Hebre-na 1:3 - Bible azumeina

³ Mam mi Ma tak b’o d’a subura hAlonid’a woina, ni Ma dedege d’igi Alona na na, ni Ma nga mi gang ahlena akulo ki zla d’a de d’a ad’eng nga avunambina. Ata yima mi mbus tchod’a hi suma woi mbusâ, mi i kak sä akulo ata bik ka ndjufa hAlo ma ad’eng ma kal papana.

Hebre-na 1:3 Iomraidhean Croise

1 Sunda Hamuleinid’a 29:11

Ma didina, ngola, sib’ika, subura, wiled’a ki yam mba ted’a ni mangâ! Gagazi, akulod’a kandagad’a pet azi ni mangâ, kayam angî ma te yamba, angî ma akulo yam ahlena petna.

Wana ni mbaktumba hi Job-pa 37:22

B’o d’a nga d’i b’o d’igi lora na d’a, ti tcholï nabo ma norâ; wile d’a lang mandarid’a, ti ngui nga Alona kä.

Sawal la giled’a 110:1

Wana ni sawal la gile d’a David mi hlata. Salad’a Alona mi de mi Salana ala: Ang kak ata bigan nda ndjufa gak an mba ni mbut mang suma djangûna vama tin asengâ.

Sawal la giled’a 75:3

Alona mi dala: Ata yima an ngama, an mba ni ka sariya d’a irata.

Ma tchi wala 8:4

Zlad’a hamulâ d’a lara ge pet ti nga kad’enga, sama ndak á djobom ala: Ang le na ni me na ge nga d’i.

Sunda hi suma hi Levi-nid’a 15:15

Ma ngat buzu máma mi he tu yam vama ngat buzu ma zlup yam tchod’a, mi he tu yam vama ngat buzu ma ngala, mi zlup yam tchod’a hi sa mámid’a avogon an Ma didina yam mbiyo ma mi djang atama.

Mise 5:4

Ni mam ba, mba mi mba ki b’leng nga halasa. Ata yima suma Asiri-na a mba mba kur ambas meid’a, a mba kal kur azì mei ma ad’eng ma ngungunina, ei mba tcholei ki suma nglo suma avok sumina ablaud’a á duruziya.

Matiye 22:24

Ma hat suma, Moise mi dala: Le sana mi mit bei vut gorâ ni, wiyema mi vatcha ndata, mi djok andjaf wiyema.

Marik 16:19

Bugol la Salad’a Jesus mi dazi zla ndata dad’a, a hlum sä akulo, mi kak ata Alona bigam mba ndjufa.

Jean 1:14

Zla ndata ti mbut sana, ti kak adigamiya. Ti nga oîd’a ki sumad’a ki gagazid’a. Ami wami subura hi Gor ma tu gid’eng máma d’a Abum humzid’a.

Jean 1:29

Tcha ndjivinda Jean mi we Jesus nga mi djï gevemu, mi dala: Agi gologi Gor timina hAlona ma nga mi hle tchod’a hi suma duniyad’a kama.

Jean 1:4

Arid’a nga kurud’u; ari ndata ni b’od’a hi sumid’a.

Sunda hi suma a sunuzinid’a 2:33

Alona mi hlum sä akulo, mi tinim ata bigam mba ndjufa. Mi ve Muzuk ma bei tchod’a ba ma Abum mi hlum vunam kama, mi vomizï kami d’igi agi wagizi agi humugizi na mi.

Sunda hi suma a sunuzinid’a 7:56

Mi dazi ala: Agi gologiya! An wakulod’a mal leyo, Gor Sana mi nga tchola ata Alona bigam mba ndjufa mi.

Romê-na 1:16

Kayam an nga ni le zulona á tchi wal Zla d’a Djivid’a d’i, kayam ndat nad’enga hAlonid’a á sut suma a he gagazid’ina pet, Juif-fâ avogo, bugola, andjaf suma dingâ mi.

Romê-na 8:34

Sama ndak á ka sariyad’a kazina ni nge ge? Sa nga d’i, kayam Jesus Christ mi mid’a, kal pet mi tchol akulo aduk suma matna, mi nga kaka ata Alona bigam mba ndjufa, nga mi tchen Alona kei mi.

2 Korente-na 4:4

Azi nga he gagazid’a d’i, kayam alo ma tcho ma kur duniya d’a wandina, mi duguzi irazi woyo. Mi d’elezi á we b’od’a hi Zla d’a Djivi d’a subura hi Christ ma hle tam dedege d’igi Alona na na.

Kolos-sâ 3:1

Alona mi tchologi akulo á kak karid’a zlapa tu ki Christ. Kayam ndata, ar agi halagi nahle suma sä akulona, ata yima Christ mi nga kaka kua ata Alona bigam mba ndjufina.

