Wana ni mbaktumba hi Aze-d’a 2:22 - Bible azumeina

²² an mba ni zut amuleina kä woi yam zlumiyô mazina, an mba ni b’lak ad’enga handjaf suma a nga te leud’ina woyo, an mba ni zut pus ma dur ayîna ki suma a nga djangâma kä, an mba ni puk akulumeina ki suma a nga djangâzina kä, nge nge pî mba mi tchi ndrama ki mbigeu d’a fiyaka mi.

Wana ni mbaktumba hi Aze-d’a 2:22 Iomraidhean Croise

2 Sunda Hamuleinid’a 15:6

Andjaf ma dingâ nga mi dur ayîna ki ndram andjaf ma dingâ, azì ma ngolâ nga mi dur ki ndram azì ma ngolâ mi, kayam Alona mi b’lagazi djib’er mazid’a woi ki ndak ka lara ge pet.

2 Sunda Hamuleinid’a 20:22

Ata yima azi tin ad’ud’a á hle sawala á gile Ma didinina, Ma didina mi sunï suma á bur suma Amon-na ki suma Mowap-ma ki suma a tcholï yam ahina d’a Seir-ra suma a mba ata suma Juda-na á durîna kä, a tchaziya.

2 Sunda Hamuleinid’a 20:23

Suma Amon-na ki suma Mowap-ma a nde yam suma a tcholï yam ahina d’a Seir-rina, a tchazi woi kakaf. Ata yima a dabazi woi da na, azi tazi nde dur taziya, a dap tazi tchid’a woi pet mi.

Sawal la giled’a 46:9

Agi mbeyegi gologi sun nda Ma didina mi lata, agi gologi sun nda ndandal la mi lat yam andagad’id’a.

Sawal la giled’a 76:6

Suma dur ayî suma ad’engâ, a hurumuziya wa, azi pet a bur wa sen ma ki irazi fafatna. Suma dur ayî ndazina, ad’engêzi d’a dur ayîna nga d’uo d’a.

Buzuk ka Abud’a 14:17

Wani anu, an nga ni b’al hur suma Ezipte-na kiki tala a tchuk tazi tita kä blogogi kur aluma d’a. An mba ni mbut ni vama subura yam Faron ki azigar mama pet ki pus mam ma dur ayîna ki mam suma djang akulumeina mi.

Buzuk ka Abud’a 14:28

Mbina mi hulongî kusa kä, mi hlup pus ma dur ayîna ki suma djang akulumeina ki azigarâ hi Faron-nina pet. Suma a tchuk kä kur alum ma ngolâ bugol Israel-lîna, sa tu pî mi ar ri.

Buzuk ka Abud’a 15:19

Kayam akulumeina hi Faron-na ki pus mam ma dur ayîna ki mam suma djang akulumeina a tchuk kä hur alum ma ngolâ. Ma didina, ang kus mbiyo alum ma ngolâ kä kaziya, wani Israel-lâ a tit aduk alum ma ngolâ kasezi sod’a tchitching.

Buzuk ka Abud’a 15:4

Mi tchuk pus ma dur ayîna hi Faron-nina ki azigar mama kä kur alum ma ngolâ. Mam suma gangrang suma dur ayîna, alum ma ngol ma Tchereuna mi hlubuzi kä.

Isai 19:2

Ma didin ma ad’engêm kal petna mi dala: An nga ni zut Ezipte-na á kak djangûna ata taziya. Nge nge pî mba mi dur ki wiyema, nge nge pî mba mi kak djangûna ki banama, azì ma ngolâ mba mi kak djangûna ki ndram azì ma ngolâ, leud’a mba d’i kak djangûna ki ndrat leud’a mi.

Isai 60:12

Andjaf suma d’oze andjaf suma kur leud’a a mba lak sunda d’uo na, a mba tchazi woyo; andjaf máma a mba dabam mbei pepet mi.

Isai 9:19

A nga hurum ahlena abo ma ndjufâ, wani meid’a nga d’i arazi d’i, a nga hurum ahlena abo ma gulana, wani a nga hop pi. Nge nge pî nga mi mut ni hliwim mam tamba.

Ezekiyel 21:27

Vama tagam lovota yam Jerusalem-ma mi nga ved’a abom ma ndjufâ. Mba mi he vuna mi suma tchi suma á tchi wulula, á min vama to gulumuna kä woina, á ndjar vama to gulumuna avun agre’â, á mbu andagad’a akulo ad’u azina, á ka azigar suma ayîna woi dudup mi.

Ezekiyel 26:16

Amulei suma avun alum ma ngolîna pet a mba tchuk asezi kä woi yam zlumiyô mazi suma amula, a mba fok baru mazi d’a nglod’a woyo, a mba ar baru mazi ma d’udjod’a woi mi, a mba tchu’î mandarâ atazi d’igi baruna na, a mba ka’î kä andaga. Ata yima lara pî a mba zlaga, a mba mbut hohoud’a kang mi.

