Hebre-na 13:5 - Bible azumeina

⁵ Ar d’od’oka hi beged’id’a kal kagi d’i. Ar agi kagagi tchugot ki vama nga abogina, kayam Alona mi dala: An mba ni arang vang ngi, an mba ni arang ngei d’uo mi.

Hebre-na 13:5 Iomraidhean Croise

Ad’u Tinda 28:15

An nga ki sed’engû, an mba ni ngomong ata yima lara ma ang i kuana, an mba ni hulongôngî yam andaga ndata, an mba ni arang ngei d’i gak an mba ni lang ahlena pet suma an dang kazina.

Ad’u Tinda 30:31

Laban mi dum ala: An hangî me ge? Jakob mi hulong dum ala: Ang han va d’i. Le ang min zla d’a an dangzid’a ni, an mba ni polong tumiyô mangâ kua.

Ad’u Tinda 31:5

Mi dazi ala: An wabugi mi nga ki sed’en d’igi avok deid’a na d’i, wani Alona habuna mi nga ki sed’enu.

1 Amuleina 6:13

An mba ni kak kur gong nga wanda aduk Israel-lâ, an mba ni ar man suma Israel-lâ woi d’i.

1 Amuleina 8:57

Ki tchetchemba, an nga ni tchen Ma didina Alo meina mi kak ki sed’ei d’igi mi kak kabuyoi ngolo na, mi arei woi d’uo mi na, mi noyoî woi d’uo mi.

1 Sunda Hamuleinid’a 28:20

David mi de mi goroma Salomon kua ala: Ang so tangû, ang ve tang ad’enga, ang le sunda, ang le mandar ri, ar vunadigang pat tuo mi. Kayam Ma didina Alona, Alo mana, mba mi kak ki sed’engû, mba mi arang ngei d’i, mba mi wal lei ki sed’eng nguo mi, gak ang mba dap suna gong mamba pet.

Sawal la giled’a 10:3

Sama asa’atna nga mi subur tam yam tamu, sama hal ahlena hi sumina nga mi ngulung ang Ma didina, nga mi golong is mi.

Sawal la giled’a 119:36

Ang tinin hurun yam ahle suma fed’a d’i, wani ang tinin hurun ni yam vun mang ma hed’a.

Sawal la giled’a 37:25

An kazongôn dei, ki tchetchemba an mbut wa mamara, wani an we Alona mi ar nga sama d’ingêrâ woi yam tu d’i, andjavam nga mi talal á hal tena d’uo mi.

Sawal la giled’a 37:28

Kayam Ma didina mi min ni d’ingêra, nga mi ar mam suma d’engzengâ woi d’i. Nga mi ngomozi burâ ki burâ, wani andjafâ hi suma asa’atnina, a mba tchazi woyo.

Buzuk ka Abud’a 2:21

Moise mi nga hurum á kaka avo hi Rewel; Rewel mi hum goromba Sefora atchad’a.

Buzuk ka Abud’a 20:17

Ar ang le d’od’oka yam vama lara pî ma hi ndrangîna d’i, nala, gong mamba, d’oze amamba, d’oze azong mama, d’oze wei mamba, d’oze amuhl mama, d’oze koro mama.

Zla d’a d’ogolâ 23:4

Ar ang kau tang á mbut sama ndjondjoîna d’i, ar ang tin djib’er manga kat tuo mi.

Isai 41:10

Agi lagi mandar ri! An nga ki sed’egiya. Agi mbud’ugi tagi hohoud’a d’i, kayam an nAlo magina, an nga ni siragiya, an nga ni mba á ndjunugiya, an nga ni ndjunugi kabon ma ndjuf ma kus ayîna.

Isai 41:17

Suma hohoud’a ki suma houd’a a nga hal mbina, a nga fum mbi. Sinazi ti so abo vun ma sod’a. An Ma didina mba ni humuziya, an Alona hi Israel-lîna mba ni arazi woi d’i.

