Wana ni mbaktumba hi Aze-d’a 2:5 - Bible azumeina

⁵ Agi djib’eregi yam vun ma djin ma an Ma didina ni djinim ki sed’egi ata yima agi buzugugï woi kur Ezipte ma ala Muzuk mana mi nga adigagiya, ar agi lagi mandar ruo na.

Wana ni mbaktumba hi Aze-d’a 2:5 Iomraidhean Croise

2 Sunda Hamuleinid’a 20:17

Ni agi ba, mba durugi ayîna d’i. Agi minigi tagiya, agi i tchologi hina en, agi mba wagi sut ta an mba ni sud’ugid’a. Agi suma Juda-na ki suma Jerusalem-ma, agi lagi mandar ri, ar tagi tchuk lus suo mi! Ndjivin agi i ngavaziya, an mba ni i ki sed’egi mi!

Nehemi 9:20

Ang hazi Muzuk mang ma djivina á mbud’uzi suma ned’a, ang d’elezi nga man ma ang hazizi á ted’ina d’i, ang hazi mbina yam vunazi ma sona mi.

Nehemi 9:30

Ang ve tang ki sed’ezi kur bizad’a ablaud’a, ang gigid’ezi ki Muzuk mangâ ki mang suma djok vuna mi. Wani azi tin nga humazi d’i. Ata yi máma ang hazi woi abo andjaf suma dingâ.

Buzuk ka Abud’a 19:4

Ma didina mi dala: Agi tagi wagi vama an lum ki Ezipte-na, an yogï geven d’igi agigilauna mi yo groma gigingâm na.

Buzuk ka Abud’a 19:6

Agi mba mbud’ugi ni leu man nda ngat buzuna, andjaf ma a tinim iram vama mi. Wana ni zla d’a ang i dat mi Israel-lîd’a.

Buzuk ka Abud’a 24:3

Moise mi mba, mi de zla d’a Ma didina mi dumzid’a ki vun ma he ma mi humzina pet mi Israel-lâ. Israel-lâ ki zla tazi pet a hulongôm zla d’a ded’a ki vun ma tuna ala: Ami mba lami ahlena pet suma Ma didina mi dami kazina.

Buzuk ka Abud’a 24:8

Moise mi go buzu ma kä kur halîna, mi yamam yam Israel-lâ, mi dazi ala: Wana ni buzu ma Ma didina mi djin vunam kam ki sed’egi yam zla d’a pet ta mam dagizid’ina.

Buzuk ka Abud’a 34:10

Ma didina mi de mi Moise ala: Gola! An nga ni djin vunan ki sed’egiya, an mba ni lahle suma atchap suma a lazi nga yam andagad’a d’oze aduk andjaf suma d’uo na ir sum mangâ. Israel suma a nguyungâ pet, a mba we sun nda ndandal la an mba ni ndagat vunat ki sed’enga.

Buzuk ka Abud’a 34:8

Moise mi grif kä atogo zak, mi kud’or Ma didina.

Isai 41:10

Agi lagi mandar ri! An nga ki sed’egiya. Agi mbud’ugi tagi hohoud’a d’i, kayam an nAlo magina, an nga ni siragiya, an nga ni mba á ndjunugiya, an nga ni ndjunugi kabon ma ndjuf ma kus ayîna.

Isai 41:13

Kayam an ni Ma didina Alo magi ma ni vagi abogi ma ndjufâ akulona, an nga ni dagiya: Agi lagi mandar ri! An nga ni mba á ndjunugiya.

Zakari 8:13

Agi suma kur leu d’a Juda-d’ina ki suma kur leu d’a Israel-lina, adjeu agi mbud’ugi ni d’igi suma a gazi vunina na aduk andjaf suma, wani ki tchetchemba, an nga ni sud’ugiya, agi mba mbud’ugi ni suma a b’e vuna kazina. Agi vagi tagi ad’enga, ar agi lagi mandar ri!

Zakari 8:15

Wani ki tchetchemba, an nga wa hurun á lagi agi suma Jerusalem-ma ki suma Juda-na djivid’a. Ar agi lagi mandar ri!

Matiye 28:5

Wani malaikana mi de marop ndazina ala: Agi lagi mandar ri, kayam an wala agi halagi ni Jesus ma a b’alam akulo ata agunina.

Sunda hi suma a sunuzinid’a 27:24

mi dan ala: Paul, ar ang le mandar ri; mbeî ang mba tchol avok ma te yamba Sesar. Alona, kur djivi mam mba kanga, nga mi ngom arid’a hi suma a nga tit ki sed’engâ pet mi.

Josue 1:9

Ni an ba ni hang vuna d’uo zu? Ang ve tang ad’enga, ang so tangû, ang le mandar ri, ang ar vunadigang pat tuo mi. Kayam an Ma didina Alo mangâ ni nga ki sed’eng ata yima lara ge pet ma ang mba i kuana.

Josue 8:1

Ma didina mi de mi Josue ala: Ang le mandar ri, ar vunadigang pat tuo mi. Ang yo suma dur ayîna ad’ung pet, ang tchola, ang i dur Aï. Gola! An hang wa amul ma Aï-na ki sum mama, azì mam ma ngolâ kambas mamba pet abongû.

Vama ndum mbeina 1:17

Ata yima an wuma, an puk kä asem d’igi sama matna na, wani mi tin abom ma ndjufâ kanu, mi dan ala: Ang le mandar ri; ni an Ma avo’â, ni an Ma danana.

1 Samuel 12:20

Samuel mi hulong dazi ala: Agi lagi mandar ri; agi lagi tchod’a gagazi, wani ar agi walagi woi ki Ma didina d’i, ar agi lúm sunda ki hurugi pet.