Hebre-na 10:5 - Bible azumeina

⁵ Kayam ndata, ata yima Christ mi mba yam andagad’ina, mi de mAlona ala: Ang min nga vama ngat buzuna ki he d’a hawad’a hi d’uwarîd’a d’i, wani ang minin wa tanu.

Hebre-na 10:5 Iomraidhean Croise

Ad’u Tinda 3:15

An mba ni tin djangûna adigang katchad’a, aduk andjavang kandjavat mi. Mam mba mi mired’eng yang kä; ang mba ed’em dodogasemu.

Isai 1:11

Ma didina mi dala: Va mi ndolon kahle magi suma ngat buzu suma ablauna ni me ge? An ndak wa abo gamlâ ma agi handji vama ngat buzu ma ngalina, abo mbul amuzleina mi. Tan nga d’i lan djivid’a yam buzu amuzlei d’oze yam buzu tumiyô d’oze yam buzu mbekmbere d’i.

Isai 40:16

Agu d’a Liban-nda ti ndak nga á vakud’a yam yima ngal ahle suma ngat buzuna d’i, d’uwar matna mi ndak nga á he he d’a hawa d’a ngala d’uo mi.

Isai 7:14

Kayam ndata, Salad’a ki yam mba mi hagi vama taka: Gola! Gor weid’a mba d’i ve wirâ, mba d’i vut gorâ, ti mba d’i yum ala Emanuel.

Jeremi 31:22

Ndak gor wei d’a bei hum vuna ba d’a, ni mindja ba, ndak mba d’i ar tcha mak ka tatad’a woi ge? Kayam an Ma didina ni min nga vama awilina yam andagad’a, natchad’a ba, mba d’i hal mandjufâ.

Jeremi 6:20

Ni djiviya me ba, a mban ki dubang ma his djivid’a ma Seba-na, ki dubang ma his djivid’a ma yam ambas sa deid’ina ge? He d’a hawa mazi d’a ngala nga d’i lan tan djivi d’i, ahle mazi suma ngat buzuna tan nga d’i lan djivi kazi d’uo mi.

Matiye 11:3

á djobom ala: Angî ma nga mbana, d’oze ami djubumi ni sama ding zu?

Wana ni Zla d’a Djivi d’a Luc mi b’irita 1:35

Malaikana mi hulong dat ala: Muzuk ma bei tchod’a ba na mba mi mba kagu, ad’enga hAlo ma sä akulo ma kal teglesîd’a mba d’i zlubuk yak d’igi angusâ na. Kayam ndata, gor ma bei tcho ma ndak mba d’i vud’uma, Alona mba mi tinim simiyêm ala Alo ma kal teglesâ Goroma.

Wana ni Zla d’a Djivi d’a Luc mi b’irita 7:19

Jean mi yi mam suma hata mbà, mi sunuzi gen Salad’a á djobom ala: Angî ma nga mbana, d’oze ami djubumi ni sama ding zu?

Jean 1:14

Zla ndata ti mbut sana, ti kak adigamiya. Ti nga oîd’a ki sumad’a ki gagazid’a. Ami wami subura hi Gor ma tu gid’eng máma d’a Abum humzid’a.

Galat-na 4:4

Wani kid’a yina ndaka, Alona mi sunï Gorom ma atchad’a ti vud’um ad’u gata hi Juif-fîd’a,

1 Timote 3:16

Gagazi, sama ndak á tchi tuguyod’a yam zla d’a muduri d’a ngola hAlona d’a ei tini huri kata nga d’i: Mi nde tam mbei d’igi sana na, Muzu’â hAlonina mi tagam mbei ala ni Ma d’ingêrâ, malaikana a wum mi. Suma a tchum walam mbei aduk andjaf suma dingâ, a hum gagazid’a kur duniyad’a ka hî, Alona mi hlum sä akulo ata yima subura mi.

Hebre-na 1:6

Wani kid’a Alona mi sun ni Gorom ma a vud’um avok ahlena petna yam andagad’a kuad’a, mi dala: Ar malaika mama pet a kud’uromu.

Hebre-na 10:10

Kayam Jesus Christ mi ndak vun minda hAlonid’a, mi mbuzi tcho meid’a woi yed’et ata yima mi he tam mbei vama ngat buzuna yam tu gak didina.

Hebre-na 10:7

Kayam ndata, an dala: Alo mana, Gola! An mba wa á le min manga, d’igi a b’irin zlan kur mbaktum manga na.

Hebre-na 10:8

Avok mi dala: Le ahle ndazina ni yam minda hi gatid’a pî, ang min nga ahle suma ngat buzuna ki he d’a hawad’a hi d’uwarîd’a kahle suma ngat buzu suma ngala kahle suma ngat buzu suma zlup yam tchod’a woina d’i, tang lang nga djivid’a kazi d’uo mi.

Hebre-na 2:14

Gro ndazina ni suma ki hliuna ki buzunina. Kayam ndata, Jesus tamba mi mbut tam d’igi azi na. Mi le hina ki mad’am á b’lak Diable ma nga kad’enga hi matnid’a aboma woyo,

Hebre-na 5:7

Kid’a Jesus mi nga yam andagad’id’a, mi tchen Alo ma mi ndak á sud’um mbei abo matnina tchen nda hud’a, mi tchi ki simina iram mi. Alona mi humumu, kayam mi ge yam kä ad’umu.

Hebre-na 8:3

Kayam ma ngol ma ngat buzu ma lara pî a nga tinim á he he d’a hawad’a kahle suma ngat buzuna avok Alona. Kayam ndata, ngol mei ma ngat buzuna, mbeî mi he vama ngat buzuna mi.

1 Pierre 2:24

Christ tamba mi zi tcho meid’a kam akulo ata agu ma b’ala, kayam ei boi woi ata tchod’a á kagei karid’a á le d’ingêra. Ni yam to d’a a tomba ba, agi fagi ki suta.

2 Jean 1:7

Suma ka zlad’a ablaud’a a b’rau wa woi kur duniyad’a; ni suma a nga de woi ala: Jesus Christ mi mbut nga sana d’uo na. Sama hina na ni ma ka zlad’a, ni ma djangûna hi Christ-sâ mi.