Galat-na 2:2 - Bible azumeina

² An iya, kayam Alona tagan ala an iya. An vazi ad’u Zla d’a Djivi d’a an tchat walat aduk andjaf suma dingîd’a. Wani an väd’u zla ndata ni mi suma avorozina woi vaziya, kayam sun man nda avoka ki d’a tchetchemba a mbut vama hawana d’i.

Galat-na 2:2 Iomraidhean Croise

Ma tchi wala 10:1

Aro ma bona mi bu mbul ma his ma afufuîna hi sama yor mbulîna woyo. Hina mi, lili d’a ngiyeûd’a nga d’i b’lak ned’a hi sanid’a ki subura hi sanid’a woi mi.

Matiye 10:16

Jesus mi dazi kua ala: Gola! An sunugi ni d’igi tumiyôna na aduk ngûna. Agi kagagi ki ned’a d’igi guguyona na, agi kagagi kukud’uk d’igi gugud’a na mi.

Sunda hi suma a sunuzinid’a 15:12

Suma toka pet a seng silil, a hum Barnabas azi ki Paul a nga vazi ad’u ahle suma simata kahle suma atchap suma Alona mi lazi ki sed’ezi aduk andjaf suma dingîna.

Sunda hi suma a sunuzinid’a 15:2

Ata yi máma, Paul azi ki Barnabas a tchi tuguyod’a ki sed’eziya, a yal tazi ngola. B’oziyoina a man Paul azi ki Barnabas ki b’oziyoi suma ding suma Antiyos-sâ á i Jerusalem gen suma a sunuzina ki suma nglona á djobozi yam zla ndata.

Sunda hi suma a sunuzinid’a 15:4

Kid’a azi mbaza Jerusalem-mba, suma toka ki suma a sunuzina ki suma nglona a vazi ataziya. Azi vazi ad’u ahlena pet suma Alona mi lazi ki sed’ezina.

Sunda hi suma a sunuzinid’a 18:9

Kur andjeged’a, Salad’a mi nde tam mbei ir Paul, mi dum ala: Ang le mandar ri, ang tchi wala, ang ba d’i,

Sunda hi suma a sunuzinid’a 23:11

Kur andjege ndata, Salad’a mi nde tam mbei ir Paul, mi dum ala: Ang ve tangû, kayam d’igi ang le glangâs mana ka hî avo Jerusalem na, mbeî ang mba le glangâsâ avo Rom mi.

Sunda hi suma a sunuzinid’a 5:34

Wani ma Fariziyêna, simiyêm ala Gamaliyel, mi nga aduk suma b’ak zlad’a. Ni ma ngol ma hat gata, ni ma suma pet a nga hum ngolina mi. Mi tchol akulo aduk suma b’ak zlad’a, mi hazi vuna ala a tchuk suma a sunuzi ndazina abu ndjö tua.

Romê-na 9:16

Kayam ndata, nga nata minda hi sa d’i, d’oze sun mam mba led’a d’uo mi, wani nata Alo ma we hohoud’a tu go.

1 Korente-na 1:23

Wani amiya, ami tchami ni wala Christ ma a b’alam akulo ata agunina. Ir Juif-fâ zla ndata ni vama dap asema, ir andjaf suma dingâ ni vama lilid’a mi.

1 Korente-na 2:2

Ata yima an sä adigagina, an min á we vama ding ngi, ni Jesus Christ ma a b’alam akulo ata agunina hol.

1 Korente-na 9:24

Agi wagi tetet ala suma a nga ringâ pet ata yima a tok á ringîna a ringî á ve va, wani sana tu mi fe ni mamu. Agi ringîgi hina mi á fagi wuraka.

1 Korente-na 9:26

Kayam ndata, an nga ni ring iran sod’a yam vama sä avorona. An nga ni tum va, nga ni tum mbloka hawa fufulok ki.

2 Korente-na 12:1

Djivid’a an subur tan mi, wani subur tad’a djivi mata nga d’i. Wani ki tchetchemba, an nga ni de ni yam vama Salad’a mi nde tam iran mi tagandji woina.

Galat-na 1:12

Kayam an fat nata sa d’i, sa had’andji nga d’uo mi, wani ni Jesus Christ tamba ba, mi ndandji woyo.

Galat-na 1:16

Kid’a mi nga hurum á tagan Goroma kayam an tchi wal Zla d’a Djivi mamba mandjuf suma dingâ d’a, ata yi máma, an hal nga wad’ud’a hi sa d’i.

Galat-na 1:6

An le atchap kayamba agi walagi woi atogo zak ki mam ma yagi yam sumad’a hi Christ-sa á igi bugol Zla d’a Djivi d’a dingina.

Galat-na 2:6

Wani suma a nga golozi d’igi suma nglona na na, an golozi ni va d’i, kayam Alona nga mi pat sana ni yam iram go d’i. An nga ni dala suma nglo ndazina a had’an nga va tu d’i.

Galat-na 2:9

Wani Jacques azi ki Pierre ki Jean, ni suma suma a golozi d’igi suma avok suma na na, ata yima azi wala Alona mi van wa sumad’a na, ami ki Barnabas, azi gami depa kabozi ma ndjufâ á tak kei ala azi le darigïd’a ki sed’emiya, kayam ami mba imi tchami wala mandjaf suma dingâ, azi mba i tchi wala mi Juif-fâ mi.

Galat-na 5:7

Agi tid’igi avok djiviya. Ni nge d’elegi ala agi tid’igi yam gagazid’a d’uo ge?

Filip-ma 2:16

á tagazi zla d’a arid’a woi abua. Le agi nga lagi hina ni, an mba ni subur tan kagi kur bur ma mbad’a hi Christ-sâ, tala ring mana ki sun man nda kaud’a a ba atan nduo d’a.

Filip-ma 2:29

Kayam ndata, agi vum atagi ki furîd’a yam Salad’a. Andjaf suma hina na, agi hazi ngola,

1 Tasaloni’â 3:5

Wani ata yima an ndak á ve tan nduo na, an sunugi sä Timote atogo zak á wäd’u he gagazi magid’a. An le mandarâ ala dam ma lopma Seitan mi lobogi wa. Hina, sun mamid’a ami lat adigagid’a pet mba d’i mbut ni vama hawa na.

2 Timote 4:7

An dur wa ayî ma djivina, an dap wa vun ring mana, an ngom wa he gagazi manda mi.

Hebre-na 12:1

Kayam ei suma suma glangâsâ ablaud’a nguyina, ar ei fogei ahle suma d’eleina ki tcho d’a nga ngapa ateid’a pet teyo. Ei vei tei ad’enga kur ringâ á vei vama Alona mi tinim sä avoreina.