Hebre-na 11:12 - Bible azumeina

¹² Kayam ndata, ata sama tu ma mi mbut d’igi sama matna na na, andjavam zul grona ablaud’a d’igi tchitchiu d’a akulod’a na, d’igi les ma avun alum ma ngol ma sana mi ndak á ndumum mbuo na na mi.

Hebre-na 11:12 Iomraidhean Croise

Ad’u Tinda 15:5

Mi nde ki sed’em abua, mi dum ala: Ang gol irang akulo; ang le ndak á ndum tchitchiud’a ni, ang ndumud’u. Andjavang mba mi zulî hina dedege mi.

Ad’u Tinda 22:17

an mba ni b’e vunan kangû, an mba ni zulung andjavang avok d’igi tchitchiud’a na, d’igi les ma avun alum ma ngolîna na mi. Andjavang mba mi kus yam mam suma djangûna.

Ad’u Tinda 26:4

An mba ni zulung andjavangî d’igi tchitchiud’a na. An mba ni hum andaga ndata pet. Ni kayam mam ba, an mba ni b’e vunan yam andjaf suma yam andagad’ina pet,

Ad’u Tinda 32:12

Ni ang ma dan ala ang mba lan djivid’a, ang mba zulun andjavan d’igi les ma avun alum ma ngol ma sa mi ndak á ndumum mbuo na na na.

2 Samuel 17:11

D’al ma an dangzina ba wana: Ang tok Israel-lâ geveng pet, tinï ad’ud’a Dan dei gak mba Berseba. Ablawazi to’î d’igi les ma avun alum ma ngolîna na. Ang tanga i dur ayîna ki sed’eziya.

1 Amuleina 4:20

Suma kur ambas sa Juda-d’ina ki suma kur ambas sa Israel-lina a zul d’igi les ma avun alum ma ngolîna na; a nga te, a nga tche, a nga le furîd’a.

1 Sunda Hamuleinid’a 27:23

David mi ndum nga suma bizazi ndak dok mbà d’oze suma bizazi kal dok mbàna d’i, kayam Ma didina mi dala mam mba mi zul Israel-lâ d’igi tchitchiu d’a akulod’a na.

Nehemi 9:23

Ang zuluzi grozina d’igi tchitchiud’a na, ang kalazi yam ambas sa ang de kat ala ang mba hat mabuyozi á te kad’u d’a.

Buzuk ka Abud’a 32:13

Ang djib’er yam Abraham azi ki Isak ki Israel, azungeî mang suma ang dazi ala: An gun tan ki an tanda, an mba ni zulugi andjavagi d’igi tchitchiud’a na, an mba ni hazi andaga d’a pet ta an de kata, azi mba tat djona burâ ki burâ na.

Isai 10:22

Ang Israel, le sum mangâ a mba zulî d’igi les ma avun alum ma ngolîna na pî, nad’uzi d’a arâ ba, mba d’i mba, kayam Ma didina mi nga wa hurum yam b’laka da’. D’ingêra mba d’i kal lei kad’u.

Isai 48:19

Grogi suma kurugina a mba zulî d’igi lesâ na, grogi ngolona a mba zulî d’igi les ma avun alum ma ngolîna na mi. An mba ni hazazi simiyêzi woi d’i, d’oze an mba ni tchazi simiyêzi woi avoron nduo mi.

Jeremi 33:22

D’igi sana mi ndak á ndum ahle suma akulona d’oze mi ndak á nga les ma avun alum ma ngolîna d’uo na, an mba ni zul andjafâ hazong mana David-na ki suma hi Levi suma a lan sundina ni hina dedege mi.

Habakuk 1:9

Sum ndazina pet a mba ná te leud’a kad’enga, a nga i irazi avogovogo. A nga yo suma magomba d’igi lesâ na.

Romê-na 9:27

Isai mi de ki delem akulo yam Israel-lâ ala: Ndumba hi gro Israel-lîd’a, ti le ni d’igi les ma avun alum ma ngolîna na pî, nad’uzi d’a ara ba, a mba fe suta.

Gat ta a hat á mbàd’id’a 1:10

Ma didina Alo magina mi zulugiya wa. Agi zulugi ini ablaud’a d’igi tchitchiu d’a akulod’a na.

Gat ta a hat á mbàd’id’a 28:62

Agi zulugi nablaud’a d’igi tchitchiud’a hina wan pî, agi mba aragi nakid’eid’a hina yegre, kayam agi mba gagi yagi kä ad’u Ma didina Alo magina d’i.

Josue 11:4

Azi buzuk kei ki azigar mazina pet, a tok tazi ablaud’a mimiyâk d’igi les ma avun alum ma ngolîna na, kakulumeina ki pus ma dur ayîna ablaud’a heî mi.

Vama ndum mbeina 20:8

Mam mba mi i á lop andjaf suma a b’rau woi yam andagad’a petna, nala, Gok ki Magok. Mba mi togozi á dur ayîna. Ablau mazid’a ni d’igi les ma avun alum ma ngolîna na.

Suma ka sariyad’a 7:12

Suma Madiyan-na, suma Amale’â ki suma pet suma a nga kaka abo ma yorogonina, a nga oîd’a kä kur hora ni d’igi djera na. Djambal mazid’a ti ndak nga á ndum mbi, ti ni ablaud’a d’igi les ma avun alum ma ngolîna na.

1 Samuel 12:5

Samuel mi hulong dazi ala: Ma didina kamul ma mam manama ni suma glangâsâ kagi ini ala agi fagi nga zla kan ndi. A dala: Nata yad’u, azi ni glangâsâ.