Isai 42:16

An mba ni tit ki suma duka kur lovot ta azi wat nga d’uo d’a, an mba ni tinizi kur lovot ta gurei d’a azi wat nga yazi tu d’uo d’a, an mba ni mbut nduvunda b’od’a avoroziya, yima djodjohlâ an mba ni mbud’um yima abo tam tuna mi. An mba ni ndak vun ahle ndazina, an mba ni arazi bei led’a d’i.

Jeremi 6:13

Kayam tin ad’ud’a ata gugureina dei gak mba ata suma nglona, azi pet a nga ki d’od’oka ata ahlena hi sumina. Tin ad’ud’a ata suma djok vuna dei gak mba ata suma ngat buzuna, azi pet ni suma mbut ira.

Ezekiyel 33:31

Azi mba tok geveng ablaud’a. Sum mana a mba kak kä avorongû. Azi mba hum zla manga, wani azi mba le sunda kat ti, kayam azi nga de zla d’a djivid’a ni ki vunazi abua, wani huruzi ni tinda yam fe mazid’a.

Matiye 6:19

Jesus mi had’azi kua ala: Ar agi togogi ndjondjoî magid’a ka hî yam andagad’a d’i, kayam ni yima fotna ki tchora a b’lagazina, ni yima suma kula a hulut gonga á kuluzina mi.

Matiye 6:25

Jesus mi had’azi kua ala: Kayam ndata, an nga ni dagiya, agi djib’eregi yam ari magid’a tala agi mba tagi ni me d’oze agi mba tchagi ni me d’oze agi mba tchugugi ni me ge d’a d’i. Arid’a kal tena d’uo zu? Tad’a kal baruna mi d’uo zu?

Matiye 6:34

Kayam ndata, ar agi djib’eregi yam ndjivinda d’i, kayam ndjivinda nga ni ki djib’er mata vad’u. Bur ma lara ge pî mi dap pei ni ki ndak mamba.

Marik 7:22

mizeuna, d’od’oka, murud’umba, á mbut ira, batranga, yungôra, á ngul suma, yam mba ad’enga, ki lilid’a a buzugi ni kua.

Wana ni Zla d’a Djivi d’a Luc mi b’irita 3:14

Azigarâ a djobom ala: Ami lami ni nana ge? Mi hulong dazi ala: Agi vagi va abo sa kad’enga d’i, agi tchugugi zla yam sa hawa yak ki, agi tinigi hurugi ni yam wurak magid’a go.

Wana ni Zla d’a Djivi d’a Luc mi b’irita 8:14

Andjaf ma mi nde aduk aweid’ina ni suma a hum zlad’a wani ata yima azi ina, djib’era hi duniyad’id’a ki beged’a ki d’od’oka hi duniyad’id’a a hebezi ped’et, a le nga irâ tetet ti.

Romê-na 1:29

Azi ni suma lahle suma batrangâ, tchod’a, d’od’oka, murud’umba, yungôra, tchi matna, yalâ, mbut ira ki ngangata. Azi ni suma ka ad’ud’a,

1 Korente-na 5:11

Wani an dagi ni yam sama yi tam ala mam mi kretiyêna na. Wani le ni ma mizeuna, d’oze ma a’arad’a, d’oze ma tuwal fileina, d’oze ma ngul suma, d’oze ma gurut ki süma, d’oze ma kula, ar agi lagi darigïd’a ki sed’em mbi, ar agi tagi va ki sed’em mbuo mi.

1 Korente-na 6:10

suma kula, suma a’arad’a, suma gurut ki süma, suma ngul suma, suma tchiget suma ki suma hina na a ndak á kal kur leud’a hAlonid’a d’i.

2 Korente-na 4:9

Azi nga djobomi vunamiya, wani Alona arami nga woi d’i; a nga mired’emi kä andaga, wani ami bomi nga d’uo mi.

