Habakuk 3:16 - Bible azumeina

¹⁶ An hum hina, wani vunadigan ndi pad’a. Kid’a an hum siwel ndatid’a, vunan nde zlaka, tan ndi tchuk susub’ok, asen mi nde zlaka kikib’i mi. An ni kak tchugot á djup bur ma ndak ma ang Alona mba ka sariyad’a yam suma a mba mba á lami tchod’ina.

Habakuk 3:16 Iomraidhean Croise

Wana ni mbaktumba hi Job-pa 30:17

Andjege asogon nga mi mud’un krovo, pupuluka nga d’i aran hina ta d’i.

Wana ni mbaktumba hi Job-pa 30:30

Babagan ndi mbut wurad’a, nga d’i fok keyo; asogon mi ngal lei abo ta d’a kumura.

Sawal la giled’a 119:120

Hliwin nga mi zlak ki mandarâ djidjik avorongû, an nga ni ring mandara sariya mang nga kad’a mi.

Sawal la giled’a 91:15

Le mi yanu ni, an mba ni humumu. An mba ni ndjunum kur ndak mamba, an mba ni prud’um mbeyo, an mba ni suburum mi.

Zla d’a d’ogolâ 12:4

Atcha d’a ndak avun tat memeta navaval la yam ndjuvuta, wani atcha d’a mba ki zulonid’a, ti ni d’igi ndjuvul ma mi mut aduk asok ndjuvutna na.

Zla d’a d’ogolâ 14:30

Hur ma ab’lengâ ni djivid’a yam hliu tad’a, wani yungôrâ ni ndjuvul ma mud’ung aduk asogongâ.

Isai 21:3

Kayam ndata, furun nga mi tanu, ndaka nga d’i lan d’igi ndaka ti latcha d’a vuta na, tcha d’a tatad’a ti d’elen bei hum zlad’a, mandarâ mi d’elen á we yina mi.

Jeremi 23:9

Wana ni zla d’a Jeremi mi dat yam suma djok vunid’a: Hurun b’lak kurun krovo, asogon pet nga mi zlaga. An mbut ni d’igi sama mi gurut ki sümina na, d’igi sama mi hle titigir abo süm guguzlud’ina na yam Ma didina, yam zla mam mba yed’eta mi.

Jeremi 30:7

Ni ndaga me na ge! Ni bur ma tchona; bur ma d’igi mam na na nga d’i! Ni yima ndaka yam andjafâ hi Jakob-ma. Hina pet pî, a mba sut tei bei va mi lazi ba.

Jeremi 4:19

Hurunu! Hurunu! Hurun nga mi tan kurun krovo bobor, vunadigan nga d’i tumunu, an ndak á bad’a d’i, kayam an nga ni hum tchina hadifina ki tau d’a ayîna.

Jeremi 5:15

Ma didina mi de kua ala: Agi Israel-lâ, gola! An nga ni mbeï kandjaf ma dingâ ata yima dedeina á durugiya. Nandjaf ma ad’engâ, nandjaf ma mi nga adjeu dedeina, nandjaf ma agi humum nga vunam mbuo na, ni ma agi nga wagi ad’u vama mam nga mi duma d’uo na mi.

Hor ma tchina 1:13

Mi sunï akud’a akulo, nga d’i ngalan aduk asogonu. Mi gun dauna kä avoronu, mi gan kaziganu, mi mbud’un hohoud’a. An nga ni fe ndaka burâ ki burâ.

Hor ma tchina 1:20

Ma didina, gola, an nga kur ndaka! Aruwad’an nga mi mbuzuk kurun dudu, hurun mi b’lak kurun krovo, kayam an ni sama so vuna gagazi. Mbigeu d’a fiyaka nga d’i tchi suma woi abua, matna nga mi tchi suma krovo mi.

Ezekiyel 3:14

Muzuk ma mi hlan ndei akulona, mi i ki sed’enu. An i ki hur ma hata ki hur ma zala, kayam Ma didina abom mi nga tinda kan kad’enga.

Daniel 10:8

An ar van tu á gol vama ngol ma nde tam mbei iran máma. Wani ad’engên nga d’i, tan tchuk susub’ok, ad’engên dap pei pepet mi.

Daniel 10:9

Ata yima an hum sa máma delem mba de zlad’ina, an hak hik, an puk kä ki iran andaga.

Daniel 8:27

An Daniel djib’eren ti b’lak ngola, ni mbut tugud’eid’a burâ tcha. Bugol la an mbut gangrangid’a, an ve sunda hamulîd’a led’a. Wani an kak ki djib’era yam vama nde tam mbei iran máma, kayam an wum nga ad’um mbi.

Habakuk 3:2

Ma didina, an hum zla d’a ang data, Ma didina, mandarâ van heî abo sun mang nga led’a. Ang le sun manga kur atchogoi mamid’a d’igi ang lat adjeu na; kur atchogoi mamid’a ang tagat tei mi suma. Le hurung zal pî, ar ang djib’er yam we hohou mang nga kamid’a.

Wana ni Zla d’a Djivi d’a Luc mi b’irita 21:19

Yam ve ta magid’a agi mba sud’ugi tagiya.