Habakuk 1:3 - Bible azumeina

³ Ni kayam me ba, ang aran an nga ni gol tchod’a, ang nga gol djop vuna ki irang na ge? Hurumba ki huwaka a nga avoronu, ayîna ki yalâ a tchol akulo mi.

Habakuk 1:3 Iomraidhean Croise

Ma tchi wala 4:1

An we djop vun ma suma a nga djobom mi suma yam andagad’a ka hina kua. Gola! Suma a nga djobozi vunazina a nga tchiya, sama mba mi d’igilizi irazina mi nga d’i. Suma a nga djobozi vunazi burâ ki burîna a nga kad’enga kaziya, wani sama mi mba á d’igilizi irazina mi nga d’i.

Ma tchi wala 5:8

Djivi d’a yam ambasid’a ni yam suma pet, amulâ pî mi fe djivi mamba ni kur asinena mi.

Isai 46:12

Agi suma hurugi b’ala suma walagi woi dei ki d’ingêrina, agi humugiya.

Isai 5:7

Guguzlud’a hi Ma didin ma ad’engêm kal petnid’a ni Israel-lâ. Guguzlu d’a djivi d’a mam pat ta tam lum djivid’a heî kata ni suma Juda-na. Mi tin hurum ala azi mba le ni sun nda d’ingêra; gol wani, azi nga tchi ni suma! Mi halî d’ingêra; gol wani, mi humî tchi ma hohoud’a zang!

Jeremi 15:10

Jeremi mi dala: Asunu, ni zla d’a hohoud’a kanu, kayam ndak vud’un sama yalâ sama huneîd’a kur ambas ndata pet! An he nga va mi sa ki mbiyom mbi, an ve nga vama mbiyo abo sa d’uo mi. Wan pî, suma pet a nga ngulunu.

Jeremi 20:18

Ni kayam me ba, an nde woi kur asun á fe ndaka ki pupuluka á dap burun kur zulona na ge?

Jeremi 20:8

Ata yima lara ma an de zlad’ina, an erï ad’un akulo mbeî ala: Murud’umba ki djop vuna a mba. Kayam ndata, zlad’a hi ang Ma didinid’a, ti mbut ni vama ngula ki vama sanda kan burâ pet.

Ezekiyel 2:6

Ang gor sana, ang le mandarâ abo zla mazi d’a ded’a d’i, kayam ang mba kak adigazi ni d’igi sana mi kak aduk kekerezeuna kaweid’a d’oze yam hurd’ud’a na. Wani ang le mandarâ abo zla mazi d’a ded’a d’i, ar vunadigang pat avorozi d’uo mi, kayam azi nandjaf ma bei hum vuna ba na.

Matiye 10:16

Jesus mi dazi kua ala: Gola! An sunugi ni d’igi tumiyôna na aduk ngûna. Agi kagagi ki ned’a d’igi guguyona na, agi kagagi kukud’uk d’igi gugud’a na mi.

2 Pierre 2:8

Kayam sama d’ingêr ma nga kaka adigazi máma, hurum nga mi b’lak burâ ki burâ ata yima nga mi we nga mi hum sun mazi d’a tcho d’a nga ata yat tuo d’ina.