Habakuk 3:3 - Bible azumeina

³ Alona mi tcholï Teman; Ma bei tchod’a ba na mi tcholï yam ahina d’a Paran-nda. Tchol ndjö Ngol mamba ti duk ir akulod’a, subur mamba ti oî yam andagad’a.

Habakuk 3:3 Iomraidhean Croise

Ad’u Tinda 21:21

mi ka’î kur ful ma Paran-na; asum mbi vum gor ra Ezipte-d’a.

Ad’u Tinda 36:11

Elifas groma ba wana: Teman, Omar, Sefo, Gatam ki Kenas.

1 Amuleina 11:18

A tchol avo Madiyan, a i hur ful ma Paran-na. Ata yi máma a yo suma hiuna ad’uziya, a i ki sed’ezi avo Ezipte gen amulâ Faron. Faron mi he Hadat azina kandagad’a, mi hlum vunam á hum tena mi.

Sawal la giled’a 113:4

Ma didina mi nga kaka akulo yam andjaf suma pet. Subur mamba ti kal akulo yam hur alona.

Sawal la giled’a 148:13

Ar agi pet gilegi simiyê Ma didina, kayam simiyêm mam tu ni ma kal petna; subur mamba nga d’i te yam andagad’a kakulod’a mi.

Sawal la giled’a 3:2

Ma didina, man suma djangûna nablaud’a; suma ablaud’a a kak djangûna ki sed’enu;

Sawal la giled’a 3:4

Wani ang Ma didina, angî mbarei man nda ngomonda, angî subur manda, angî ma hlan yan akulona.

Sawal la giled’a 4:4

Agi wagi ala Ma didina mi wan hohowon ngola; ata yima an nga ni yuma, nga mi humunu.

Sawal la giled’a 48:10

Alo mamina, ami nga djib’eremi yam o manga kur gong mang nga kud’ora.

Sawal la giled’a 68:17

Wani ni kayam me ba, ndak ahina d’a yak fuyogeid’a ablaud’a heîd’a, ndak nga d’i le yungôrâ yam ahina d’a Siyon nda Alona mi manat á kak kuad’a ge? Gagazi, Ma didina mba mi kak kua gak didin!

Sawal la giled’a 9:16

Andjaf suma bei wAlona a puk kä kur zul la azi tazi djugud’ota, asezi mi tchuk kur dau ma azi tazi ngeyem kä na.

Sawal la giled’a 9:20

Ma didina, ang tchol akulo, ar sana mi kus ayîna d’i, ar andjaf suma bei wangâ sariya manga ti vaziya.

Buzuk ka Abud’a 20:18

Israel-lâ pet a hum breîd’a halonid’a ki tchina hadifina, a we wiled’a kandos ma nga mi d’us yam ahinad’ina, a nde zlaka abo ahle ndazina, a tchol sä woi hina dei.

Isai 31:1

Ni zla d’a hohoud’a yam suma a nga i Ezipte á hal ndjundina. Azi ni suma a deng tazi yam akulumeinina, ni suma a tin huruzi yam pus ma dur ayîna yam ablau mambina, ni suma a tin huruzi yam suma djang akulumeina ala a ad’enga heyû na. Wani azi ni suma a nga tin irazi yam Ma tin tam irat vat yam Israel-lîna d’uo suma a nga hal Ma didina d’uo mi na.

Isai 6:3

A nga er ad’uzi akulo aduk tazi ala: Ma bei tchod’a, Ma bei tchod’a, Ma bei tchod’a ni Ma didina Alo ma ad’engêm kal petna! Subur mamba ti oî yam andagad’a pepet.

Isai 64:3

Sa mi hum nga zla d’a de d’oze mi we nga alo ma ding ma d’igi ang na ma mi lahle suma hina na yam sama nga mi djubuma yam tu d’i.

Jeremi 49:7

Wana ni zla d’a a dat yam suma Edom-mid’a: Ma didin ma ad’engêm kal petna mi dala: Na ni sama ne nga avo Teman nduo zu? Mazi suma de d’alâ a dap pei zu? Ne mazid’a ti b’lak kei mi zu?

Ezekiyel 43:2

Ata yi máma an we subura hAlona hi Israel-lîd’a ti tcholï abo ma yorogona. Ti nga d’i siwel d’igi mbiyo alum ma ngolâ vunam nga mi tchi wü na, wile mata nga d’i b’o yam andagad’a mi.

Amos 1:12

an mba ni do akud’a ata azì ma Teman-na, ti mba d’i ngal azì ma ad’eng ma ngungu ma Bosra-na woi mi.

Abdiyas 1:9

Agi suma Teman-na, mandarâ mba mi ve grang magi suma durâ, azigar suma kur ambasina pet, a mba tchazi woi mi.

Habakuk 2:14

Kayam andagad’a pet mba d’i oî ki wed’a hi Ma didin ma subura, d’igi mbiyona mi oî kur alum ma ngolâ na.

Ndumba 10:12

Israel-lâ a tchol kur ful ma Sinai-na a nde id’a d’igi a hazi vuna á id’a na. D’ugula ti i tchol hur ful ma Paran-na.

Gat ta a hat á mbàd’id’a 33:2

Mi dala: Ma didina mi tcholï yam ahina d’a Sinai-d’a, mi mba mi tak tam mbei kazi yam ahina d’a Seir-ra, mi b’o yina woi yam ahina d’a Paran-nda. Mi ndeï aduk malaika mam suma dudubuna, gat ta akud’a nga ved’a abom ma ndjufâ kaziya.

Gat ta a hat á mbàd’id’a 5:24

Agi dagi ala: Gola! Ma didina Alo meina mi tagei subur mamba ki ngol mamba, ei humum delem aduk akud’a ini, ei wei ala Alona mi ndak á de zlad’a ki sana, sa máma mi ar bei matna mi.

1 Samuel 25:1

Samuel mi mid’a. Israel-lâ pet a tok á tchimu, a tozom avo hatam Rama. Ata yi máma David mi tchol mi i hur ful ma Paran-na.