Hebre-na 2:4 - Bible azumeina

⁴ Ata yi máma, Alona tamba mi le glangâsâ zlapa ki sed’ezi kahle suma simata kahle suma atchapma kahle suma ndandalâ teteng, yam he d’a hawad’a hi Muzuk mam ma bei tchod’a ba na d’a mi b’rawat mi suma yam min mambid’a.

Hebre-na 2:4 Iomraidhean Croise

Daniel 4:35

Suma a nga kaka yam andagad’ina pet mi golozi ni d’igi vama hawana na. Nga mi le kahle suma akulona kahle suma yam andagad’ina d’igi hurum min na. Sama d’elem á le va nga d’i, sama mi ndak á djobom ala: Ang le ni me na ge na nga d’uo mi.

Marik 16:20

Hina, mam suma hata a buzuk i ata yina pet, a tchi wal Zla d’a Djivid’a. Salad’a nga mi le sunda ki sed’eziya, nga mi tak zla ndata woi ala ni zla d’a gagazid’a kahle suma atchap suma azi nga lazina mi.]

Marik 6:14

Kur bur máma amulâ Herot mi hum zla Jesus, kayam zlam nde ata yina pet. Suma dingâ a nga dala: Ni Jean ma le suma batemba ba, mi tchol akulo aduk suma matna. Ni kayam ndata ba, mi nga kad’enga á lahle suma ndandalâ wana.

Jean 15:26

Ma ndjun ma an mba ni sunugizï gen Abuna, nala, Muzuk ma tak gagazid’a hAlonid’a woina, mba mi mba. Mba mi tcholï gen Abunu, mba mi le glangâsâ kanu.

Jean 4:48

Kayam ndata, Jesus mi dum ala: Le ba agi wagi ahle suma simata kahle suma atchapma d’uo ni, agi nga hagi gagazid’a d’i.

Sunda hi suma a sunuzinid’a 14:3

Paul azi ki Barnabas a le burâ ngola kur Ikoniyum. A nga tchi wal zlad’a hi Salad’id’a ki hur ma ade’esâ. Salad’a tamba nga mi le glangâsâ yam zla mam mba sumad’a ala ni gagazi. Mi hazi ad’enga á lahle suma simata kahle suma ndandalâ mi.

Sunda hi suma a sunuzinid’a 4:10

ar agi pet wagi djiviya, agi Israel-lâ pet wagi mi, ni kad’enga hi simiyê Jesus ma Nazarat ma agi b’alam akulo ata aguna ma Alona mi tcholom akulo aduk suma matnina ba, sa máma mi nga tchola akulo avorogi wana.

Sunda hi suma a sunuzinid’a 5:32

Ami ni suma glangâsâ yam ahle ndazina, zlapa ki Muzuk ma bei tchod’a ba ma Alona mi hum mi suma a ge yazi kä ad’uma.

Efes-sâ 1:5

Ni yam o mamba ba, mi nga hurum avok dei á mbud’i groma zlapa tu ki Jesus Christ. Ni kur min mamba á lum tam djivid’a.

Efes-sâ 1:9

Kayam ndata, mi tagei zla d’a mudurid’a hi min mam mba mi ngat kurum avok dei á ndagat memet yam Christ-sa.

Efes-sâ 4:7

Nge nge pî Alona mi hum he d’a hawad’a d’igi Christ mi humzi na.

Hebre-na 6:4

Yam suma a we woi tetet suma a djuk he d’a hawa d’a tcholï akulod’a suma a fe b’raud’a hi Muzuk ma bei tchod’a ba