Galat-na 4:3 - Bible azumeina

³ Ei ni hina mi. Kid’a ei ni gugureina tua d’a, ei ni magumeina hahle suma yam andagad’ina.

Galat-na 4:3 Iomraidhean Croise

Matiye 11:28

Agi pet suma kawagi abo anekina, agi mbeyegï gevenu, agi tugugi tagiya.

Jean 8:31

Kayam ndata, Jesus mi de mi Juif suma a hum gagazid’ina ala: Le agi gagi yagi kä ad’u zla manda ni, gagazi, agi ni man suma hata,

Sunda hi suma a sunuzinid’a 15:10

Ki tchetchemba, ni kayam me ba, agi kugugi Alona á gagi djuk ma abuyoi ngolo ki ei teid’a ndagei á zim mbuo na kel suma a he gagazid’ina ge?

Romê-na 7:14

Ei wei ala gata ni hi Muzu’îd’a, wani an ni sama kur hliuna, an ni magoma hi tchod’ina mi.

Romê-na 8:15

Kayam Muzuk ma Alona mi hagizina mi mbud’ugi ni magumeina d’i, ná lagi mandar ruo mi, wani mi mbud’ugi Alona groma. Hina, yam ad’enga hi Muzuk mamid’a, ei nga yi Alona ala Aba, nala, Abunu.

2 Korente-na 11:20

Le sana mi lagi magomba, d’oze le mi yogi ahle magina, d’oze le mi b’ad’agi ahle magina kad’enga, d’oze le mi subur tam kagiya, d’oze le mi tumugi iragi pî, agi nga vagi tagiya.

Galat-na 2:4

wani b’oziyoi suma ka zla suma a kal adigamina, a min ngad’am bayâd’a. Ni suma a nga kal kur ades meina gumun á gol mbut mei d’a ei mbud’i gro vuta zlapa tu ki Jesus Christ-sa. Azi min ei hulongeî kur magomba.

Galat-na 3:19

Ni kayam me ba, Alona mi tin gata ge? Mi tinit á tak tcho d’a led’a abua, gak andjafâ hi Abraham ma Alona hlum vunam kama mi mba. Malaikana a he gat ndata mi Moise ma aduk suma kAlonina.

Galat-na 4:2

Wani ata yima mam nga gogora tua na, mam nga ad’u suma ngomoma ki suma a nga ngom ahle mamina, gak yima abum mi ngamzina.

Galat-na 4:24

Zla ndata ni zla d’a d’ogola yam arop suma mbà ndazina. Azi ni vun ma djin ma mbàna. Ta tud’a ni ngad’a yam ahina d’a Sinai-d’a, nala, Agar, ni d’a mba d’i vut gro suma magomba.

Galat-na 4:25

Agar ndata nahina d’a Sinai d’a yam andaga d’a Arabi-d’a. Hle tat ni d’igi azì ma ngol ma Jerusalem ma tchetchem wana na, kayam ndat nga d’i le magomba ki grotna.

Galat-na 4:31

Kayam ndata, b’oziyona, ei ni grona hatcha d’a magomba d’i, wani ei ni grona hatcha d’a gor vutid’a.

Galat-na 4:8

Wani adjeu d’a agi ni suma bei wAlona tua d’a, agi lagi ni magomba mi filei ma ala nAlo ma gagazina d’uo na.

Galat-na 4:9

Wani ki tchetchemba, agi wagi wa Alona, kal pet Alona mi wagi mi. Ni nana ba, agi dok hulongôgi ata hat ta adjeu d’a amangeî d’a hohoud’a d’ei ge? Agi min mbud’ugi magumei mazina d’ei zu?

Kolos-sâ 2:20

Le agi bogi woi zlapa tu ki Christ, le mi pad’agi woi ad’u ad’enga hi muzuk ma teteng ma tcho ma te yam suma yam andagad’ina ni, ni kayam me ba, agi dok tid’igi yam vun ma he mazina, d’igi agi ni suma hi duniyad’ina na d’ei ge? Ni kayam me ba, agi gagi yagi kä ad’u gat ta ti dala:

Kolos-sâ 2:8

Agi gologi tagi djiviya, ar sa yogi ad’um ki hat mam mba ne d’a hawa yaka d’i. Hat ndata ni hata hi suma ki muzuk ma tcho ma te yam andagad’ina, nga ni zla d’a tcholï avun Christ-sa d’i.

Hebre-na 5:12

Kayam agi lagi bizad’a ngola, agi ndak á hat suma, wani agi nga minigi sama ding á had’agi zla d’a adjeu d’a agi humut avun Alonid’a kua. Djivid’a agi tagi navuna, wani agi minigi nambira á tched’a.

Hebre-na 7:16

Wani mam mbut ma ngat buzuna ni yam minda hi sumid’a d’i, wani mi mbut ma ngat buzuna ni kad’enga hari d’a bei dabid’a ba d’a.