tchod’a yazi mbà. Nala, a aran an mala ni mbiyo ma lau ma arina na woyo, a ka golongeî suma ndak nga á ve mbina d’uo na kam kua kam kua ki tazi vazi mi.

Jeremi 3:17

Kur bur máma a mba yi Jerusalem ala Zlamba hi Ma didinid’a. Andjaf suma lara ge pet a mba tok kurut ki simiyê Ma didina, a mba tit yam djib’er mazi d’a tcho d’a a so tazi kat ngingringa d’i.

Jeremi 7:24

Azi humun nga d’i. A tin nga humazi á humba d’i, wani a tit ni yam min mazina, yam djib’er mazi d’a yam mba ad’eng nga tcho d’a kuruzi krovod’a mi. A ar zla d’a a mbut irazi iranda ta, a hanï azigazi zang.

Ezekiyel 14:5

Hina wani, zlad’a mba d’i ve Israel suma a wal ki sed’en yam filei mazi ma tetengâ kuruzi krovo.

Wana ni mbaktumba hi Oze-d’a 1:2

Wana ni zla d’a Ma didina mi dat avok mi Oze-d’a: Mi dum ala: Ang i veï atcha d’a nga d’i le gaulangîd’a. Gro suma ang mba vud’uzi ki sed’etna a mba le ni gaulangâ hina mi. Kayam suma kur ambasina a he tazi á le gaulangâ, a hazigazi mi an Ma didina.

Matiye 16:16

Simon Pierre mi hulong dum ala: Angî Mesi máma, Alo ma arina Goroma.

Matiye 24:4

Jesus mi hulong dazi ala: Agi gologi tagi djiviya, ar sa mi vid’igi woi d’i.

Marik 13:23

Wani agi gologi tagi djiviya, an dagi ahlena woi pet da’.

Marik 13:33

Agi gologi tagi djiviya, agi kagagi ki ndjola, agi tchenegi mi, kayam agi wagi nga yima bur máma mba mi mba kuana d’i.

Marik 13:9

Wani agiya, agi gologi tagi djiviya. Kayam suma a mba hagi abo suma b’ak zlad’a, a mba togi ki blafâ kur gongîyo mazi suma toka. Agi mba tchologi avok suma te yamba azi kamuleina yam an á le glangâsâ avorozi mi.

Wana ni Zla d’a Djivi d’a Luc mi b’irita 21:8

Jesus mi dazi ala: Agi gologi tagi djiviya, ar sa mi vid’igi woi d’i. Kayam ablau suma a mba mba ki simiyênu, a mba dala: An ni Mesi máma, yi máma mi mba wa da’. Wani agi igi ad’uzi d’i.

Romê-na 11:21

Le Alona mi ar nga Juif suma nabo agu ma gagazina d’uo ni, mam mba mi arang ang nguo mi.

1 Korente-na 10:12

Kayam ndata, le sa mi djib’er ala mi ni tchola ni, mi gol tam djiviya ar mi puk kä d’i.

Kolos-sâ 2:8

Agi gologi tagi djiviya, ar sa yogi ad’um ki hat mam mba ne d’a hawa yaka d’i. Hat ndata ni hata hi suma ki muzuk ma tcho ma te yam andagad’ina, nga ni zla d’a tcholï avun Christ-sa d’i.

1 Tasaloni’â 1:9

Kayam azi tazi ki yazi a nga de zla ve d’a agi vami adigagid’a, ni nana ba, agi aragi fileina woi agi mbud’ugi hurugi mAlona á lagi sunda mAlo ma ari ma gagazina,

Hebre-na 10:31

Ni vama mandar ma ngolâ á ndabo Alo ma arina.

Hebre-na 10:38

Sa man ma d’ingêrâ mba mi kak karid’a ni yam he gagazid’a. Wani le mi hulong bugolo ni, tan mba d’i lan djivid’a kam mbi.

Hebre-na 12:15

Agi gologi tagi djiviya, sa mi kid’ak kei ata sumad’a hAlonid’a d’i. Ar sa mi tchol adigagi d’igi agu ma aglarâ na á djok suma ablaud’a ki tcho mamba d’i.

Hebre-na 12:22

Wani agi mbagi go ata ahina d’a Siyon-nda, nazina hAlo ma arina, ni Jerusalem mba akulod’a, ni yima malaika suma bubupma a nga kuana.

Hebre-na 12:25

Agi gologi tagi djiviya, ar agi noyôgi mam ma nga mi dagi zlad’ina d’i. Kayam le suma a noî mam ma nga mi gigid’ezi yam andagad’a ka hina a prut nga woi d’uo, le ei nga humî gigeta hi mam Ma akulona d’uo mi ni, ei mba prud’i woi ni nana ge?

Hebre-na 3:1

Kayam ndata, agi b’oziyon kretiyê suma Alona yagina, agi tinigi iragi yam Jesus ma Alona sunumï á mbut Ma ngol ma ngat buzuna yam he gagazi d’a ei nga dei woi kata.

Hebre-na 3:10

Kayam ndata, hurun zal ngola yam sum ndazina. An dazi ala: Azi nga vit tei burâ ki burâ kur djib’er mazid’a, a we nga lovot manda yazi tu d’i.

Hebre-na 3:19

Kayam ei wei ala azi ndak á kal kua d’i, kayam azi he nga gagazid’a kam mbi.

Hebre-na 9:14

buzuna hi Christ ma he tam mAlona bei ndala yam minda hi Muzuk ma gak didinina, mi ndak á mbuzi djib’er ra kurid’a hi sun nda hawa yaka woi á le sunda mAlo ma arina kal luo zu?