Habakuk 2:14 - Bible azumeina

¹⁴ Kayam andagad’a pet mba d’i oî ki wed’a hi Ma didin ma subura, d’igi mbiyona mi oî kur alum ma ngolâ na.

Habakuk 2:14 Iomraidhean Croise

Sawal la giled’a 22:27

Suma lulumana a mba të, a mba hoba; suma a nga hal Ma didinina a mba gilemu; ar va lazi d’i.

Sawal la giled’a 72:19

Ei gilei simiyêm ma subura gak didin! Ar subur mamba ti oî yam andagad’a pet! Amin! Amin!

Sawal la giled’a 86:9

Salad’a, andjaf suma ang lazina pet, a mba grif kä avorongû, a mba suburung simiyêng mi.

Isai 11:9

Mba mi le vama tcho d’oze mi b’lak va yam ahina man nda an tinit irat vata d’i, kayam wed’a hi Ma didinid’a mba d’i oî yam andagad’a d’igi mbina mi oî hur alum ma ngolâ na mi.

Isai 33:6

Wani agi suma hi Ma didinina, agi mba kagagi bei va mi lagi ba. Ned’a ki wed’a ni ndjondjoî d’a sud’ugid’a, le mandara Ma didina ni ndjondjoî magid’a mi.

Isai 40:5

Subura hi Ma didinid’a mba d’i nde woyo, suma pet a mba wad’u, kayam Ma didina mi de zlad’a ki vunam da’.

Isai 6:3

A nga er ad’uzi akulo aduk tazi ala: Ma bei tchod’a, Ma bei tchod’a, Ma bei tchod’a ni Ma didina Alo ma ad’engêm kal petna! Subur mamba ti oî yam andagad’a pepet.

Jeremi 31:34

Sa mba mi dok hat ndram mboze mba mi de wiyema ala: Ang we Ma didina na nga d’i, kayam azi pet a mba wanu, tin ad’ud’a ata suma yâna dei gak mba yam suma gangrangâ. An Ma didina ni de na. Kayam an mba ni vat hurun ndei yam tchila mazid’a, an mba ni djib’er yam tcho mazid’a d’uo d’a.

Ezekiyel 47:5

Mi nga yina á dabid’a kua metred’a kikis vahl, wani an ndak á djak mbina d’uo d’a, kayam mbina mi mbut ni toliyon nda zul la yiyik ka sana mi ndak á djagat tuo d’a.

Mise 2:9

Agi digigi aropma hi sum manina woi kur aziyazi ma azi huruzi vum heîna, agi nga yogi ahle suma djivi suma an hazi abo grozinina woi burâ ki burâ.

Habakuk 2:15

Ni zla d’a hohoud’a yam sama mi he vama tche ma ayî ma tchona mi ndrama d’igi süma na na, tala mi gurut gurut ba mam mi wum gandila mamba na.

Habakuk 3:3

Alona mi tcholï Teman; Ma bei tchod’a ba na mi tcholï yam ahina d’a Paran-nda. Tchol ndjö Ngol mamba ti duk ir akulod’a, subur mamba ti oî yam andagad’a.

Sofoni 3:9

Ata yi máma an mba ni mbut andjaf suma woi yed’et tala azi tchenen an Ma didina a kud’uron ki hur ma tuna mi d’a.

Ndumba 14:21

Wani gagazi, an ni Ma bei matna, subur manda mba d’i oî yam andagad’a pet mi.

Vama ndum mbeina 11:15

Malaika ma kid’iziyana, mi bu adif mamba. Del la teteng nga tcholï akulod’a ti dala: Ki tchetchemba, ad’eng nga te yam duniyad’id’a ni hi Saleina azi ki Christ mama. Mam mba mi te yam suma gak didin.

Vama ndum mbeina 15:4

Salamina, ni nge ba, mba mi lang mandarang nguo ge? Ni nge ba, mba mi suburung nguo ge? Kayam ang tu ni Ma bei tchod’a ba na. Andjaf suma pet a mba mba, a mba grif kä avorong á kud’urongû, kayam sun mang nga d’ingêra, ti nde wa woi abua.