Hebre-na 2:10 - Bible azumeina

¹⁰ Kayam Alo ma lahlena pet ma ahlena pet a nga ni ved’a aboma, ni djivid’a iram á mbut Jesus sama ndak memetna yam ndak ka mi fata, á mba ki grona ablaud’a kur subur mamba. Kayam Jesus ni Salazi ma sud’uzina.

Hebre-na 2:10 Iomraidhean Croise

Ad’u Tinda 18:25

Ang nga ki djib’er ra hina d’a á tchi suma d’ingêrâ zlapa ki suma tchona d’i? D’oze suma d’ingêrâ a ndak á mbut suma tchona d’uo hina d’uo zu? Ang Ma ka sariyad’a yam suma petna, mbeî ang mba ka sariyad’a ndak á le vama d’ingêrâ d’uo zu?

Zla d’a d’ogolâ 16:4

Ma didina mi lahlena pet ni nga d’a yam va mbeî; sama asa’atna pî, mi lumî yam bur ma ndaka.

Isai 43:21

Suma an lazina a mba de woi yam subur manda.

Isai 55:4

Gola! An tinimî ma glangâsâ yam suma, ma tak lovota mi suma, ma te yam suma mi.

Wana ni mbaktumba hi Oze-d’a 8:10

Azi he he d’a hawad’a mandjaf suma hina pet pî, an mba ni togozi tchetchem. Ar ndjö, azi mba fe ndaka abo anek ka amul ma ngol ma Asiri-na mba mi tinizizi kazid’a.

Mise 2:13

An ma mba ni mal lovotina mba ni tit avorogiya, agi mba malagi lovota á i avun agre’â, agi mba buzugugi woi abua. An Ma didina amul magina mba ni tit avorogiya.

Wana ni Zla d’a Djivi d’a Luc mi b’irita 13:32

Mi dazi ala: Agi i dagi mi bayak ndata ala: Gola! An nga ni dik muzuk ma tchona, nga ni sut suma tugud’eid’a ini kavini, kur bur ma hindina an mba dap vun sun manda.

Wana ni Zla d’a Djivi d’a Luc mi b’irita 2:14

Ei suburi Alo ma sä akulona! Ar mi he b’leng nga halas mamba yam andagad’a mi suma mi le kazina.

Wana ni Zla d’a Djivi d’a Luc mi b’irita 24:26

Mbeî Mesi mi fe ndaka yam ahle ndazina tua ba, mi kal kur subur mamba d’uo zu?

Wana ni Zla d’a Djivi d’a Luc mi b’irita 24:46

Mi dazi ala: A b’ir kur mbaktumba hAlonid’a ala: Mesi mba mi fe ndaka, mba mi tchol akulo aduk suma matna kur bur ma hindina.

Jean 11:52

ni kayam andjaf máma hol li, wani á tok Alona grom suma a b’rau woi yaya’â tu.

Jean 19:30

Kid’a Jesus mi tche süm ma azlei máma dad’a, mi dala: Ahlena pet a ndak wa, mi tchok yam kä, mi duk vunamu.

Sunda hi suma a sunuzinid’a 3:15

Agi tchagi Sala arid’a, wani Alona mi tcholom akulo aduk suma matna. Ami ni suma glangâsâ yam zla ndata.

Sunda hi suma a sunuzinid’a 5:31

Alona mi hlum sä akulo ata bigam mba ndjufa á kak Amul ma sut suma, kayam mi he Israel-lâ lovota á mbut huruzi yam tcho mazid’a, kayam Alona mi vat hurum mbei yam tcho mazid’a mi.

Romê-na 11:36

Kayam ahlena pet a tcholï natamu, ahlena pet a nga ata yazi ni kayam mamu, a nga ni kayam mam tamba mi. Kayam ndata, ei suburi Alona gak didin. Amin!

Romê-na 9:23

Ni hina ba, mi min á tak subur mam mba zul heîd’a woi yam ei suma mi wei hohowei suma mi mini avok dei á suburina.

1 Korente-na 2:7

Wani an nga ni tchi wal zla d’a ne d’a mudurid’a hAlona d’a mi ngeyet tei ir sumid’a, ni d’a Alona manat avok dei bei ad’u tinda hi duniyad’a yam subur meid’id’a.

1 Korente-na 8:6

wani yam eya, Alona ni tu, nAbuya, ni Ma ahlena pet a tcholï atama; ei ni sum mama mi. Ei wei ala Salad’a ni tu mi, ni Jesus Christ, ni Ma ahlena pet a nga kama; ei nga karid’a ni yam mam mi.

2 Korente-na 3:18

Wani ei suma a yoi baru d’a ka ira woi ireina, ei nga golei subura hi Ma didinid’a, ni d’igi sana mi gol iram kur kotroma na. Muzu’â hi Ma didinina nga mi mbud’i dedege d’igi Ma didina na kur subura kam kua kam kua kala.

