Hebre-na 11:8 - Bible azumeina

⁸ Ni yam he gagazid’a ba, Abraham, ata yima Alona mi yuma, mi ge yam kä, mi i yam andaga d’a Alona humzi djonid’a. Mi ar ambas mamba, mi we nga yima mi i kuana d’i.

Hebre-na 11:8 Iomraidhean Croise

Ad’u Tinda 11:31

Tera mi yo goroma Abram ki Lot gorâ hi goroma Haran-na kakunomba Sarai atchad’a hi goroma Abram-mba, mi tchol ki sed’ezi avo Ur ra Kalde-d’a á i yam ambas sa Kanan-nda. Azi mbaza yam ambas sa Haran-nda, a kak kua.

Ad’u Tinda 12:5

Abram mi vamamba Sarai ki wiyema goroma Lot ki bege mazid’a pet ki magumei suma azi guzuzi avo Haran-na. Azi i yam andaga d’a Kanan-nda. Kid’a azi mbaza yam ambas sa Kanan-ndid’a,

Ad’u Tinda 12:7

Ma didina mi nde tam mbei ir Abram, mi dum ala: An mba ni handaga ndata mi grong ngolona. Kayam ndata, Abram mi min yima ngal ahle suma ngat buzuna mi Ma didin ma nde tam mbei irama.

Ad’u Tinda 15:5

Mi nde ki sed’em abua, mi dum ala: Ang gol irang akulo; ang le ndak á ndum tchitchiud’a ni, ang ndumud’u. Andjavang mba mi zulî hina dedege mi.

Ad’u Tinda 17:8

Andaga d’a ang kak mbeid’a kata, nala, andaga d’a Kanan-nda pet, ni mi ang kandjavangû, mba d’i mbut ni magid’a ki iragi fafat; an mba ni arî Alo mazina mi.

Ad’u Tinda 20:13

Wani kid’a Alona mi walan ndei kazina habunid’a, an de mamanda Sara ala: Djivi d’a ndak mba lat ki sed’enda ba wana: Ata yima lara ma ei i kuana, ndak dala an ni wiye’â.

Ad’u Tinda 22:18

Ni kayam andjavang ba, an mba ni b’e vunan yam suma yam andagad’ina pet, kayam ang humun vunanu.

Ad’u Tinda 26:3

Ang kak kua; an mba ni kak ki sed’engû, an mba ni b’e vunan kang kandjavangû; an mba ni hagi andaga ndata pet, kayam an tcholî yam gun nda an gun tan mabung Abraham-mba.

Isai 41:2

Ni nge ba, mi tcholï ki ma abo ma yorogo ma ayî ma kusa nga mi tit blogoma ge? Ni nge ba, mi hum andjaf suma, mi hulongôm yam amuleina kä avorom ge? Mbigeu mam mba fiyaka ti mbud’uzi d’igi andaga d’a gugud’upa na, yeû mamba ti mbud’uzi d’igi kuza d’a simetna nga mi felet teid’a na.

Isai 51:2

Agi gologi abugi ngolo Abraham azi ki Sara d’a vud’ugid’a. Ata yima mam mi vam tuna, an yumu, an b’e vunan kamu, an zulum andjavam mi.

Ezekiyel 36:24

An mba ni yogï woi aduk andjaf suma dingâ, an mba ni togogï yam ambas sa agi b’rawagi woi kuad’a pet. An mba ni hulongôgï yam andaga magid’a.

Ndumba 10:30

Hobap mi hulong dum ala: An min i d’i! An i ni yam ambas manda aduk simiyênu.

Matiye 2:21

Josef mi tchol mi yo gorâ azi kasumu, azi hulong yam andaga d’a Israel-la.

Romê-na 1:5

Kayam ndata, Alona mi mbud’un ma a sunuma yam subura hi Christ-sa, kayam an mba kandjaf suma pet á hum gagazid’a, á ge yazi kä ad’um mi.

Romê-na 10:16

Wani suma pet a ge nga yazi kä ad’u Zla d’a Djivid’a d’i. Kayam Isai mi dala: Salad’a, ni nge ba, mi he gagazid’a yam zla d’a ami tchat walata ge?

Romê-na 6:17

Wani an le mersi mAlona, kayam me adjeu agi ni magumeina hi tchod’ina, wani ki tchetchemba, agi gagi yagi kä ki hur ma tuna d’igi hat ta a had’agizid’a na.

2 Korente-na 10:5

kahlena pet suma a nga le yam mba ad’enga á kak djangûna ki wed’a hAlonid’ina, ami nga mbud’umi djib’er ra lara ge pet kä á ge yat kä ad’u Christ.

Gat ta a hat á mbàd’id’a 9:5

Nga ni kayam d’ingêr magid’a ki hur magi ma tuna ba, agi mba hlagi ambas mazid’a d’i, wani ni kayam asa’ata handjaf sum ndazinid’a ba, Ma didina Alo magina mba mi digizi woi avorogi ni na, ná ndak vun vun ma hle ma mi hlum mabuyogi ngolo, Abraham, Isak ki Jakob-ma.

Hebre-na 11:33

Ni yam he gagazid’a ba, azi kus yam andagad’a teteng, azi le sun nda d’ingêra, azi fe vama Alona mi hlazi vunam kama. Azi duk vun azlona,

Hebre-na 5:9

Ata yima mi ndak memetna, mi mbut Sala sut ta didinda yam suma pet suma a nga ge yazi kä ad’uma.

Josue 24:3

An hleï abugi ngolo Abraham abo alum ma Efrat-na abo hî, an nguyum tita kur ambas sa Kanan-nda pet, an zulum andjavamu, an hum Isak.

1 Pierre 1:22

Agi mbud’ugi wa yed’et, agi gagi yagi kä ad’u zla d’a gagazid’a á lagi yam b’oziyogi suma a he gagazid’ina ki o d’a bei lop ira. Kayam ndata, agi lagi yam tagi ngola ki hur ma tuna.

1 Pierre 3:1

Agi aropma, agi gagi yagi kä ad’u andjuviyogiya, kayam suma dingâ adigazi suma a he nga gagazid’a yam zlad’a hAlonid’a d’uo na, a mba he gagazid’a yam tit magid’a bei agi dazi zlad’a,

1 Pierre 4:17

Kayam yina mba wa da á tin ad’u ka sariyad’a yam suma hAlonina. Le a tin ad’ud’a ni yam eya ni, dabid’a hi suma a he nga gagazid’a yam Zla d’a Djivid’a hAlonid’a d’uo na a mba le ni nana ge?