Habakuk 3:6 - Bible azumeina

⁶ Alona mi tchol akulo, andagad’a nga d’i giged’a; nga mi gola, andjaf suma a nga zlaga; ahina d’a dedeid’a nga d’i wizek keyo, ahina d’a gurei d’a djodjohla nga d’i galal leyo. Lovota ti mal lei avoron d’igi ti nga nadjeu dedei na.

Habakuk 3:6 Iomraidhean Croise

Ad’u Tinda 49:26

B’e vun ma an b’angzi kangâ, mi kal b’e vuna habuyona, mba mi kak didin d’igi ahuniyô suma a nga adjeu dei gak didina na. Ar b’e vun máma pet mi kak yam Josef, yam ma an tinim iram vam aduk b’oziyomina.

Wana ni mbaktumba hi Job-pa 21:18

Tala azi mbut d’igi hububu ma simetna nga mi felema na, d’oze d’igi ahlapma mbirlimba nga d’i felema na d’a ge?

Wana ni mbaktumba hi Job-pa 9:5

Nga mi djok ahinad’a woi bei ti we ba, kur ayî mama nga mi ulozot ad’ut akulo kad’u.

Sawal la giled’a 103:17

Wani od’a hi Ma didinid’a ti nga ni yam suma a nga ringîm mandarama hina gak didin; d’ingêr mamba ti nga yam grozina ki grozi ngolona,

Sawal la giled’a 104:32

Ang gol andagad’a, andagad’a ti zlaga, ang do ahuniyôna, andosâ rip kaziya.

Sawal la giled’a 35:5

Ar azi mbut ni d’igi bra d’a simetna mi felet teina na, ar malaika mangâ mi digizi woi mi.

Sawal la giled’a 68:16

Ahina d’a Basan-nda nahinad’a hAlonid’a, ahina d’a Basan-nda nahina d’a yat ta fuyogeid’a ablaud’a heîd’a.

Sawal la giled’a 90:2

Avok kid’a ang bei lahuniyôna kandagad’a ki duniyad’a tua d’a, adjeu dei gak ini burâ ki burâ angî Alona.

Sawal la giled’a 97:5

Ahuniyôna a nga lau woi d’igi dubangâ na avok Ma didina, avok Salad’a ma te yam andagad’a petna.

Buzuk ka Abud’a 15:14

Andjaf suma dingâ a huma, a nga zlaga; mandarâ mi ve suma Filistê-na mi.

Buzuk ka Abud’a 15:15

Amulei suma Edom-ma, mandarâ mi vazi ngola; suma gangrang suma dur ayî suma Mowap-ma a nga zlaga. Suma Kanan-na pet a tchuk susub’ok.

Buzuk ka Abud’a 15:17

Ma didina, ang mba i ki sed’ezi á tinizi yam ahina mang nga ang mba tat djonid’a, yam yima ang min á kaka kuana, yam yima ang tanga gäd’u yima a mba kud’urong kuanina.

Buzuk ka Abud’a 19:18

Andosâ mi rip yam ahina d’a Sinai-d’a ririp, kayam Ma didina mi tchugï asem kä aduk akud’a. Andos máma mi tchol akulo d’igi andosâ halam mba ngolina na, ahinad’a ki zla tat pet ti giget ngola.

Buzuk ka Abud’a 21:31

Le amuhlâ mi tchok gor mandjuf foze gor atchad’a ni, a lum d’igi gat ndata ti de na mi.

Isai 51:6

Agi hlagi iragi akulo. Bugola, agi gologi iragi kä yam andagad’a. Kayam akulod’a mba d’i val lei d’igi andosâ mi val lei na, andagad’a mba d’i wak kei d’igi baru ma tumusa na, suma a nga kaka katna a mba bo woi d’igi arona mi bo woi na, wani sut manda mba d’i kak didin, d’ingêr manda mba d’i dap pei d’uo mi.

Isai 51:8

Ndjuvulâ mba mi tazi hliwizi d’igi mi te baruna na, mba mi tazi hliwizi d’igi mi te tumus tumiyôna na mi, wani d’ingêr manda mba d’i kak didin, sut manda mba d’i i avogovok kur atchogoid’a katchogoid’a.

Mise 5:8

Ang hlabong akulo yam mang suma djangûna, ar ang kizagazi woi pet!

Nahum 1:5

Nga mi giget ahuniyôna, yima ndingâ nga mi lau woyo. Andagad’a ki suma a nga kaka kurutna pet a nga hlakulo avorom hîhîb’iring.

Habakuk 1:12

Habakuk mi de kua ala: Ei dedei angî Ma didina Alo man ma bei tchod’a, ang nga mit ti. Ma didina, angî ahina manda, ang tin suma djangû ndazina, ang hazi ad’enga á gad’amiya.

Habakuk 3:10

Ahuniyôna a wangû, a nga zlaga; mbiyona nga mi djang oî kä yam andagad’a, zul la yiyika vunat nga mi tchi wü, abilâ nga mi sulul akulo huhubup mi.

Matiye 24:35

Akulod’a kandagad’a a mba kal leyo, wani zla manda mba d’i kal lei d’i.

Wana ni Zla d’a Djivi d’a Luc mi b’irita 1:50

Kur atchogoi d’a lara ge pet mam mba mi we hohowa suma a nga lum mandarama.

Sunda hi suma a sunuzinid’a 17:26

Nata sama tuna ba, mi le andjaf suma pet suma a nga kaka yam andagad’ina. Mi ngazi atchogoi mazid’a ki ir haga mazi d’a kaka,

Gat ta a hat á mbàd’id’a 32:8

Kid’a Ma kal teglesâ mi b’rau andagad’a mi sumid’a, mi tin ir hagad’a handjaf sumid’a, mi tin suma lara pî ata yazi ngad’a yam andjafâ hi Jakob-ma.

Gat ta a hat á mbàd’id’a 33:15

kahle suma djivi suma yam ahina d’a dedeid’ina, kahle suma djivi suma yam ahina d’a djodjohl hla dedeid’ina mi,

Hebre-na 13:8

Jesus Christ ni ma bei mbuta ba na, ni ma kama, ini gak didina mi.

Josue 10:42

Josue mi hlambasa kamulei matna pet ni kur nde d’a mi ndeza durâ yam tu ndata, kayam Ma didina Alona hi Israel-lîna nga mi dur kaziya.

Suma ka sariyad’a 5:5

Ahuniyôna a zlak avok Ma didina, Sinai pî ti zlak avok Ma didina Alona hi Israel-lîna mi.