Wana ni mbaktumba hi Aze-d’a 2:18 - Bible azumeina

¹⁸ Ki tchetchemba, agi djib’eregi yam ahle suma kalâ kahle suma inina. Ei kur bur ma dok mbà yam fid’ina hi til ma zlengîna dei gak mba kur bur ma a gäd’u gong nga kud’ora hi an Ma didinid’a kä na, agi djib’eregiya.

Wana ni mbaktumba hi Aze-d’a 2:18 Iomraidhean Croise

Esdras 4:24

Nata yi máma ba, a d’el sunda hi gong nga kud’ora hAlonid’a avo Jerusalem gak kur biza d’a mbà d’a Dariyus amul ma Perse-na nga mi tamulid’a.

Sunda hi suma hi Levi-nid’a 19:25

Kur biza d’a vahla, agi tazi vud’uziya, agi tchagazi mi, kayam an ni Ma didina Alo magina.

Wana ni mbaktumba hi Aze-d’a 2:10

Kur bur ma dok mbà yam fid’ina hi til ma zlengîna kur biza d’a mbà d’a Dariyus nga mi tamulid’a, Ma didina mi de mi mam ma djok vuna Aze ala:

Wana ni mbaktumba hi Aze-d’a 2:15

Ma didina mi de kua ala: Ki tchetchemba, agi djib’eregi yam ahle suma kalâ kahle suma inina. Avok ka bei tin ahinad’a yam ndrata ata gong man nda kud’ora tua d’a,

Zakari 4:9

Ni Zorobabel ba, mi gäd’u gong nga wanda kabomu, ni mam ba, mba mi dabat minda mi. Kur bur máma agi mba wagi ala ni Ma didin ma ad’engêm kal petna ba, mi sununï gevegiya.

Zakari 8:12

An mba ni mba ki b’leng nga halasa yam andagad’a, guguzlud’a mba d’i vud’a, andagad’a mba d’i wul awuna, akulod’a mba d’i salona ngola, an mba ni le djivi ndata mi man suma a mba arâ.

Zakari 8:9

Ma didin ma ad’engêm kal petna mi dala: Agi vagi tagi ad’enga! Ki tchetchemba, agi humugi zlad’a hi vun man ma hle ma suma djok vuna a dum zlam mbei adjeu ata yima a gäd’u gong man nda kud’ora kä á mindina.

Gat ta a hat á mbàd’id’a 32:29

Ladjï azi ni suma ned’a ni, a mba wäd’u ahle ndazina, a mba djib’er yam ahle suma a mba mba kazina.