2 Korente-na 4:17

Ndak ka afefet ta nga d’i lami kä ndjö wanda, mba d’i mba ki subur ra ngol la didinda, kal ndak ka ka tchetchem wanda.

2 Korente-na 5:18

Ahle ndazina pet a tcholï nata Alona, mam ma mi zlabei darigïd’a ki mam yam Christ-sâ, mi hami sunda á zlap suma dingâ darigïd’a ki mam mi.

2 Korente-na 6:18

Ma didin ma ad’engêm kal petna mi dala: An mba ni ka’î Abugiya, agi mba kagagi gron suma andjofâ ki gron suma aropma mi.

Galat-na 3:26

Ni kayam he gagazid’a ba, agi pet mbud’ugi Alona groma zlapa tu ki Jesus Christ.

Efes-sâ 2:7

Mi le hina á tak suma mam mba ngol la kal papad’a woi avok suma pet ata yima nga mbana, yam djivi mam mba mi ndeizi woi yam Jesus Christ-sa.

Efes-sâ 3:10

wani ki tchetchemba, yam Toka, suma te yamba ki suma ad’eng suma sä akulona a we ne d’a tetenga hAlonid’a.

Kolos-sâ 3:4

Fata Christ ari meid’a nde woid’a, agi mba buzugugi woi zlapa tu ki mam kur subur mamba mi.

2 Timote 2:10

Kayam ndata, an ve tan ad’enga kur ahlena pet yam suma Alona mi manazina, kayam azi fe sut ta Jesus Christ nga mi hat mi sumid’a, zlapa ki subur ra didinda mi.

Hebre-na 12:2

Ei tini irei yam Jesus ma nad’u tinda hi he gagazi meid’a ma nga mi ndagat memetna. Ni ma ve tam kur ndaka ata agu ma b’alina, ni ma mi gol zulona ni va d’uo yam furî d’a sä avorombina. Ki tchetchemba, mi kak sä akulo ata bik ka ndjufa hi zlam mba amula hAlonid’a.

Hebre-na 6:20

Ni yima Jesus mi kal kua avok kei á ndjunina, kayam mi mbut Ma ngol ma ngat buzuna gak didin d’igi Melkisedek na.

Hebre-na 7:26

Jesus ni Ma ngol ma ngat buzu ma ndak memet keina, ni Ma d’ingêrâ, ni Ma bei zlad’a kama, ni Ma bei le tchod’a ba na. Alona mi walam mbei ki suma le tchod’a, mi hlum sä kur akulod’a gevemu.

Hebre-na 7:28

Kayam gata hi Moise-sa ti tin suma amangeîna suma nglona hi suma ngat buzunina. Wani gun nda Alona mi gun tam bugol gatid’a, ti tin Gorâ ngol ma ngat buzu ma ndak memetna gak didin.

1 Pierre 1:12

Alona mi tak mam suma djok vuna ala sun nda azi nga lata ni kayam azi tazid’a d’i, wani ni yam agiya. Wani ki tchetchemba, agi humugi ahle ndazina nata suma a tchagi wal Zla d’a Djivid’a yam ad’enga hi Muzuk ma bei tchod’a ba ma sunumï akulona. Malaikana pî a min ngola á wäd’u ahle ndazina mi.

1 Pierre 5:1

Ni kayam ndata, an nga ni giget nglo suma gol Toka suma a nga adigagina, an ni ndrazi ma ngolâ mi. An ni ma le glangâsâ yam ndaka hi Christ-sina. An ni ndrazina yam subur ra mba ndat teid’a mi. Wana ni vama an tchenezi kama:

1 Pierre 5:10

Wani bugol la agi fagi ndaka ndjö d’a, Alo ma sumad’a pet ma yagi yam subur mam mba didinda zlapa tu ki Christ-sâ, mba mi minigi akulo, mba mi hagi ad’enga, mba mi siragi ngingring bei gigeta ba mi.

Vama ndum mbeina 4:11

Â, Salamina Alo mamina, ang ndak á subura, á hud’a, á vad’enga mi. Kayam ahlena pet ang lazi ni angû; nata min manga ba, azi nga, azi nga karid’a mi.

Vama ndum mbeina 7:9

Bugol ahle ndazina, an wablau suma mimiyâ’â a nga toka, ni suma sana mi ndak á ndumuzi d’uo na. Azi nad’u andjaf ma yam andagad’ina pet, nad’u andjafâ hi sumina pet ki suma pet ki vun ma ded’a pet. Azi nga tchola avok zlam mba amula, avok Gor timina mi, a tchuk baru d’a fiyak ka hapa ataziya, ki hum tumura abozi mi.