Habakuk 3:4 - Bible azumeina

⁴ Wile mamba ni d’igi b’od’a hafatid’a na, wile ndata ti tcholï nabomu. Nata yi máma ba, ad’eng mamba nga ngeid’a kua.

Habakuk 3:4 Iomraidhean Croise

Nehemi 9:12

Ki faleid’a ang tinizi d’ugula tchola avorozi gongzong, andjege ang tinizi akud’a tchola avorozi gongzong á b’o lovota woi avorozi á tita.

Wana ni mbaktumba hi Job-pa 26:14

Wana ni sun mamba vunat ma akid’eina; ei humut ni hina nde nde wü d’a. Wani ni nge ba, mi ndak á wäd’u breîd’a hi sib’ik mambid’a ge?

Sawal la giled’a 104:2

angî ma tchuk b’od’a atang d’igi sana mi tchuk baruna atam na na, ang gang akulod’a d’igi sana mi gang azid’a akulo na mi.

Sawal la giled’a 18:12

Mi mbut nduvunda ni yi mam ma ngeid’a, ni zlub’u mam mba nguyumba; alo ma sed’a ki d’ugul la wurad’a a nguyum mi.

Buzuk ka Abud’a 13:21

Ma didina nga mi tit avorozi falei kur d’ugul la tchola gongzonga á tagazi lovota, andjege nga mi tit avorozi aduk aku d’a tchola gongzonga á b’ozi yina woi avoroziya, kayam azi tit andjege ki faleya.

Buzuk ka Abud’a 14:20

nga d’i rumî yina yam suma dingâ, nga d’i b’o yina kur andjeged’a yam suma dingâ mi. Kayam ndata, kang ma mbà máma mi fe nga lovota á ngaf tam kur andjege ndata d’i.

Zla d’a d’ogolâ 18:10

Simiyê Ma didina ni gong nga ndjol la fiyak ka ad’eng nga ngungud’a, sama d’ingêrâ nga mi ring kua, mi kak ki halasa.

Ezekiyel 1:27

An we vama dingâ kua d’igi kawei ma hleu ma a hegem mbeina na. Nga mi ngal wiwilik, hle tam d’igi aku d’a nga d’i b’o yina woi gevet peta na. Tinï ad’ud’a kä ata ata vama he tam d’igi fur sana na na dei gak i kam akulo, tinï ad’ud’a ata furum dei gak i kä andaga, an we vama hle tam d’igi akud’a na b’o nguyum mbei d’uhl mi.

Ezekiyel 43:2

Ata yi máma an we subura hAlona hi Israel-lîd’a ti tcholï abo ma yorogona. Ti nga d’i siwel d’igi mbiyo alum ma ngolâ vunam nga mi tchi wü na, wile mata nga d’i b’o yam andagad’a mi.

Matiye 17:2

Tam mbi mbut vat zenen avoroziya, iram mbi mbut ngal wiwilik d’igi afata na, baru mamba ti mbut hapa titil d’igi b’od’a na mi.

1 Timote 6:16

Mam tu ni ma bei matna, ni ma nga kaka kur b’o d’a sana mi ndak á hut go gevem mbuo d’a. Ni ma sa wum nga d’uo na, ni ma sa mi ndak á wum mbuo na mi. Hud’a kad’enga ni mamba gak didin. Amin!

Vama ndum mbeina 21:23

Azì máma nga mi min afata d’oze tilâ á b’o kurum mbi, kayam subura hAlonid’a nga d’i b’o kurumu, Gor timina ni lalam mamba mi.

Vama ndum mbeina 22:5

Andjeged’a nga kua d’i. Azi min b’od’a hi lalambid’a, d’oze hafatid’a d’i, kayam Salad’a Alona mba mi b’o kaziya, azi mba te leud’a ki sed’em gak didin.