Hebre-na 1:13 - Bible azumeina

¹³ Alona mi de nga mi malaika mam tu ala: Ang kak ata bigan nda ndjufa, gak an mba ni mbut mang suma djangûna vama tin asengâ d’i.

Hebre-na 1:13 Iomraidhean Croise

Sawal la giled’a 110:1

Wana ni sawal la gile d’a David mi hlata. Salad’a Alona mi de mi Salana ala: Ang kak ata bigan nda ndjufa gak an mba ni mbut mang suma djangûna vama tin asengâ.

Sawal la giled’a 132:18

An mba ni tchuk zulona ata mam suma djangûna d’igi a tchuk baruna atazi na, avaval la kamba mba d’i wile mi.

Matiye 22:44

Ma didina Alona mi de mi Salana ala: Ang kak ata bigan nda ndjufa, gak an mba ni tin mang suma djangûna ad’u asengû.

Marik 12:36

Kayam David tamba ki yamu, Muzu’â hAlonina mi zud’um mi dala: Ma didina Alona mi de mi Salana ala: Ang kak ata bigan nda ndjufa, gak an mba ni tin mang suma djangûna ad’u asengû.

Wana ni Zla d’a Djivi d’a Luc mi b’irita 19:27

Wani man suma djangû suma a min an te kazi d’uo na, agi mbeyendjï ka hî, agi tchazi kä woi avoron wana.

Wana ni Zla d’a Djivi d’a Luc mi b’irita 20:42

Kayam David tamba mi de kur mbaktum mba Sawal la Giled’a ala: Ma didina Alona mi de mi Salana ala: Ang kak ata bigan nda ndjufa,

Sunda hi suma a sunuzinid’a 7:55

Wani Etienne mi oî ki Muzuk ma bei tchod’a ba na, mi so iram gola akulo, mi we subura hAlonid’a ki Jesus mi nga tchola ata Alona bigam mba ndjufa.

Hebre-na 1:3

Mam mi Ma tak b’o d’a subura hAlonid’a woina, ni Ma dedege d’igi Alona na na, ni Ma nga mi gang ahlena akulo ki zla d’a de d’a ad’eng nga avunambina. Ata yima mi mbus tchod’a hi suma woi mbusâ, mi i kak sä akulo ata bik ka ndjufa hAlo ma ad’eng ma kal papana.

Josue 10:24

Kid’a azi buzuguzï woi avok Josue-d’a, Josue mi yi azigar suma Israel-lâ pet, mi de mi suma avogozi suma a nga tit ki sed’ema ala: Agi hud’ugïya, agi tinigi asegi kä kel amulei ndazina. A hud’ïya, a tin asezi kä keleziya.

Vama ndum mbeina 20:15

Sama lara pî ma fum nga simiyêm b’ira kä kur mbaktum mba ari ndata d’uo na, a gumî kur apo d’a akud’a.