Wana ni mbaktumba hi Aze-d’a 2:17 - Bible azumeina

¹⁷ Ma didina mi de kua ala: An sogi awu magina woyo, an kizagagi awu magina woi ki mogoina, an tchagi awu magina woi mogod’a, an b’lak sun nda lara ge pet ta agi lat kabogid’a woyo. Hina pet pî, agi gid’iyêgï nga geven ndi.

Wana ni mbaktumba hi Aze-d’a 2:17 Iomraidhean Croise

Ad’u Tinda 42:23

Azi we nga d’ala Josef nga mi hum vun mazinä d’a d’i, kayam azi djok vuna ni djoga aduk taziya.

Ad’u Tinda 42:27

Kid’a azi tchuk kä á burâ glovota, ma dingâ tu, mi but vun bid’im mamba á hawuna mi korona, mi fe bege mamba ged’a avun bid’imba.

Ad’u Tinda 42:6

Josef ni sama yam andaga d’a Ezipte-d’a aboma, mi nga mi gus awuna woi abo suma ding suma a mba kur ambas ndatina. Josef b’oziyoma a mba go, a grif kä avoromu, a tchok yazi kä andaga.

1 Amuleina 8:37

Fata baktarad’a ti nde yam andaga ndatid’a, d’oze tugud’ei d’a tcho d’a tchi matna ti nde, d’oze ahlena a nga so abo huwaka akulo kaseziya, d’oze teb’rezena ki djera a mba adesâ adesâ, d’oze suma djangûna a nga djop vun Israel-lâ, a nga lazazi gak kur aziyazi ma ad’eng ma ngunguna, d’oze le b’lak ka lara ti mba, d’oze tugud’ei d’a lara pî,

2 Sunda Hamuleinid’a 28:22

Amulâ Ahas kur ndaka hina pî, nga mi i avogovok ki sun nda ata yat tuo d’a avok Ma didina.

2 Sunda Hamuleinid’a 6:28

Fata baktarad’a ti nde yam andaga ndata, d’oze tugud’ei d’a tcho d’a tchi matna ti nde, d’oze ahlena a nga so abo huwaka akulo kaseziya, d’oze teb’rezena ki djera a mba adesâ adesâ, d’oze suma djangûna a nga djop vun Israel-lâ, a nga lazazi gak kur aziyazi ma ad’eng ma ngunguna, d’oze le b’lak ka lara ti mba, d’oze tugud’ei d’a lara pî,

Wana ni mbaktumba hi Job-pa 36:13

Suma tchona a nga zut tazi kur ayîna, a nga yAlona á ndjunuzi ata yima mi djinizina d’uo mi.

Sawal la giled’a 128:2

Ang mba fe mbina yam sun nda ang lat kabonga, ang mba le furîd’a, ang mba i avogovok mi.

Sawal la giled’a 78:46

Mi tchuk abara ata awu mazina, djera ti b’lagazi ahle suma azi kau tazi ki sed’ezina woyo.

Isai 28:2

Gola! Sama ad’eng ma sib’ik ma Salad’a mi sunumina nga mi djïya. Mi ni d’igi alo ma se ki mogoinina na, mi ni d’igi babar ma ngol ma mi b’lak ahlenina na, mi ni d’igi alo ma mi se mbina heî ma hle yina d’igi toliyonda na na. Mam mba mi b’lak yam andagad’a woi kad’enga na mi.

Isai 37:27

Suma kuruma ad’engêzi ndak á tchol avorong ngi. A le mandarâ ngola, a mungôr mi. Azi mbut ni d’igi asu ma abageina na, azi mbut ni d’igi asu ma d’uf awilina na, azi ni d’igi asu ma deî yam gongîyona akulo ma so woi bei mi djeng ba na na mi.

