Habakuk 2:3 - Bible azumeina

³ Kayam zla d’a ndat teid’a mba d’i ndak vun sun mata kur atchogoi mat ta a ngata, ti nga d’i i ata dabi mata, ti mba d’i ba bei led’a d’i. Le yat nga d’i ve pî, ang djubud’u, kayam mba d’i ndak vun sun mata gagazi, mba d’i ba hawa d’i.

Habakuk 2:3 Iomraidhean Croise

2 Amuleina 6:33

Kid’a Elise nga mi dazi zlad’a tua d’a, sama amulâ sunumïna mi mba. Amulâ mi dala: Ndak ndata pet ti tcholï nata Ma didina. Ni nana ba, an tin hurun kam mbei ge?

Sawal la giled’a 102:13

Wani Ma didina, ang namul ma nga kaka gak didina, ang nAlo ma nga kur atchogoi d’a lara ge petna.

Sawal la giled’a 27:14

Ang tin hurung yam Ma didina, ang ve tang ad’enga, ar tang tchuk lus si. Ang tin hurung yam Ma didina.

Buzuk ka Abud’a 12:41

Kid’a biza d’a kikis fid’i yam dok hindi ndata ndaka, kur bur máma tamba, suma hi Ma didinina pet a buzuk kei yam ambas sa Ezipte-d’a.

Isai 30:18

Kayam ndata, Ma didina nga mi djup á vagi sumad’a, mba mi tchol akulo á wagi hohowogi mi, kayam Ma didina nAlo ma d’ingêrâ. Suma a tin huruzi kama pet a nga le furîd’a!

Isai 7:4

Ang dum ala ba: Ang kak irang sik, ang le mandar ri. Ar hurung ka mbina avok vuna djo ma mbà ma nga mi d’us wana d’i, avok ayîna hi Resin ma Siri-na kayîna hi Remaliya goromina d’uo mi.

Isai 8:17

An tin hurun ni yam Ma didin ma ngei iram mbei avok suma hi Jakob-mina, an deng tan natam mi.

Jeremi 27:7

Andjaf suma pet a mba lum sunda, a mba le sunda mi goroma, a mba le sunda mi gorom ngolona gak atchogoi d’a ambas mamba mba d’i le sunda mandjaf ma ablauna, mamulei suma nglona mi d’a.

Ezekiyel 12:25

Kayam an ni Ma didina, an nga ni de. Zla d’a an data mba d’i ndak vun sun mata bei lilinga ba. Agi andjaf ma bei hum vuna ba na, kur atchogoi magid’a an mba ni de zlad’a, an mba ni ndagat vunat mi. Ni an Salad’a Ma didina ba, ni de zla ndata.

Ezekiyel 30:9

Kur bur máma an mba ni sun suma sunda avoron ki batod’a á mbut suma Etiyopi-na mandarâ kur kak mazi d’a tchugota. Ndaka mba d’i mba kazi ngola kur bur ma an mba ni ka sariyad’a yam suma Ezipte-nina. Gola! Ahle ndazina a nga mba.

Daniel 10:14

Ki tchetchemba, an mba nala ang wäd’u ahle suma a nga mba yam sum mangâ kur atchogoi d’a nga d’i mbad’ina d’a. Kayam vama nde tam mbei irang máma mi de zlad’a yam vama nga mi mbana.

Daniel 11:27

Amulei suma mbà ndazina a mba kak avun tabul ma tuna, a mba nga huruzi á le zla d’a tchod’a, a mba de tazi ni zla d’a kad’a. Wani azi mba ndak ki, kayam yima a ngama mba nga d’uo tua.

Daniel 11:35

Suma hiuna aduk suma ned’a a mba tchaziya, wani mat mazina mba mi ndjun suma dingâ á mbud’uzi yed’et hapa titil gak yima dabid’a, kayam ahle ndazina a mba mba nata yima a ngama.

Daniel 8:17

Gabriel mi hut geven ata yima an nga tchola kuana. An le mandarâ, an puk kä ki iran andaga. Wani mi dan ala: Ang gor sana, ang huma. Vama nde tam mbei irang máma ni yam dabid’a hatchogoid’id’a.

Daniel 8:19

Bugola, mi dan ala: An nga ni tagang vama nga mi mba ata yima a ngama, ata yima ayîna hAlonina mba mi dapma.

Daniel 9:24

A nga biza d’a kid’iziya kid’iziya dok kid’iziyad’a, ni yam sum mangâ kazì mang ma ngol ma a tinim iram vama tala a ar so vuna woyo, a ar tcho d’a led’a woyo, a fe hur ma vata yam tcho d’a led’a, a le sun nda d’ingêr ra didinda, a ndak vun vama nde tam mbei irangâ ki zla d’a djok vuna kata, a tin yima a tinim iram vam ma kal teglesâ tin nda dinga kua d’a.

Mise 7:7

An nga ni tin iran yam Ma didina, an nga ni tin hurun yam Alo ma sud’una, Alo mana mba mi humunu.

Sofoni 3:8

Ni kayam ndata ba, an Ma didina ni dagiya: Agi djubundi gak bur ma an tchol akulo á vagi ki zlad’ina, kayam an ni nga hurun á tok andjaf suma, á tok leud’a tu, á mba kayî man ma bibiliuna kaziya, kayam an mba ni ngal ambasa woi pet kayî man ma aku ma bibiliuna.

Ndumba 23:19

Alona mi nga ni sana á ka zlad’a d’i, mi nga ni sana á mbut djib’er mamba kä d’uo mi. Vama mi duma, mba mi lum mbuo zu? Vama mi de kama, mba mi ndagam vunam mbuo zu?

Wana ni Zla d’a Djivi d’a Luc mi b’irita 2:25

Sana mi nga Jerusalem, simiyêm ala Simeon. Mam mi sama d’ingêrâ, ni ma nga mi ring mandar Alona, nga mi djup Ma sut Israel-lîna. Muzuk ma bei tchod’a ba na, mi nga ki sed’emu,

Sunda hi suma a sunuzinid’a 1:7

Jesus mi hulong dazi ala: Nga ni kayam agi á wagi yina d’oze atchogoi d’a Abun mi ngat kur ad’eng mambid’a d’i.

Sunda hi suma a sunuzinid’a 17:26

Nata sama tuna ba, mi le andjaf suma pet suma a nga kaka yam andagad’ina. Mi ngazi atchogoi mazid’a ki ir haga mazi d’a kaka,

Galat-na 4:2

Wani ata yima mam nga gogora tua na, mam nga ad’u suma ngomoma ki suma a nga ngom ahle mamina, gak yima abum mi ngamzina.

2 Pierre 2:3

Yam d’od’ok mazi d’a fe beged’a, a mba mbut abozi ki sed’egi ki zla d’a lop ir mazid’a. Wani Ma kazi sariyad’a kazina mi min tam avok dei kaziya, Ma b’lagazina nga mi bur sen nduo mi.

2 Pierre 3:9

Salad’a nga mi le lilinga á le vama mam hle vunam kama d’igi suma dingâ a djib’er na d’i. Wani mi ve tamî kagiya, kayam mi min ala sa tu mi ba woi d’i, wani mi min ala suma pet a mbut huruzi yam tcho mazid’a.