Habakuk 2:2 - Bible azumeina

² Ma didina mi hulong dan ala: Ang b’ir zla d’a an nga ni tagangzi woi wanda; ang b’irit kur agu ma tcheta, kayam suma a ndumut atogo zak.

Habakuk 2:2 Iomraidhean Croise

Isai 30:8

Ma didina mi de mi Isai ala: Ki tchetchemba ang i b’ir ahle ndazina kä kur ahina d’a tchet ta bebed’ed’a kä iraziya, ang b’irizi kä yam mbaktumba, kayam zla ndata ti arî vama ge humba gak bur ma danana á le glangâsâ gak didin bei dabid’a.

Isai 8:1

Ma didina mi dan ala: Ang hlahina d’a tchet ta bebed’e d’a ngola, ang b’ir kua djivid’a tetet ala: I atogo á hurumba, b’at atogo á yo ahle suma a yozina.

Jeremi 30:2

Ang b’ir zla d’a pet ta an Ma didina Alona hi Israel-lîna ni dangzid’a kä kur mbaktumba.

Daniel 12:4

Wani ang Daniel, ang ngom zla ndata kä muduriya, ang reî vun mbaktum ndata gak bur ma dabid’a mi. Suma ablaud’a a mba ndumud’u, we mazid’a mba d’i i avogovogo.

Daniel 7:1

Kur biza d’a avok ka Baltazar amul ma Babilon-na nga mi tamulid’a, adïd’a de Daniel, vana nde tam mbei iram ata yima mi nga burâ yam azang mamina. Bugola, mi b’ir zlad’a hadï ndatid’a, mi väd’u zla mat ta nglod’a woi mi.

Romê-na 15:4

Ahlena pet suma a b’irizi kur mbaktumba hAlonid’a adjeuna ná had’eya, kayam ei tini huri kam ki ve tad’a, zlapa ki b’leng hur ma mbaktumba hAlonid’a ti b’lengeîzina.

1 Korente-na 14:19

Wani kur Toka, an min de zlad’a vahl ki djib’er manda á hat suma dingâ, kal la an de zlad’a dudubud’a dogo ki vun ma tetengîd’a.

2 Korente-na 3:12

Kayam ndata, ami nga ki hur ma tinda, ami nga dami zlad’a bei mandarâ ba mi.

Gat ta a hat á mbàd’id’a 27:8

Agi b’irigi vun ma hed’a hi gatina pet ata ahuniyô ndazina, agi b’irim djivi tetet.

Gat ta a hat á mbàd’id’a 31:19

Ki tchetchemba, agi b’irigi sawal la wanda, agi had’at mi Israel-lâ, agi tinizizi avunaziya. Sawal ndata mba d’i le glangâs mana yam Israel-lâ.

Gat ta a hat á mbàd’id’a 31:22

Kur bur máma Moise mi b’ir sawal ndata, mi had’at mi Israel-lâ mi.

Vama ndum mbeina 14:13

An hum dela ti tcholï akulo, ti dan ala: Ang b’ir kur mbaktumba ala: Suma a nga bo kur sunda hi Salad’id’a ki tchetchembina, a mba le furîd’a. Muzu’â hAlonina mi de na ala: Gagazi, azi ndak á tuk tazi kur sun mazi d’a kaud’a, kayam sun mazi d’a djivid’a nga d’i tit ad’uziya.

Vama ndum mbeina 19:9

Malaikana mi dan ala: Ang b’ir kur mbaktumba ala: Suma a yazi kur tela hi Gor timinid’a a le furîd’a. Mi de kua ala: Zla ndata ni zla d’a gagazid’a hAlonid’a.