Isai 42:25

Kayam ndata, mi mba kayî mam ma bibiliuna kaziya, mi mba kayî ma dur ma tchona kazi mi. Nga mi ngalazi ata yima lara ge pet, wani azi min nga á we va tu d’i. Mi nga mi ngalaziya, wani a nga tin humazi kam mbi.

Isai 62:8

Ma didina mi gun tam kabom ma ndjufâ ki bigam mba sib’ika ala: An mba ni ar mak suma djangûna a mba tawu ma’â d’uo d’a, an mba ni ar andjaf suma dingâ grozina a mba tche süm guguzlu d’a ndak zumuta d’uo mi.

Isai 9:13

Kayam ndata, Ma didina mba mi ka yamba kandjaud’a kabo amilaûna ki tchereuna woi aduk Israel-lâ kur bur ma tuna mi.

Jeremi 3:24

Kid’a ami ki gugurei tami deid’a, Bäl ma zulona mi dap ahlena habuyomi ngolona ted’a, nala, d’uwar mazi ma gureina ki d’uwar mazi ma nglona, grozi suma andjofâ ki grozi suma aropma mi.

Jeremi 5:3

Ma didina, ang halî d’engzenga d’uo zu? Ang toziya, wani a gol to ndata ni va d’i. Ang lazi á dabazi woyo, wani azi hum nga gat ndata d’i. A le yam mba ad’enga, a noî á hulongî gevengû.

Amos 4:6

An sunï baktarad’a kur azì magi ma nglona pet. Agi nga fagi tena avo hatagi d’i. Hina pet pî, agi hulongôgi nga geven ndi. An Ma didina ni de na.

Wana ni mbaktumba hi Aze-d’a 1:11

Ni hina ba, an mba ki baktarad’a yam ambasa, yam ahuniyôna, yam asine ma awuna, yam ma guguzlud’a, yam ma olifâ, yam ahle suma a nga vut yam andagad’ina, yam suma, yam d’uwarâ, yam sun nda lara ge pet ta suma a nga lat kabozid’a mi.

Wana ni mbaktumba hi Aze-d’a 1:6

Agi nga zumugi ngola, wani agi nga dud’ugi akid’eid’a; agi nga tagiya, wani agi nga hobogi d’i; agi nga tchagiya, wani nga vagi laud’a d’i; agi nga tchugugi baruna atagiya, wani tagi nga d’i ve d’ut ti. Sama le sunda nga mi ve bege mamba, wani nga d’i ndagam mbi.

Wana ni mbaktumba hi Aze-d’a 1:9

Agi nga tinigi hurugi yam ahlena ngola, wani agi nga fagizi akid’eid’a; agi nga mbagi kahlena avo ngola, wani an nga ni fozi woyo. Ni kayam me ge? Ni kayamba gong manda nga b’laka kä woid’a, wani agi nge nge pî nga mi b’at tam á min aziyamu.

Wana ni mbaktumba hi Aze-d’a 2:16

ata yima sana mi tin hurum ala mi i ata awu mama mi yo ni dok mbà na, mi yo ni dogo go, ata yima sana mi tin hurum ala mi i ata süm guguzlu mamba ti selî dok vazlu na, ti selî dok mbà go mi.

Malatchi 3:11

An mba ni d’el vun ahle suma a b’lagagi ahligiyegina; a mba b’lagagi vud’ahle magi suma yam andaga magid’ina d’uo; guguzlu magid’a mba d’i ba bei vuta d’uo mi.

Gat ta a hat á mbàd’id’a 28:22

Ma didina mba mi tumugi ki tugud’ei d’a itna ki ta d’a kumura ki tugud’ei d’a hopma. Awu magina mba mi so woyo, mba mi tchora, tcheîd’a mba d’i tchum mbei mi. Ahle ndazina a mba lagi hina gagak agi mba dabagi woyo.

Vama ndum mbeina 2:21

An arat wa yina kayam ti mbut hurut yam tcho mata, wani ndat min mbut hurut yam mizeu matna d’i.