Efes-sâ 5:3

Wani agi ni suma a tinigi iragi vagina. Kayam ndata, ar mizeuna ki sun nda ndjendjed’a ki a’arad’a, ar agi yazi simiyêzi adigagi d’i.

Efes-sâ 5:5

Agi wagi woi tetet ala sama mizeuna, sama le sun nda ndjendjed’a, sama le d’od’oka yam beged’ina, nala ma tuwal fileina, suma hina na a mba te leud’a hi Christ-sa kAlona d’i.

Gat ta a hat á mbàd’id’a 31:6

Agi vagi tagi ad’enga, agi sogi tagiya, agi lagi mandar ri, agi zlagagi avorozi d’uo mi, kayam Ma didina Alo magina tamba nga mi tit ki sed’egiya, mba mi aragi vagi d’i, mba mi aragi woi d’uo mi.

Gat ta a hat á mbàd’id’a 31:8

Ma didina tamba mba mi tit avorongû, mba mi tit ki sed’engû, mba mi arang vang ngi, mba mi arang ngei d’uo mi. Kayam ndata, ang le mandar ri, vunadigang pat fek kuo mi.

Gat ta a hat á mbàd’id’a 4:31

Kayam Ma didina Alo magina nAlo ma we hohowa sumina; mba mi aragi woi d’i, mba mi dabagi woi d’i, mba mi mar yam vun ma djin ma mi gun tam kam mabuyogi ngolona d’uo mi.

Kolos-sâ 3:5

Kayam ndata, agi tchagi ahle suma kurugi suma yam andagad’a ka hina woyo, nala, mizeuna, sun nda ndjendjed’a, e’eûd’a, a’arad’a ki d’od’ok ka tuwal fileina mi.

1 Timote 3:3

Ni ma bei gurut ki süma, ni ma bei to sana, ni ma halasâ, ni ma bei le huneîd’a, ni ma bei le yam beged’ina mi.

Josue 1:5

Ata yima ang nga ki irang yam andagad’ina, sama mba mi tchol avorongâ nga d’i, kayam an nga ki sed’eng d’igi an nga ki Moise adjeu na. An mba ni arang vang ngi, an mba ni arang ngei d’uo mi.

Josue 7:21

An gol aduk ahle suma ei hurumuzina, an we baru d’a ngol la djif fa Sinar-ra ki kawei ma hapma kikis mbà ki mbuka hi lor-ra d’a aneget ndak ir grama go ki kikis sa klavandid’a. An le d’od’oka kaziya, an yoziya, a nga ngeid’a kä aduk andagad’a kur zlub’u manda; kawei ma hapma mi nga tchuka kä ad’uziya.

2 Pierre 2:14

Irazi nga tinda yam aropma teteu á le mizeuna ki sed’eziya. Azi ndak á ar tchod’a d’i. Azi nga ve suma amangeîna ki dauna. Djib’er mazid’a nga zud’uzi á le d’od’ok ka fe beged’a. Azi ni suma Alona mi gazi vunina.

2 Pierre 2:3

Yam d’od’ok mazi d’a fe beged’a, a mba mbut abozi ki sed’egi ki zla d’a lop ir mazid’a. Wani Ma kazi sariyad’a kazina mi min tam avok dei kaziya, Ma b’lagazina nga mi bur sen nduo mi.

Jude 1:11

Ni zla d’a hohoud’a kaziya, kayam a hle ni lovota hi Kain-nda, a he tazi yam d’od’oka hi beged’id’a d’igi Baläm na, a ba woyo, kayam azi le yam mba ad’enga d’igi Kore na.

1 Samuel 10:7

Ata yima ang mba wahle suma simat ndazina hina petna, ang le vama hurung minima, kayam ang wala gagazi, Alona mi nga ki sed’engû.

1 Samuel 12:22

Ma didina mba mi aragi woi d’i, kayam simiyêm ma nde yinina; kayam ni mam tamba ba, mi min mbud’ugi sum mama.