Hebre-na 13:12 - Bible azumeina

¹² Kayam ndata, Jesus mi fe ndaka woi bugol azina á mbus suma woi yed’et ki buzuwamu.

Hebre-na 13:12 Iomraidhean Croise

Sunda hi suma hi Levi-nid’a 24:23

Moise mi de mi Israel-lâ ala a nde woi ki sama ngul Alona máma kur kangâ, a durum kahinad’a, a tchumu. Israel-lâ a le d’igi Ma didina mi hazi vuna avun Moise na.

Ndumba 15:36

Ablau d’a peta a nde ki sed’em mbei bugol kangâ, a durum kahinad’a gak a tchum d’igi Ma didina mi he vuna mi Moise na.

Wana ni Zla d’a Djivi d’a Luc mi b’irita 4:29

a tchol akulo, a digim abu bugol azina, a i ki sed’em ata yima ndingâ, yima a min azina kuana, kayam azi zud’umï kä ki delemu.

Jean 17:19

An hang tan kaziya, kayam azi tazi mbut mang suma gagazina.

Jean 19:34

Wani ma dingâ aduk azigarâ, mi tchogom fefed’em kasapa. Ata yi máma na wat, buzuna ki mbina a djang ngeyo.

Sunda hi suma a sunuzinid’a 7:58

A tanam mbei bugol azina, a durum kahinad’a, a tchumu. Suma glangâsâ a tchuk baru mazi ma ngolâ kä asem gor azongâ, simiyêm ala Saul.

1 Korente-na 6:11

Suma dingâ adigagi adjeu ni hina mi. Wani ki tchetchemba, Salad’a Jesus Christ ki Muzu’â hAlo meinina a mbud’ugi wa woi yed’et kur tchod’a, a tinigi wa iragi vagi mAlona, a mbud’ugi wa d’ingêr avok Alona mi.

Efes-sâ 5:26

Mi mbuzut tei yed’et ki mbina, nala, zlad’a hAlonid’a, mi tinit irat vat mAlona mi.

Hebre-na 10:10

Kayam Jesus Christ mi ndak vun minda hAlonid’a, mi mbuzi tcho meid’a woi yed’et ata yima mi he tam mbei vama ngat buzuna yam tu gak didina.

Hebre-na 10:29

Wani sama gol Alona Goroma isâ ni ma gol buzuna hi vun ma djin ma Alona mi mbud’um yed’et ki sed’ema vama hawanina, ni ma las Muzuk ma sumad’a mi na. Agi djib’eregi nga ala sama hina na, Alona mba mi kam sariyad’a kam ngola kala d’uo zu?

Hebre-na 2:11

Kayam Jesus ma mi mbut suma woi yed’et kur tcho mazid’ina ki suma mi mbud’uzi yed’etna, Abuzi ni tu. Kayam ndata, Jesus nga ki zulona á yazi b’oziyoma d’i.

Josue 7:24

Josue ki Israel-lâ pet a ve Akan Zera gorom ngolona, ki kawei ma hapma ki baru d’a ngola, ki lor ra mbuka, ki grom suma andjofâ, ki grom suma aropma, kamuzlei mama, ki koro mama, ki tumiyô mama, ki b’ogei mama, ki zlub’u mamba, kahle mama pet. A i ki sed’ezi kur hor ra Akor-ra.

Vama ndum mbeina 14:20

A miret guguzlu ndata woi bugol azina. Buzuna ndeï djangâ woi ata yima a miret guguzlud’a kua na, mi djang i kilometred’a kikis hindi, yiyik mamba ni d’igi metred’a tu ki nusâ na.