Habakuk 3:8 - Bible azumeina

⁸ Na ni Ma didina, ang hurung zalî yam toliyonda zu? Na ni ang hurung zalî yam aluma zu? Ang nga djulul kayîna ata yima ang ful yam akulumeina, ang ful kur pus mang ma kus ayînina ni yam alum ma ngolâ zu?

Habakuk 3:8 Iomraidhean Croise

Sawal la giled’a 104:3

Ang nga min aziyang akulo yam mbina, ang mbut d’ugula d’igi pusâ hakulumeinina na, ang nga dal akulo yam simetna.

Sawal la giled’a 114:3

Alum ma ngol ma Tchereuna mi waziya, mi ringâ, alum ma Jurdê-na mi gid’eî woi bugol mi.

Sawal la giled’a 114:5

Ang alum ma ngol ma Tchereuna, ni kayam me ba, ang ring nge? Ang alum ma Jurdê-na, ni kayam me ba, ang gid’eî woi bugol ge?

Sawal la giled’a 18:10

Mi hud’ï akulod’a kä, mi tchuk asem kä kad’u; d’ugul la wurad’a nga ad’um kä.

Sawal la giled’a 45:4

Ma ad’eng ma dur ayîna, ang djin mbigeu mang nga fiyaka furungû. Ti ta’î subur manga ki haheî manga mi.

Sawal la giled’a 68:17

Wani ni kayam me ba, ndak ahina d’a yak fuyogeid’a ablaud’a heîd’a, ndak nga d’i le yungôrâ yam ahina d’a Siyon nda Alona mi manat á kak kuad’a ge? Gagazi, Ma didina mba mi kak kua gak didin!

Sawal la giled’a 68:4

Wani suma d’ingêrâ a le furîd’a, a aî avok Alona, a nga lü ndjongâ ki hur ma hapma mi.

Sawal la giled’a 77:16

Ni kad’eng manga ba, ang prut sum mangâ Jakob groma ki Josef groma woyo. Tchol ndjö

Buzuk ka Abud’a 14:16

Wani ang hle totogo manga, ang hlabong akulo yam alum ma ngolâ, ang walam mbei aduk mbà. Israel-lâ a mba kal kur alum ma ngolâ kasezi sod’a tchitching.

Buzuk ka Abud’a 7:19

Ma didina mi de mi Moise kua ala: Ang de mi Aron ala: Ang hle totogo manga, ang hlabong akulo yam mbiyo ma Ezipte-na, yam toliyon mazid’a, yam apo alum ma Nil-lâ, yam apo mazid’a, yam golongeî mazina pet mi. Azi mba mbut buzuna. Buzuna mba mi oî kur ambas sa Ezipte-d’a pet, kur ahle mazi suma tche mbina suma aguna d’oze suma ahinad’a mi.

Buzuk ka Abud’a 7:20

Moise azi ki Aron a le d’igi Ma didina mi hazi vuna na. Aron mi hle totogod’a akulo, mi wat mbiyo alum ma Nil-lâ kä ir Faron kazungeî mama. Mbiyo alum ma Nil-lâ pet mi mbut buzuna.

Isai 19:1

Wana ni zla d’a a dat yam Ezipte-nid’a: Gola! Ma didina mi djak akulo yam d’ugul la djang heîd’a, nga mi djï avo Ezipte. Alona hi Ezipte-na pet nga mi zlak avoromu, Ezipte-na huruzi mi ka mbina mi.

Isai 50:2

An ni mba. Ni kayam me ba, an fe nga sa d’uo ge? An yiya. Ni kayam me ba, sa mi hulongôn nga humba d’uo ge? Na ni abon ni gid’enga á sut sa zu? Na ni ad’engên ndak á prut sa woi d’uo zu? An nga ni ngopa; alum ma ngolâ mi so woyo. An nga ni mbut alum ma gureina d’igi hur fulâ na, kuluf ma kuruma nga mi tchim mbeyo, nga mi bo woi abo vun ma sod’a mi.

Isai 66:15

Gola! Ma didina nga mi djï aduk akud’a, pus mam ma dur ayîna mi djangî d’igi mbirlimba na. Mi mbut ayî mam ma bibiliuna ni vama yo akud’a, mi mbut ngop mamba ni d’igi sin akud’a na mi.

Nahum 1:4

Nga mi ngop alum ma ngolâ, mi so woyo, nga mi so alum ma gureina woi pet, hat ma Basan-na ki ma yam ahina d’a Karmel-lina a nga lugod’a, b’o d’a Liban-nda ti yak kei mi.

Habakuk 3:15

Ang nga tit akulo yam alum ma ngolâ kakulumei mangâ, ang nga tit aduk mbiyo ma ngol ma nga mi sulul huhubupma mi.

Marik 4:39

Mi zlid’a akulo, mi ngop simetna, mi de mi mbiyo apod’a ala: Ang sengâ, ang ba! Ata yi máma, simetna mi tchol b’et, yina seng silil mi.

Vama ndum mbeina 16:12

Malaika ma karagayana, mi vo mama kur alum ma Efrat-na. Alum máma mi so woi á min lovota avok amulei suma a tcholï abo ma yorogonina.

Vama ndum mbeina 19:11

An we akulod’a ti mal leyo, akulum ma hapma mi nde woi kuru. Ma nga kama a yum ala Ma d’engzeng ma gagazina. Nga mi ka sariyad’a, nga mi dur ayî ma d’ingêrâ mi.

Vama ndum mbeina 19:14

B’rang nga akulod’a a nga tit ad’umu, a nga yam akulumei suma hobiyona. A tchuk baru ma luluî ma hap ma titilâ ataziya.

Vama ndum mbeina 6:2

An gola, an we akulum ma hapma. Ma mi nga kama, mi nga kagu yeûd’a aboma, a hum avavala mi. Mi nde mi i á kus ayîna, á kus kua mi.