Habakuk 2:8 - Bible azumeina

⁸ Kayam ang hurum andjaf suma ablaud’a heî, ad’uzi d’a ar pet wanda a mba hurumung ang mi. Ni kayam tchi d’a ang tchi sumid’a, ni kayam b’lak ka ang b’lak ambasa kazì ma ngolâ ki suma a nga kuruma mi d’a.

Habakuk 2:8 Iomraidhean Croise

Sawal la giled’a 137:8

Ndak Babilon, ndak ka a nga b’lagak keid’a, sama mba mi lak tcho d’a ndak lamizi mi amid’ina, mi le furîd’a!

Zla d’a d’ogolâ 22:23

Kayam Ma didina nga mi ndjun kaziya, mba mi b’lak suma a b’lagazina woi mi.

Isai 33:1

Ni zla d’a hohoud’a yam ang ma b’lak suma dingâ bei sa mi b’lagang ang ba na, yam ang ma nga mbut ir suma dingâ bei sa mi mbud’ung ang irang ba na. Fata abong dap á b’lak suma dingîd’a, a mba b’lagang ang mi. Fata ang ar bei mbut ir sumid’a, a mba mbud’ung ang irang mi.

Isai 33:4

Agi andjaf suma, a mba b’lagagi ahle magi suma agi hurumuzina d’igi djera ti b’lak ahlena woi na. A mba b’at tazi kazi d’igi djera ti b’at tat á tahlena na mi.

Isai 47:6

Gola! An hurun zal adjeu ata sum mana, an mbut man suma an tazi djonina zulona, an haksi hur abogu. Ndak wazi nga hohowozi d’i, ndak ge djuk mak ma ane’â kel momorogeina.

Jeremi 27:7

Andjaf suma pet a mba lum sunda, a mba le sunda mi goroma, a mba le sunda mi gorom ngolona gak atchogoi d’a ambas mamba mba d’i le sunda mandjaf ma ablauna, mamulei suma nglona mi d’a.

Jeremi 30:16

Kayam ndata, suma a nga tagi d’igi suma a te hliuna na na, a mba tazi mi; magi suma djangûna pepet, a mba izi magomba; suma a nga b’ad’agi ahligiyegina, a mba b’ad’azi mazina mi; suma a nga hurumugi ahligiyegina, a mba hurumuzi ahligiyezi na mi.

Jeremi 50:14

Agi suma yet yeûd’a pet, agi ndjaragi á dur suma Babilon-na, agi nguyugizi kä d’uhl, agi yed’egiziya, agi arazi bei yeta ki yeûd’a d’i, kayam azi le tchod’a avok Ma didina.

Jeremi 50:28

Suma ring suma a sud’ï woi yam ambas sa Babilon-ndina, a nga de woi yam atchugul la sad’a hi Ma didina Alo meinid’a kur Siyon, natchugul la sa d’a yam gong mam mba kud’orid’a.

Jeremi 50:37

Ar a dur akulumei mazina ki pus mazi ma dur ayîna, ar a dur suma pet suma a yozï ad’u andjafâ teteng suma a nga kurutna, ar a mbut aropma. Ar a dur mazi suma ndjondjoîna, a hurumuziya.

Jeremi 51:13

Ndak Babilon nda nga kaka avun mbiyo ma nglonid’a, ndak ka tok ndjondjoîd’a ngola avo hataka, zlak dap da’, d’od’ok maka dap wa mi.

Jeremi 51:24

Ma didina mi dala: An mba ni wurak Babilon ki suma a nga kaka kurutna pet yam tcho d’a azi lat mi Siyon-nda kä iragi na.

Jeremi 51:44

An mba ni ngop Bel alo ma avo Babilon-na, an mba ni pat vama mi ligima woi avunamu, andjaf suma a mba i gevem mbuo d’a. Gulumun ma Babilon-na tamba mi to wa kä woyo.

Jeremi 51:48

Akulod’a kandagad’a kahle suma kuruzina pet, a mba hle sawal la furîd’a yam Babilon, kayam suma b’lak yina a tcholï abo ma norâ, a mba kad’u. An Ma didina ni de na.

Jeremi 51:8

Atogo hina zak Babilon ti puk kä, ti b’lak keyo. Agi tchigi kad’u, agi yogi kumana á tinda ata mbil matna. Dam mba d’i tchil kla?

Ezekiyel 28:16

Yam abo mang ma mbut ma kal teglesâ, ang mbut sama asa’atna, ang le tchod’a. An nga ni zud’ung kä woi yam ahina manda. Ang tcherebê ma ngom yina, an nga ni vid’ing ngei aduk ahina d’a akud’a.

Ezekiyel 39:10

Azi a mba yoï agu abagei d’i, azi mba kaï agu aduk agud’a d’uo mi, kayam nahle suma sï ndazina ba, azi mba ngalazi avo hataziya, azi mba yoï ahlena abo suma a yo ahle mazinina, a mba hurumï ahlena abo suma a hurumuzina. An Salad’a Ma didina ni de na.

Amos 3:10

Ma didina mi dala: Azi nga we lovota á le sun nda ata yata d’i, a nga tok ahle suma a b’ad’azi abo suma kad’enga a hurumuzina kur azì mazi ma amula.

Abdiyas 1:15

Kayam burâ hi Ma didinina mi ar go á mbad’a á ka sariyad’a yam andjaf suma pet. Mba mi lagi ni d’igi agi tagi lagi na, sun magid’a mba d’i hulong kagagiya.

Habakuk 2:10

Vama ang ngam kurung á led’ina, ni vama zulona yam aziyangû. Kid’a ang tchi suma ablaud’id’a, ang tchi ni ang tanga.

Habakuk 2:17

Kayam ang ka agu d’a Liban-nda woyo, ki tchetchemba, Alona mba mi kang ngei mi. Ang tchazi d’uwar mazina, Alona mba mi tchang mangâ mi; kayam ang tchi suma, ang b’lak ambasa kazì ma nglona ki suma kuruma mi.

Zakari 1:15

Wani hurun mi zal ngola yam andjaf suma a nga subur tazina, kayam an hurun mi zalî hina nde ganang yam Israel-lâ, wani azi lazi tchod’a ngola.

Zakari 14:12

Wana ni tugud’ei d’a Ma didina mba mi tum kandjaf suma pet suma a mba mba ki azigar mazina á dur Jerusalem-mba: Nge nge pî hliwim mba mi ndjulup pei akulo kasemu, iram mba d’i ndjulup kur aziyad’u, sinam mba d’i ndjulup avunam mi.

Vama ndum mbeina 6:10

Azi de ki delezi akulo ala: Salami ma bei tcho ma gagazina, gak ni mindja ba, ang mba ka sariyad’a yam suma yam andagad’ina á sami atchugulumi kayamba azi tchamid’a ge?