Galat-na 1:10 - Bible azumeina

¹⁰ Na ni ki tchetchemba, an hal lovota á le suma tazi djivid’a d’oze á le Alona tam djivid’a zu? Na ni an hal lovota á le suma tazi djivid’a zu? Le an nga ni le suma tazi djivid’a tua ni, an nazongâ hi Christ-sâ d’i.

Galat-na 1:10 Iomraidhean Croise

Matiye 22:16

A sun mazi suma hata azi ki suma hi Herot-na atamu. A djobom ala: Ma hat suma, ami wami ala angî ma gagazina, ang nga hat suma yam lovota hAlonid’a kur gagazid’a. Ang nga le mandara sa d’i, kayam ang nga ka ir sa d’i.

Matiye 28:14

Le ma te yamba mi hum zla ndata ni, ami mba minimi zlad’a ki sed’em á pad’azi zlad’a woi kagiya.

Matiye 6:24

Jesus mi had’azi kua ala: Azong ma tuna mi ndak á le sunda mi suliyod’a mbà d’i, wani mba mi noî ma tuna, mba mi le yam ma dingâ mi, d’oze mba mi kak ki ma tuna, mba mi ar ma dingâ woi mi. Agi ndagagi á lagi sunda mAlona ki beged’a djak ki.

Sunda hi suma a sunuzinid’a 12:20

Herot hurum zal yam suma Tir-râ ki suma Sidon-na. Azi tok taziya, a i gevem ki hur ma tuna. A i fe Blastus amulâ vunam ma ad’u kä na. A tchenem ala mi zlabazi darigïd’a kamulâ, kayam ambas mazid’a ti fe tena ni kur ambasa hamulîd’a.

Sunda hi suma a sunuzinid’a 5:29

Wani Pierre azi ki suma hiu suma a sunuzina a hulong dazi ala: Le ni nana pî, ami humumi Alona kal suma.

Romê-na 1:1

Ni an Paul azongâ hi Jesus Christ ma Alona mi yan mi mbud’un ma a sunuma ata yima mi manan á tchi wal Zla mam mba Djivid’ina.

Romê-na 2:29

Wani Juif ma krovona ni Juif ma gagazi ma bayâ mam mba ngata ni kurum krovona. Ni bayâ d’a ngat ta yam Muzu’â hAloninid’a, nga ni yam gat ta a b’irita d’i. Juif ma gagazi máma, suma a nga suburumî azi d’i, wani Alona mi suburumî mamu.

Romê-na 2:8

Wani Alona mba mi tak ayî mam ma bibiliuna woi mi suma a kak djangûna ki sed’em suma a nga ge yazi kä ad’u gagazid’a d’uo suma a nga tit kur tchod’ina.

1 Korente-na 10:33

Ar agi lagi d’igi an na. An lahlena pet ná le suma tazi djivid’a. An nga ni hal vama lan an tanda djivid’ina d’i, wani vama le suma ablaud’a ngola tazi djivid’ina, kayam azi fe suta.

2 Korente-na 12:19

Gak ini agi nga djib’eregi ala ami halami ná pad’ami zlad’a woi kami avorogiya zu? Nga na d’i! Ami dami yam minda hi Christ-sa avok Alona. Buniyômi suma od’a, ami lami hina pet á wulugi akulo kur he gagazid’a.

Efes-sâ 6:6

Ar agi lagi ni ir suma a lazi tazi djivid’a go d’i, wani agi lagi minda hAlonid’a ki hurugi pet d’igi magumeina hi Christ-sâ na mi.

Filip-ma 1:1

Ni an Paul ki Timote, azungeîna hi Jesus Christ-sâ. Ami nga b’irimi mbaktum mba wanda mi agi suma hAlona pet suma a he gagazid’a yam Jesus Christ suma avo Filip-ma, zlapa ki suma gol Toka ki suma a le sunda mi Tokina mi.

Kolos-sâ 3:22

Agi magumeina, agi humugi zlad’a hi suliyogi suma yam andagad’a ka hina kur ahlena pet. Agi lagi ni ir suma á lazi tazi djivid’a go d’i, wani agi lagi ni ki hurugi pet yam mandarâ hi Salad’ina.

1 Tasaloni’â 2:4

Alona mi wami ala ami ni suma d’engzeng suma ndak á hami Zla d’a Djivid’a abomina. Kayam ndata, ami nga tchami wala ná le suma tazi djivid’a d’i, wani ná lAlo ma halami hurumina tam djivid’a.

Jacques 4:4

Agi suma bei d’engzengâ, agi wagi nga d’ala le yam duniyad’a ka’î djangûna kAlona d’uo zu? Wani sama min á le banad’a ki duniyad’ina, mi mbut ni sama djangûna hAlonina.

1 Jean 3:9

Nge nge pî ma Alona mi vud’uma, nga mi i avok kur tcho d’a led’a d’i, kayam mi hle ni zlad’a hAbum Alonid’a. Nga mi i avok kur tcho d’a led’a d’uo d’a, kayam Alona mi vud’um mi mamu.

1 Samuel 21:7

Kur bur máma tamba sana aduk azungeîna hi Saul-lâ mi nga tchola avok Ma didina. Ni sama Edom-ma a yum ala Dowek; ni sama ngolâ hi suma pol aho’â hi Saul-lîna.