Wana ni mbaktum mba Paul mi b’irit mi Tit-ta 2:14

Ni Ma he tam kei á sud’i woi kur tcho d’a lara ge pet á mbud’i mam suma yed’et suma tazi lazi zlezleû á le sun nda djivid’ina.

Hebre-na 1:13

Alona mi de nga mi malaika mam tu ala: Ang kak ata bigan nda ndjufa, gak an mba ni mbut mang suma djangûna vama tin asengâ d’i.

Hebre-na 10:12

Wani ata yima Christ mi he tam vama ngat buzuna yam tu gak didin yam tchod’ina, mi kak kä ata Alona bigam mba ndjufa.

Hebre-na 12:2

Ei tini irei yam Jesus ma nad’u tinda hi he gagazi meid’a ma nga mi ndagat memetna. Ni ma ve tam kur ndaka ata agu ma b’alina, ni ma mi gol zulona ni va d’uo yam furî d’a sä avorombina. Ki tchetchemba, mi kak sä akulo ata bik ka ndjufa hi zlam mba amula hAlonid’a.

Hebre-na 4:14

Ei nga ki ma ngol ma kal ma ngat buzu ma kal sä akulo avok Alonina. Ni Jesus, Alona Goroma. Kayam ndata, ar ei vei he gagazi meid’a ad’eng ngingring.

Hebre-na 7:27

Wani Jesus mi le nga d’igi suma nglona hi suma ngat buzuna suma dingâ na d’i. Azi ni suma a nga ngat buzuna burâ ki burâ yam tcho mazid’a avogo, bugol yam mba hi sumid’a mi. Wani ata yima mi he tam mbei vama ngat buzuna yam tchod’a hi sumina, mi le hina ni yam tu.

Hebre-na 8:1

Zla d’a kal papa d’a ami dagizid’a ba wana: Ei nga ki ma ngol ma ngat buzu ma i kak sä akulo ata bik ka ndjufa hi zlam mba amula hAlo ma ad’eng ma kal papanina.

Hebre-na 9:16

Mbaktum mba sana mi de vunam kuruta a dat zlat tei ni bugol mat mama.

Hebre-na 9:26

Le ni na ni, mbeî Christ mi fe ndaka yam ablaud’a bugol ad’u tinda hi duniyad’id’a. Wani ki tchetchemba, kur atchogoi d’a dabid’a, mi he tam yam tu á hle tchod’a woi ki he d’a mi he tam mbei vama ngat buzunid’a.

1 Pierre 1:21

Ni yam mamba, agi hagi gagazid’a yam Alo ma tcholom akulo aduk suma matna ki suburina. Kayam ndata, he gagazi magid’a ki hur ma tin magina a ka’î yam Alona.

1 Pierre 3:22

Ni Ma djak sä akulo, mi nga kaka kä ata Alona bigam mba ndjufa, ni ma te yam malaikana ki suma te yamba ki suma ad’eng suma sä akulona petna.

2 Pierre 1:16

Kayam ami tid’imi nga ni bugol djudjunda hi suma d’a nga gat kur lem mazid’ina ata yima ami tagagi ad’enga ki mbad’a hi Saleina Jesus Christ-sina d’i. Wani ami ni suma glangâs suma a wami subur mamba ki iramina.

2 Pierre 1:17

Kayam Abum Alona mi hum mi suburum ata yima dela ti tcholï ata subur ra ngol la kal papad’a ala: Wana ni Goron ma an hurun vum heîna, ni ma tan ndi lan djivid’a heî kama na.

1 Jean 1:7

Wani le ei nga tid’i kur b’od’a d’igi mam tamba nga mi tit kur b’od’a na ni, ei lei darigïd’a aduk teya, buzuna hi Goroma Jesus-na nga mi mbuzi woi yed’et kur tcho meid’a pet mi.

1 Jean 3:5

Agi wagi ala Jesus Christ mi nde tam mbei ná hle tchod’a hi sumid’a woyo. Tchod’a nga kurum mbi.

Jude 1:25

Mam tu nAlo ma sud’i yam Saleina Jesus Christ-sâ. Subura ki ngola kad’enga ki yam mba ted’a katchogoi d’a kala pet ki d’a tchetchemba ni mamba gak didin. Amin!

Vama ndum mbeina 3:21

Suma kus ayînina, an mba ni hazi yima kaka ki sed’en yam zlam man nda amula d’igi an tanda ni kus ayîna an nga kaka gen Abun yam zlam mam mba amula na mi.

Vama ndum mbeina 4:11

Â, Salamina Alo mamina, ang ndak á subura, á hud’a, á vad’enga mi. Kayam ahlena pet ang lazi ni angû; nata min manga ba, azi nga, azi nga karid’a mi.