Ezekiyel 38:21

An mba ni yi ahle suma dur ayîna kang teteng á mbud’ung mandarâ, sama lara pî mba mi mbut iram mi tchi ndrama. An Salad’a Ma didina ni de na.

Ezekiyel 39:20

Agi mba hobogi ki te ma yam tabul manina ki hliwa akulumeina ki hliwa azigar suma a ndjangâzina ki hliwa azigar suma gangrangâ ki hliwa azigar suma arâ pet mi. An Salad’a Ma didina ni de na.

Daniel 8:25

Ki lem mamba mba mi i avogovok ki mbut ir mamba, mba mi hle yam akulo, mba mi b’lak suma a nga kaka tchugotna woi ablaud’a, mba mi tchol djangûna kamulâ hamuleinina. Wani mba mi kus sei bei sa mi tin abom atam ba.

Amos 2:15

Sama mi we yet yeûd’a heîna mba mi fe lovota á tchol li, sama ring heîna mba mi fe lovota á sut tam mbi, sama djang akuluma mba mi fe lovota á sut tam mbuo mi.

Mise 5:10

An mba ni b’lagagi azì magi ma nglo ma kur ambas magid’ina woyo, an mba ni b’lagagi azì magi ma ad’eng ma ngunguna woi pet mi.

Mise 5:8

Ang hlabong akulo yam mang suma djangûna, ar ang kizagazi woi pet!

Mise 5:9

Ma didina mi dala: Kur bur máma an mba ni tchagi akulumei magina woyo, an mba ni b’lagagi pus magi ma dur ayîna woi mi.

Mise 7:16

Andjaf suma ki sib’ik mazid’a hina pet pî, a mba we, a mba mbut zulona, a mba tin abozi avunaziya, humazi mba d’i ngel lei mi.

Sofoni 3:8

Ni kayam ndata ba, an Ma didina ni dagiya: Agi djubundi gak bur ma an tchol akulo á vagi ki zlad’ina, kayam an ni nga hurun á tok andjaf suma, á tok leud’a tu, á mba kayî man ma bibiliuna kaziya, kayam an mba ni ngal ambasa woi pet kayî man ma aku ma bibiliuna.

Zakari 10:11

A mba djak alum ma ndaka, a mba wat abilâ halum ma ngolîna, galilei ma yiyi’â halum ma Nil-lîna pet mba mi so woyo. Subur tad’a hi Asiri-nid’a mba d’i hulong kä, ad’enga hi suma Ezipte-nid’a mba d’i dap peyo.

Zakari 10:5

Azi mba mbut ni d’igi grang suma durâ na, a mba miret suma a duruzina kä kasezi d’igi a miret lubuna kä kur lovota na, a mba duruziya, kayam an Ma didina mba ni kak ki sed’eziya. Suma djang akulumeina hi mazi suma djangûnina a mba mbut zulona.

Zakari 12:9

Ma didina mi de kua ala: Kur bur máma an mba ni mba á b’lak andjaf suma pet suma a mba mba á dur ki suma Jerusalem-mina woyo.

Zakari 14:3

Ma didina mba mi nde woi á dur kandjaf sum ndazina d’igi mam nga mi dur adjeu dei kur bur ma ayîna na.

Zakari 9:10

An mba ni yo pus ma dur ayîna hi suma Efraim-mina woyo, an mba ni yo akulumei suma Jerusalem-ma woyo, an mba ni yo yeû d’a dur ayîna woi mi. Amul máma mba mi de zla b’leng nga halasa mandjaf suma, mba mi te leud’a gak avun dabid’a handagad’id’a, avun alum ma ngolâ abo hî abo hî mi.

Matiye 24:7

Kayam andjaf ma dingâ mba mi tchol djangûna kandjaf ma dingâ, leu d’a dinga mba d’i tchol djangûna ki leu d’a dinga, baktarad’a mba d’i nde, andagad’a mba d’i yir gigidji ata yina teteng mi.

Vama ndum mbeina 11:15

Malaika ma kid’iziyana, mi bu adif mamba. Del la teteng nga tcholï akulod’a ti dala: Ki tchetchemba, ad’eng nga te yam duniyad’id’a ni hi Saleina azi ki Christ mama. Mam mba mi te yam suma gak didin.

Suma ka sariyad’a 7:22

Suma kikis hindina a bu aduveina. Ma didina mi mbut suma kur kangîna irazi ir taziya; a nde tchi taziya. Suma kur kangîna a wet ringâ gak a mbaza Bet-Sita abo ma ir Serera-na gak a mbaza avun Abel-Mehola go ki Tabat.

1 Samuel 14:16

Suma ndjola hi Saul suma a nga avo Gibeya d’a Benjamin-ndina, a we ablaud’a hi Filistê-nid’a ti b’rau woi vivreng, nge nge pî mi i iram vamu.