Habakuk 2:5 - Bible azumeina

⁵ Ndjondjoîd’a nga d’i b’lak sana; sama subur tama nga mi kak tchugot ti, nga mi ngo vunam mbei d’igi zula tos matna na, d’igi matna va nga mi ndagam mbuo na mi. Kayam ndata, nga mi kus yam andjaf suma teteng, nga mi yozi magomba ad’um mi.

Habakuk 2:5 Iomraidhean Croise

2 Amuleina 14:10

Jowas mi dum kua ala: Kayam ang kus yam suma Edom-ma, ang nga hle yang akulo, ang nga subur ki tang wana. Kayam ndata, ar ang kak avo hatangû! Ni kayam me ba, ang hal ayîna á mba ki ndaka kang á tchang zlapa ki suma Juda-na ge?

Sawal la giled’a 138:6

Ma didina, ang sä akulo dei, ang nga gol suma lulumana, ang nga golï suma yam mba ad’enga ei akulo dei mi.

Zla d’a d’ogolâ 20:1

Süm guguzlud’a ni vama las suma, süm ma ayîna heîna nga mi mba ki batranga mi. Sama mi he tam yam süma á tched’ina nga mi wäd’u zla d’i.

Zla d’a d’ogolâ 21:24

Sama yam mba ad’eng ma subur tad’a simiyêm ala Ma las suma, mi le sun mamba ni kayîna ki yam mba ad’enga.

Zla d’a d’ogolâ 27:20

D’igi yima azuleina ki zula la yiyika a ndak á hop yazi tu d’uo na, ira hi sanid’a nga d’i kau ki gola d’uo na mi.

Ma tchi wala 5:10

Ata yima ahlena a zul heîna, suma a tazina a zul mi. Ni djiviya me ba, salazina mi fat ke? Mi golozi ni ki iram hawana d’uo zu?

Isai 14:6

Kur ayî mama mi to suma to d’a bei ara ba d’a, mi te yam andjaf suma kur ayî mama, mi nga mi i avogovok bei sa mi d’elem ba mi.

Isai 16:6

Ami humumi zla yam mba ad’enga hi suma Mowap-mid’a, zla subur ta mazi d’a kal teglesa, hur mazi ma ngolâ, djib’er mazi d’a kal kazid’a ki subur ta mazi d’a hawa yaka mi.

Isai 2:17

Suma yam mba ad’enga a mba hulongôzi yazi kä, suma a subur tazina a mba grif kä mi. Ni Ma didina tu ba, a mba suburum kur bur máma.

Isai 21:5

A min tabulâ, a tin sama ndjola, a nga te, a nga tche. Ata yi máma na wat a nga yazi ala: Agi suma nglona, tchologi akulo, pruzugi mboriyona mbina.

Isai 5:14

Kayam ndata, yima azuleina mi ngo nga hohorom mbeyo, mi ngo nga vunam mbei hagak mi. Ata yi máma suma nglona kablau d’a kur azì ma ngol ma Jerusalem-mid’a ki vun mazi ma gandjau ma luna a mba tchuk kä kuru.

Isai 5:8

Ni zla d’a hohoud’a yam suma a nga nga ad’u azina woi avogovok suma a nga vasinena avogovok gak sa nga mi fe yina hina nde d’uo na tala azi fe yima kaka kur ambasa ni azi go d’a.

Jeremi 25:9

An nga ni tchuk sunda, ni halï suma abo ma norâ ki Nebukanezar azong mana, amul ma Babilon-na. An mba ni mba ki sed’ezi á dur ambas sa wanda ki suma a nga kaka kurutna kandjaf suma a nguyutna pet á b’lagazi woi kakazeî, á mbud’uzi vama atchapma, vama sanda ki vama b’lak ma gak didina.

Jeremi 50:29

Agi yagï suma yeû suma a we yet yeûd’ina pet yam Babilon. Ar agi nguyugizi kä d’uhl, ar sa mi sut tu d’i. Agi wuragat yam sun mata, agi lagi d’igi ndat tat ti le hina mi, kayam ti subur tat avok Ma didina, avok Ma tin tam irat vat yam Israel-lîna mi.

Jeremi 51:39

Fata d’od’oka lazid’a, an mba ni lazi te ma luna, an mba ni gurud’uzi woi ki süma, kayam azi le furîd’a. Bugola, a mba bur sen ma ki irazi fafatna, a mba zlit akulo d’uo d’a! An Ma didina ni de na.

Habakuk 1:15

Suma Babilon-na a nga yo suma akulo ki tunglîd’a d’igi suma a vik kulufâ na, a nga tanazi kabei mazina, a togozi kur koli mazina, ata yi máma a nga le furîd’a ki hur ma hapma.

Habakuk 1:17

Na ni a mba i avogovok á pat mbigeu mazi d’a fiyaka, á tchi andjaf suma bei wazi hohowozi zu?

Habakuk 2:4

Zla d’a a b’irita ba wana: Sama subur tama mba mi kak karid’a tatâ d’i, wani sama d’ingêrâ mba mi kak karid’a, kayam mi he gagazid’a mAlona.

1 Tasaloni’â 4:11

Ar agi b’ad’agi tagi á kagagi tchugot, ar agi kagagi agi tinigi iragi yam ahle magina, ar agi lagi sunda kabogi á fahle magina d’igi ami hagi vuna avok na.

Jacques 4:6

Wani nga mi vei suma d’a kala, kayam mbaktumba hAlonid’a ti dala: Alona nga mi noî suma a nga le yam mba ad’engina woyo, wani nga mi ve suma lulumana sumad’a.