Galat-na 1:6 - Bible azumeina

⁶ An le atchap kayamba agi walagi woi atogo zak ki mam ma yagi yam sumad’a hi Christ-sa á igi bugol Zla d’a Djivi d’a dingina.

Galat-na 1:6 Iomraidhean Croise

Sawal la giled’a 106:13

Wani atogo hina zak azi mar rei yam sun mamba, azi djup nga á wäd’u d’al mam ma mi dazizina d’uo mi.

Isai 29:13

Salad’a mi dala: Ata yima sum ndazina a nga hud’ï gevena, a suburun ni ki vunaziya. Wani huruzi ni woi dei ki sed’enu. Le d’a a nga lan mandaranda ni yam vun ma hed’a hi suma ma a had’azizina.

Marik 6:6

Mi le atchap kayam azi he nga gagazid’a kam mbi. Bugola, Jesus nga mi ngui tita kur azina teteng, nga mi had’azi mi.

Jean 9:30

Mi hulong dazi ala: Wana ni vama atchapma tala agi wagi nga yima mi tcholï kuana d’uo d’a, wani mi malan iran ndeyo.

Sunda hi suma a sunuzinid’a 15:11

Wani ei hei gagazid’a ala ni kur sumad’a hi Salad’a Jesus-d’a ba, ei feigi ki suta d’igi azi na mi.

Romê-na 10:3

Azi we nga d’ala Alona ni sama mi mbut suma d’ingêra d’a d’i. Azi nga hal á tin d’ingêr mazid’a yam taziya. Ni hina ba, azi ge nga yazi kä ad’u minda hAlo ma mbut suma d’ingêra d’i.

Romê-na 5:2

Ni yam he gagazi mei d’a ei hat kamba ba, ei fei lovota á kal lei kur sumad’a hAlona d’a ei nga kak kä kurut ki tchetchembid’a. Ei nga lei furîd’a ki tin hurâ á djubi subura hAlonid’a.

Romê-na 8:28

Ei wei ala kur ahlena pet Alona nga mi le sun nda djivid’a yam suma a nga le kam suma mi yazi woi kur min mambina.

Romê-na 8:30

Suma mi ngazi kurum avok deina, mi yaziya; suma mi yazina, mi mbud’uzi suma d’ingêrâ avoromu; suma mi mbud’uzi d’ingêrâ, mi suburuzi mi.

1 Korente-na 4:15

Kayam le agi nga ki suma a nga had’agi yam Christ-sâ dudubud’a dogo pî, abugi ni tu. Kayam kak magi d’a zlapa tu ki Christ-sa, an mbut nabugi ma mbagi ki Zla d’a Djivid’ina.

2 Korente-na 11:4

Le sana mi mba hatagi mi tchagi wala Jesus ma ding ma ami tchagizi nga walam mbuo na, d’oze le agi vagi muzuk ma ding ma agi vum nga adjeu d’uo na, d’oze le agi hagi gagazid’a yam zla d’a djivi d’a ding nga ami tchagizi nga walat tuo d’a ni, agi nga vagizi atogo zak.

2 Korente-na 2:17

Kayam ami nga ni d’igi suma hiu suma a nga mbut abona ki zlad’a hAlonid’ina na d’i. Wani Alona mi sunumi ni mamu, ami nga dami zla d’a irata avorom d’igi azungeîna hi Christ-sâ na.

Galat-na 1:11

Kayam ndata, b’oziyona, an nga ni dagi woi mbak, Zla d’a Djivi d’a an nga ni tchat walata ni d’a hi sa d’i.

Galat-na 1:15

Wani yam sumad’a hAlonid’a, mi manan avok bei a vud’unu, mi yan á lum sunda.

Galat-na 1:7

Gagazi, Zla d’a Djivi d’a ding nga d’i, wani an nga ni dagi hina kayam suma dingâ a nga b’lagagi djib’er magid’a, a min mbut Zla d’a Djivid’a hi Christ-sa yat kä.

Galat-na 2:14

Wani ata yima an golozi a nga tit d’ingêr kur gagazid’a hi Zla d’a Djivid’a d’uo na, an de mi Pierre avunam mbei avok suma pet ala: Ang mala angî ma Juif-fâ na, ang nga tit d’igi andjaf suma dingâ na, ang nga tit d’igi Juif-fâ na d’i. Ni kayam me ba, ang nga le andjaf suma ding suma a he gagazid’ina kad’enga ala a tit d’igi Juif-fâ na ge?

Galat-na 2:2

An iya, kayam Alona tagan ala an iya. An vazi ad’u Zla d’a Djivi d’a an tchat walat aduk andjaf suma dingîd’a. Wani an väd’u zla ndata ni mi suma avorozina woi vaziya, kayam sun man nda avoka ki d’a tchetchemba a mbut vama hawana d’i.

Galat-na 2:5

Wani ler tu pî ami minimi nga zla mazid’a d’i, kayam gagazid’a hi Zla d’a Djivid’id’a ti kak adigagiya.

Galat-na 2:7

Wani azi wala Alona mi han Zla d’a Djivid’a á tchat walat mandjaf suma dingâ d’igi mi hat mi Pierre á tchat walat mi Juif-fâ na mi.

Galat-na 5:14

Kayam gata tok ahlena pet ni kur vun ma he ma tu máma ala: Ang le yam ndrangâ d’igi ang tanga na.

Galat-na 5:4

Agi suma min mbud’ugi d’ingêr avok Alona á gagi yagi kä ad’u gatina, agi walagi woi ki Christ, agi kid’agagi woi ata sumad’a hAlonid’a mi.

2 Tasaloni’â 2:14

Ni kayam ndata ba, Alona mi yagi yam Zla d’a Djivi d’a ami tchagizi walata á suburugi zlapa ki Saleina Jesus Christ.

1 Timote 1:14

Saleina mi van sumad’a ngola, mi han lovota á he gagazid’a á le o d’a ei zlabei tu kat yam Jesus Christ-sa.

1 Timote 1:3

Kid’a an tchol á i Maseduwan-nda, an gigid’eng ala ang kak avo Efes kayam ang he suma a nga hat hat ta tchod’ina vuna á hat hat ta tchod’a d’i.

2 Timote 1:9

Ni mam ma sud’ina, mi yï mbud’i sum mama ni yam sun meid’a d’i, wani nata nga hur mama ki suma mam mba mi veizi yam Jesus Christ avok dei bei ad’u tinda hi duniyad’id’a.

2 Timote 2:1

Kayam ndata, ang gorona Timote, ar ang sira kur suma d’a zlabei tu ki Jesus Christ-sa.

1 Pierre 1:15

Wani agi kagagi ni suma yed’etna kur tit magid’a pet, d’igi Alo ma yagina ni Ma bei tchod’a ba na na mi.

2 Pierre 1:3

Alona mi had’eng mamba mi Jesus Christ. Christ mi hei ahlena pet suma a kid’ageina kayam mi mbud’i suma nda’â á tid’i kur lovot ta gagazid’a hAlonid’a, á wei Christ ma mi yï á mbud’i dedege d’igi mam na kur subur mamba ki djivi mambina tetet.

Vama ndum mbeina 22:21

Ar Salad’a Jesus mi vagi sumad’a pet. Amin!